ຊ້າງນ້ອຍ ຮັບນັກເຕະກອງຫຼັງເສີມທັບກຽມລຸຍບານເຕະເປບຊີ ລາວພຣີເມຍລີກ

    ສະໂມສອນຊ້າງນ້ອຍເອັບຊີປະກາດຄວ້າ 2 ກອງຫຼັງທີມຊາດຊຸດໃຫຍ່ປະຈຸບັນປະກອບມີສອນວິໄລສີຫາວົງແລະວັນນາບຸນຫຼໍວົງສາເຂົ້າມາເສີມຄວາມແຂງແກ່ນໃນແນວຮັບກຽມລຸຍການແຂ່ງຂັນບານເຕະເປບຊີລາວພຣີເມຍລີກ  2019  ທີ່ຈະເປີດສາກຂຶ້ນໃນໄວໆນີ້.

    ອີງຕາມຂໍ້ມູນຈາກສະໂມສອນຊ້າງນ້ອຍເອັບຊີທີມທີ່ມີນັກເຕະທີມຊາດລາວລຸ້ນເຍົາວະຊົນຫຼາຍທີ່ສຸດໃນການແຂ່ງຂັນບານເຕະເປບຊີລາວພຣີເມຍລີກ 2019 ໃຫ້ຊາບວ່າ: ສະໂມສອນຊ້າງນ້ອຍເອັບຊີ ຕົກລົງເຊັນສັນຍາຄວ້າ 2 ກອງຫຼັງທີມຊາດຊຸດໃຫຍ່ປະຈຸບັນເປັນທີ່ຮຽບຮ້ອຍແລ້ວປະກອບມີສອນວິໄລສີຫາວົງກອງຫຼັງຈາກສະໂມສອນມາດເຕີເຊເວັນເອັບຊີແລະວັນນາບຸນຫຼໍວົງສາກອງຫຼັງຈາກສະໂມສອນຫຼວງພະບາງຢູໄນເຕັດເຂົ້າມາເສີມຄວາມແຂງແກ່ນໃນແນວຮັບກຽມລຸຍກາແຂ່ງຂັນບານເຕະເປບຊີລາວ ພຣີເມຍລີກ 2019 ທີ່ຈະເປີດສາກຂຶ້ນໃນໄວໆນີ້. ຂະນະທີ່ເລື່ອງສັນຍາຂອງ                                                               ນັກເຕະທັງ 2 ຄົນແມ່ນບໍ່ໄດ້ລະບຸໄວ້ແຕ່ຄາດວ່າອາດເປັນການເຊັນສັນຍາແບບປີຕໍ່ປີ.

    ສຳລັບນັກເຕະທັງ 2 ຄົນນີ້ແມ່ນເປັນນັກເຕະທີ່ມີປະສົບການໃນທີມຊາດປະຈຸບັນແລະລາວພຣີເມຍລີກມາຫຼາຍປີເປັນຕົ້ນສອນວິໄລສີຫາວົງເຄີຍຢູ່ຮ່ວມກັບທີມ ຊັ້ນນຳຫຼາຍສະໂມສອນປະກອບມີສະໂມສອນເອສຣາເອັບຊີແຕ່ເຍົາວະຊົນຈົນເຖິງ ປີ 2013, ຮວ່າງແອັງອັດຕະປືໃນປີ  2014-2015, ລ້ານຊ້າງ ຢູໄນເຕັດໃນປີ 2016, ສະໂມສອນນະຄອນຫຼວງຢູໄນເຕັດ ໃນປີ 2017 ແລະສະໂມສອນມາດເຕີເຊເວັນ ເອັບຊີ ໃນປີ 2018. ສ່ວນວັນນາບຸນຫຼໍວົງສາຜົນງານໂດດເດັ່ນແມ່ນຢູ່ຮ່ວມກັບສະໂມສອນ SHB ວຽງຈັນເອັບຊີ ໃນ ປີ 2015, ສະໂມສອນຊ້າງນ້ອຍເອັບຊີ ໃນປີ 2016, ສະໂມສອນດີເຄເອັບຊີ ໃນປີ 2017 ແລະສະໂມສອນຫຼວງພະບາງ ຢູໄນເຕັດ ໃນປີ 2018.

    ສ່ວນຜົນງານຂອງສະໂມສອນຊ້າງນ້ອຍເອັບຊີ ໃນປີ 2018 ແມ່ນໄດ້ອັນດັບ 6 ຂອງຕາຕະລາງລົງສະໜາມ 14 ນັດ ຊະນະ 4 ນັດ, ສະເໝີ 3 ນັດແລະເສຍ 7 ນັດມີ 15 ຄະແນນ. ຂະນະທີ່ອັນ ດັບ1 ຕົກເປັນຂອງສະໂມສອນລາວໂຕໂຢຕ້າເອັບຊີ, ອັນດັບ 2 ປກສ ເອັບຊີ, ອັນດັບ 3 ຫຼວງພະບາງຢູໄນເຕັດ, ອັນດັບ 4 ມາດເຕີເຊເວັນເອັບຊີ, ອັນດັບ 5 ສະຫວັນຢູໄນເຕັດ, ອັນດັບ 7 ກອງທັບເອັບຊີແລະອັນດັບ 8 ດີເຄເອັບຊີ.

แชร์