ຈຳປາສັກ ເສຍຊີວິດແລ້ວ 5 ຄົນ ຈາກໄຂ້ຍຸງລາຍ

 ຍັງສຶບຕໍ່ລະບາດໜັກຕໍ່ເນື່ອງສໍາລັບພະຍາດໄຂ້ຍຸງລາຍທີ່ແຂວງຈໍາປາສັກ ຂະນະທີ່ມີຜູ້ໄຂ້ສູງເຖິງ 2 ພັນກວ່າກໍລະນີແລະມີຜູ້ເສຍຊີວິດແລ້ວ 5 ຄົນ ແລະປະຈຸບັນການລະບາດຍັງຢູ່ໃນລະດັບທີ່ຮ້າຍແຮງຂຶ້ນເລື້ອຍໆ ໂດຍສະເພາະໃນ 3-4 ຕົວເມືອງຈົນເຮັດໃຫ້ຜູ້ປ່ວຍລົ້ນໂຮງໝໍ.

 ຈາກການເປີດເຜີຍຂໍ້ມູນຈາກພະແນກສາທາລະນະສຸກແຂວງຈໍາປາສັກ ໃຫ້ຮູ້ວ່າ: ປີ 2019 ຈໍາປາສັກເປັນແຂວງໜຶ່ງທີ່ມີການລະບາດຂອງພະຍາດໄຂ້ຍຸງລາຍ, ຮອດປະຈຸບັນຕາມການລາຍງານຂອງແຕ່ລະເມືອງມີແລ້ວທັງໝົດ 2.305 ກໍລະນີ, ເສຍຊີວິດ 5 ກໍລະນີ, ໃນນີ້ໜັກກວ່າໝູ່ແມ່ນເມືອງຈໍາປາສັກ ມີຜູ້ເຈັບເປັນຈາກການໄຂ້ ຍຸງລາຍທັງໝົດ 443 ກໍລະ ນີ, ໂພນທອງ 430 ກໍລະນີ, ມຸນລະປະໂມກ 346 ກໍລະນີ, ສຸຂຸມາ 218 ກໍລະນີ,ນະຄອນປາກເຊ 200 ກໍລະນີ ແລະເມືອງອື່ນໆອີກຈໍານວນໜື່ງ.

ຢ່າງໃດກໍຕາມປະຈຸບັນອໍານາດການປົກຄອງແຂວງກໍຄືພະແນກສາທາລະນະສຸກແມ່ນໄດ້ແຕ່ງຕັ້ງພະນັກງານຂັ້ນແຂວງລົງຊ່ວຍເຫຼືອປະຊາຊົນໃນການຄວບຄຸມທົ່ວແຂວງພິເສດແມ່ນໄດ້ຕັ້ງທີມສໍາຫຼວດໜອນນໍ້າ, ທໍາລາຍແຫຼ່ງເພາະພັນທຸກບ້ານໃນເມືອງທີ່ມີການ ລະບາດເຊັ່ນ: ເມືອງມຸນລະປະໂມງ, ສຸຂຸມາ, ໂພນທອງ, ຈໍາປາສັກ ແລະເມືອງຊະນະສົມບູນ, ຊຶ່ງເປັນເມືອງທີ່ມີຄວາມສຽງສູງຕໍ່ການແຜ່ລະບາດ,ນອກຈາກນີ້ໃຫ້ແຕ່ລະເມືອງມີການສໍາຫຼວດຄວາມໜ້າແໜ້ນຂອງໜອນນໍ້າແລະທໍາລາຍແຫຼ່ ງເພາະພັນຂອງຍຸງລາຍໃນທຸກໆອາທິດໃນແຕ່ລະບ້ານເປົ້າໝາຍ ແລະລາຍງານໃຫ້ຂັ້ນແຂວງ ແລະສູນກາງຮັບຮູ້ທຸກໆອາທິດ.

ຂຽນໂດຍ: ໂພທິຣາຊ 

แชร์