ສຶກສາ ສີສັດຕະນາກ ຈັດກິດຈະກຳແຂ່ງຂັນ ສິລະປະວັນນະຄະດີ

    ວັນທີ 4 ມັງກອນຜ່ານມານີ້ຫ້ອງການສຶກສາທິການແລະກີລາເມືອງສີສັດຕະນາກນະຄອນ ຫຼວງວຽງຈັນໄດ້ຈັດກິດຈະກຳແຂ່ງຂັນສິລະປະວັນນະຄະດີໃນບັນດາໂຮງຮຽນທົ່ວເມືອງນັບແຕ່ຊັ້ນອານຸບານຫາຊັ້ນມັດທະຍົມສົມບູນງານດັ່ງກ່າວໄດ້ຈັດຂຶ້ນທີ່ໂຮງຮຽນມປາຍສີສັດຕະນາກໂດຍເປັນກຽດເຂົ້າຮ່ວມຂອງທ່ານດາວັນທົນນະ ວົງຮອງເຈົ້າເມືອງສີສັດຕະນາກ, ທ່ານສົມພອນສອນດາລາຮອງຫົວໜ້າຫ້ອງການສຶກສາທິການແລະກີລາເມືອງສີສັດຕະນາກພ້ອມບັນດາຄະນະກຳມະການແລະຄູ ອາຈານເຂົ້າຮ່ວມ.

    ກິດຈະກຳແຂ່ງຂັນສິລະປະວັນນະຄະດີຄັ້ງນີ້ລວມທັງໝົດມີ 65 ລາຍການໃນນັ້ນບົດຟ້ອນ 23 ລາຍການ, ບົດເພງ 21 ລາຍການແລະບົດລຳ 21 ລາຍກາຜ່ານການແຂ່ງຂັນສຳລັບຊັ້ນອານຸບານທີ່ຍາດເອົາອັນດັບໜຶ່ງມາໄດ້ມີໂຮງຮຽນນິຣະດາຈອມເພັດມາໃນບົດເພງ 1 ມິຖຸນາໃນດວງໃຈ, ໂຮງຮຽນສະຖາພອນບົດຟ້ອນຊາວນາມ່ວນຊື່ນແລະບົດລຳສະຫຼອງ 7 ຕຸລາ, ສ່ວນຊັ້ນປະຖົມແມ່ນໂຮງຮຽນສະຖາພອນມາໃນບົດເພງບຸນຄຸນຄູ, ໂຮງຮຽນທົ່ງກາງມາໃນບົດຟ້ອນເຍົາວະຊົນທັນວາ,ໂຮງຮຽນໄຊປະເສີດມາໃນບົດລຳຊຸບເປີສະ ຕາ, ສຳລັບຊັ້ນມັດທະຍົມຕົ້ນແມ່ນໂຮງຮຽນ ມຕ ແສງສະໄໝມາໃນບົດເພງເຊບັ້ງຫຽງ, ມຕ ເພຍວັດມາໃນບັດຟ້ອນໃຕ້ຮົ່ມທຸງໄຊ ແລະ ມຕ ສີສັດຕະນາກມາໃນບົດລຳທ່ອງທ່ຽວສີພັນດອນແລະຊັ້ນມັດທະຍົມປາຍແມ່ນໂຮງຮຽນເພຍວັດມາໃນບົດເພງຄິດເຖິງບຸນຄຸນຄູ, ໂຮງຮຽນສີສັດຕະນາກ ມາໃນບົດຟ້ອນປະເທດຂອງຂ້ອຍແລະບົດລຳເມຍມັກໃພ້.

    ເພື່ອສ້າງຂະບວນການຕ້ອນຮັບວັນສຳຄັນຕ່າງໆຂອງຊາດແລະສ້າງຄວາມສາມັກຄີແລກປ່ຽນບົດຮຽນ, ຄວາມສຳນິສຳນານມີປະສົບການຫຼາຍຂຶ້ນຂອງນ້ອງ ນັກຮຽນທີ່ໄດ້ສະແດງຄວາມກ້າຫານສາມາດດ້ານພອນສະຫວັນແລະທັງເປັນການຕ້ານໄພຢາເສບ ຕິດ.

 

แชร์