ຫວຽດນາມຫວັງເປັນສູນກາງ ການຜະລິດລົດຂອງໂລກ

ທ່ານ ນາງ ທຸຍລີປະທານ ວິນຟາສຍີ່ຫໍ້ລົດສັນຊາດ ສສ ຫວຽດນາມຖືກຖາມວ່າເປັນຫຍັງຫວຽດນາມຕ້ອງມີຍີ່ຫໍ້ລົດເປັນຂອງຕົນເອງໂດຍລາວຕອບວ່າສິນຄ້າຂອງເຮົາມີຄຸນນະພາບທີ່ດີແລະລາຄາທີ່ຈັບຕ້ອງໄດ້.

ຕາມຂ່າວຕ່າງປະເທດລາຍງານວ່າປະທານວິນຟາສກ່າວ ເຖິງຫຼາກຫຼາຍມິຕິໃນການພັດທະນາຍີ່ຫໍ້ລົດສັນຊາດຫວຽດນາມໃນໄລຍະທີ່ວ່ອງໄວ ໂດຍວິນຟາສໃຊ້ເວລາ 2 ປີກວ່າເທົ່ານັ້ນ ກໍສາມາດຜະລິດແລະເປີດໂຕລົດລຸ້ນທຳອິດອອກສູ່ຕະຫຼາດໄດ້ລວມທັງຍັງເວົ້າເຖິງແຜນການຜະລິດລົດໄຟຟ້າທີ່ບໍລິສັດຄາດວ່າຈະສາມາດ ເປີດໂຕໄດ້ໃນໄລຍະຕົ້ນປີ 2020,ຢ່າງໃດກໍຕາມຫວຽດນາມບໍ່ໄດ້ຕ້ອງການພຽງປັ້ນຍີ່ຫໍ້ລົດເພາະແທ້ທີ່ຈິງແລ້ວອຸປະສົງ(ຄວາມຕ້ອງການຊື້) ຍັງບໍ່ຫຼາຍປານໃດ ແຕ່ຄວາມສາມາດໃນການຜະລິດລົດທີ່ບໍລິສັດມີຈະສາມາດຊຸກຍູ້ ໃຫ້ຫວຽດນາມເປັນສູນກາງການ ຜະລິດລົດຂອງໂລກໄດ້. ທ່ານ ນາງ ທຸຍ ກ່າວວ່າບໍລິສັດລົດບໍ່ໄດ້ ມີພຽງແຕ່ລົດມັນມີທັງສາຍການ ຜະລິດ,ຈຳນວນແຮງງານທີ່ສ້າງ ແລະເຕັກໂນໂລຊີທີ່ມາພ້ອມໆກັນ,ຊຶ່ງຍອມຮັບວ່າອາໄຫຼການຜະລິດຫຼາຍໆຢ່າງຍັງຕ້ອງນໍາເຂົ້າຈາກ ຕ່າງປະເທດເນື່ອງຈາກບໍລິສັດຄຳນຶງເຖິງມາດຕະຖານ ແລະຄວາມປອດໄພເປັນຫຼັກພ້ອມທັງຍອມຮັບວ່າສັກກະຍະພາຍຂອງແຮງ ງານຫວຽດນາມຍັງບໍ່ພຽງພໍ.

ຢ່າງໃດກໍຕາມສິ່ງທີ່ວິນຟາສເຮັດຄືການສົ່ງເສີມພະນັກງານຈຳນວນຫຼາຍເຂົ້າໄປເຝິກອົບຮົບໃນມະຫາວິທະຍາໄລຕ່າງໆໃນຫວຽດນາມເພື່ອພັດທະນາທັກສະ ແຮງງານທັງໃນດ້ານທິດສະດີແລະພາກປະຕິບັດຕົວຈິງ,ນອກຈາກພັດທະນາທັກສະແຮງງານ ແລ້ວບໍລິສັດຍັງມີເງິນທຶນການສຶກສາໃຫ້ກັບນັກສຶກສາຫວຽດນາມໃຫ້ໄປຮຽນໃນຕ່າງປະເທດໂດຍບໍ່ບັງຄັບໃຫ້ຜູ້ຮັບທຶນຕ້ອງກັບມາ ເຮັດວຽກໃຫ້ວິນຟາສ,ທ່ານ ນາງ ທຸຍກ່າວວ່າຄວາມພະຍາຍາມໃນການລົງທຶນກັບຊັບພະຍາກອນມະນຸດທັງໝົດຂອງບໍລິສັດໄດ້ຮັບຄວາມຊ່ວຍເຫຼືອຈາກລັດຖະບານເພາະລັດຖະບານຫວຽດນາມມອງວ່ານີ້ເປັນຈຸດເລີ່ມຕົ້ນທີ່ສຳຄັນທີ່ຈະຍົກລະດັບອຸດສາຫະກຳລົດຂອງຫວຽດນາມໃຫ້ໄປໄກເຖິງລະດັບໂລກ.

  1. ພາບ  ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์