ນອກແວເປີດໂຕກຳປັ່ນພະລັງງານໄຟຟ້າລໍາທຳອິດຂອງໂລກ

ຜູ້ປະກອບການກຳປັ່ນສຳລານສັນຊາດນອກແວກຽມສົ່ງກຳປັ່ນລຳທຳອິດຂອງໂລກທີ່ໃຊ້ພະລັງງານໄຟຟ້າຈາກແບດເຕີຣີແລ່ນໄປຍັງຂົ້ວໂລກເໜືອໃນອາທິດນີ້ ຊຶ່ງຄາດວ່າເຮືອລໍາດັ່ງກ່າວຈະຊ່ວຍຫຼຸດປ່ອຍອາຍແກ໊ສກາກບອນໄດອອກໄຊໄດ້ປະມານ 20% ເລີຍ.

ຕາມຂ່າວຕ່າງປະເທດລາຍງານວ່າບໍລິສັດເຮີທິກຣູເຕນຜູ້ ປະກອບການກຳປັ່ນສຳລານຂອງນອກແວກຽມສົ່ງເຮືອໂຣອັລອະມຸນເຊນ (ກຳປັ່ນສຳລານລຳທຳ ອິດຂອງໂລກທີ່ໃຊ້ພະລັງງານ ໄຟຟ້າ) ອອກເດີນທາງຈາກເມືອງທຣຸມເຊີຂອງນອກແວໄປຍັງຂົ້ວ ໂລກເໜືອ ແລະຈະລ່ອງຜ່ານໄປຍັງລັດອໍລາສະກ້າຂອງອາເມລິກາກ່ອນມຸ່ງໜ້າລົງໃຕ້ເດີນທາງຕໍ່ໄປຍັງຂົ້ວໂລກໃຕ້ໃນໄລຍະເດືອນຕຸ ລານີ້,ຢ່າງໃດກໍຕາມກຳປັ່ນລໍາດັ່ງກ່າວຍັງເປັນກຳປັ່ນໄຮບຣິດຢູ່ຄືໃຊ້ພະລັງງານໄດ້ທັງຈາກນໍ້າມັນ ແລະພະລັງງານໄຟຟ້າຈາກແບດ ເຕີຣີ ແຕ່ໂດຍລວມແລ້ວເຄື່ອງຈັກຈະໃຊ້ນໍ້າມັນສ່ວນແບດເຕີຣີນັ້ນຈະສາມາດໃຫ້ພະລັງງານໄດ້ປະມານ 45-60 ນາທີພາຍໃຕ້້ສະພາບແວດລ້ອມທີ່ເປັນໃຈຊຶ່ງການນໍາແບດເຕີຣີເຂົ້າມາໃຊ້ຈະຊ່ວຍ ຫຼຸດການເຜົາໄໝ້ຂອງນໍ້າມັນ ແລະ ຊ່ວຍຫຼຸດການປ່ອຍແກ໊ສກາກ ບອນໄດອອກໄຊໄດ້ປະມານ 20% ເມື່ອປຽບທຽບກັບແລ່ນດ້ວຍນໍ້າ ມັນພຽງຢ່າງດຽວ.

ຢ່າງໃດກໍຕາມປະຈຸບັນນີ້ຍັງຢູ່ຂັ້ນຕອນເລີ່ມຕົ້ນຂອງການນໍາເຕັກໂນໂລຊີແບດເຕີຣີສໍາລັບໃຊ້ ໃນກຳປັ່ນເນື່ອງຈາກມີທ່າເຮືອພຽງບໍ່ທໍ່ໃດແຫ່ງເທົ່ານັ້ນທີ່ມີບ່ອນ ສາກແບດເຕີຣີສຳລັບກຳປັ່ນແຕ່ທາງບໍລິສັດຄາດວ່າໃນອະນາຄົດສາທາລະນູປະໂພກຕ່າງໆຈະໄດ້ຮັບການປັບປຸງໃຫ້ດີຂຶ້ນຕະຫຼອດສະຖານີສາກແບດເຕີຣີ.

  1. ພາບ  ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์