ໜ່ວຍສະຫະພັນແມ່ຍີງ ລນລ ຈັດກອງປະຊຸມໃຫຍ່

 ໜ່ວຍສະຫະພັນແມ່ຍິງລັດວິສາຫະກິດນໍ້າມັນເຊື້ອໄຟລາວ (ລນລ) ໄດ້ຈັດກອງປະຊຸມໃຫ່ຍຄັ້ງທີ່ XII ຂຶ້ນໃນ ວັນທີ 5 ກໍລະກົດ 2019 ທີ່ສໍານັກງານໃຫຍ່ ລນລ ນະຄອນຫຼວງວຽງຈັນ ໂດຍໃຫ້ກຽດເປັນປະທານຂອງ ທ່ານ ນາງ ຈັນດົມ ຊົມນິລັນດອນ ປະທານສະຫະພັນແມ່ຍິງລັດວິສາຫະກິດນໍ້າມັນເຊື້ອໄຟລາວ, ທ່ານ ນາງ ຈັນສຸກ ແສງພະຈັນ ປະທານສະຫະພັນແມ່ຍິງກະຊວງອຸດສາຫະກໍາ ແລະການຄ້າ, ທ່ານ ອານຸສິນ ພົນເສນາ ຮອງຄະນະພັກຮາກຖານລັດວິສາຫະກິດນໍ້າມັນເຊື້ອໄຟລາວ, ມີທ່ານ ດາວອນ ພົນອາມາດ ຮອງຜູ້ອໍານວຍການລັດວິສາຫະກິດນໍ້າມັນເຊື້ອໄຟລາວພ້ອມດ້ວຍເອື້ອຍນ້ອງແມ່ຍິງເຂົ້າຮ່ວມ.

 ນາງ ຈັນດົມ ຊົມນິລັນດອນ ໃຫ້ຮູ້ວ່າ: ໜ່ວຍສະຫະພັນແມ່ຍິງ ລນລ ກໍແມ່ນອົງການຈັດຕັ້ງມະຫາຊົນໜຶ່ງທີ່ປະກອບເຂົ້າໃນການຈັດຕັ້ງຂອງພັກກໍຄືລັດວິສາຫະກິດນໍ້າມັນເຊື້ອໄຟລາວ, ມີລະບົບສາຍໃຍການຈັດຕັ້ງຂຶ້ນກັບສະຫະພັນແມ່ຍິງກະຊວງອຸດສາຫະກໍາ ແລະການຄ້າ, ມີພາລະບົດບາດເປັນຕົວແທນໃນການປົກປ້ອງສິດ ແລະຜົນປະໂຫຍດອັນຊອບທໍາຂອງສະມາຊິກສະຫະພັນແມ່ຍິງ ລນລ ແລະ ລຂລ ແລະມີໜ້າທີ່ເຄື່ອນໄຫວຕາມກົດລະບຽບ, ຕາມກົດໝາຍວ່າດ້ວຍສະຫະພັນແມ່ຍິງລາວ, ຕາມກົດລະບຽບຂອງ ລນລ ແລະ ກົດໝາຍຂອງລັດ. ນອກນັ້ນໃນກອງປະຊຸມທ່ານໄດ້ເນັ້ນໃຫ້ສະມາຊິກທຸກສະຫາຍໃຫ້ຕັ້ງໜ້າບຸກບືນປະຕິບັດໜ້າທີ່ວຽກ ງານ, ເຊື່ອຊຶມບັນດານະໂຍບາຍແນວທາງໃຫ້ເລິກເຊິ່ງຕາມແນວທາງການປ່ຽນແປງຂອງແຕ່ໄລຍະເປັນຕົ້ນ: ຕັ້ງໜ້າສຶກສາອົບຮົມການເມືອງ-ແນວຄິດ, ຍົກລະດັບຄວາມຮູ້ດ້ານ

ຕ່າງໆໃຫ້ຕິດພັນກັບການສ້າງຄວາມເຂັ້ມແຂງໃຫ້ແກ່ຕົນເອງ,ສືບຕໍ່ຂະຫຍາຍສະມາຊິກສະຫະພັນທີ່ຍັງຄ້າງໃຫ້ສໍາເລັດ,ມີສະຕິປະຕິບັດລະບຽບຂອງອົງ ການຈັດຕັ້ງແມ່ຍິງຕັ້ງໜ້າປະກອບສ່ວນເຂົ້າໃນວຽກງານ; ເຂົ້າຮ່ວມທຸກຂະບວນການເຄື່ອນໄຫວຂອງພັກ-ລັດ, ເຕົ້າໂຮມຄວາມສາມັກຄີຊ່ວຍເຫຼືອເຊິ່ງກັນ ແລະ ກັນ ໃນຖັນແຖວຂອງສະຫະພັນແມ່ຍິງ, ສ້າງຂະບວນການແຂ່ງຂັນ 3 ດີ ໃຫ້ຕິດພັນກັບການເຄື່ອນໄຫວວິຊາສະເພາະ ແລະຂວນການເຄື່ອນໄຫວຂອງ 3 ອົງການຈັດ ຕັ້ງມະຫາຊົນ. ນອກນັ້ນຈົ່ງສືບຕໍ່ຄຸນລັກສະນະທີ່ເປັນມູນເຊື້ອຂອງແມ່ຍິງໃຫ້ມີຄວາມນິຍົມທີ່ຖືກຕ້ອງ ແລະ ກ້າວໜ້າເພື່ອສືບຕໍ່ປົກປັກຮັກສາ ແລະ ສ້າງສາປະເທດ ຊາດ.

  ໃນກອງປະຊຸມດັ່ງກ່າວຍັງໄດ້ມີການປ່ອນບັດຄັດເລືອກເອົາຄະນະໜ່ວຍແມ່ຍິງຊຸດໃໝ່ຂອງໜ່ວຍສະຫະພັນແມ່ຍິງລັດວິສາຫະກິດນໍ້າມັນເຊື້ອໄຟລາວເພື່ອສືບຕໍ່ຊື້ນໍາ-ນໍາພາວຽກງານໃນຕໍ່ໜ້າເຊິ່ງໄດ້ເລືອກເອົາທ່ານນາງ ທູນທອງໃຈ ພະສະຫວັດ ເປັນປະທານ, ທ່າ ນາງ ບຸນທະວີ ຂຸນທິສານ ຮອງປະທານ, ທ່ານ ນາງ ພິມພາ ພັນມາລາກວດກາ, ທ່ານ ນາງ ຈັນທະວິໄລ ສີສົມພອນ ຄະນະ ແລະ ທ່ານ ນາງ ອໍລະໄທ ພະສະຫວັດ ຄະນະ.

ຂຽນໂດຍ: ວົງມະນີ  

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์