ເປີດສະຫະພັນກີລາຄິກບ໋ອກຊິງແຫ່ງຊາດລາວ

ກີລາຄິກບ໋ອກຊິງເປັນກີລາຕໍ່ສູ້ປ້ອງກັນຕົວປະເພດໜຶ່ງທີ່ມີລັກສະນະຝຶກຊ້ອມ,ການສະແດງ ແລະ ແຂ່ງຂັນມີເຕັກນິກ,ຍຸດທະວິທີຄ້າຍ,ມີຄວາມແຕກຕ່າງກັນກັບມວຍລາວຄາຣາເຕປີ 2019 ໄດ້ຖືກບັນຈຸເຂົ້າ ການແຂ່ງຂັນກີລາຊີເກມທີ່ປະເທດຟິລິບປິນຈາກນັ້ນເມື່ອໄດ້ຮັບຮູ້ເປັນຊະມາຊິກຈາກສະຫະພັນກີລາຄິກບ໋ອກຊິງອາຊີຄະນະກຳມະການໂອແລມປິກແຫ່ງຊາດລາວໄດ້ສະເໜີຕໍ່ກະຊວງສຶກສາທິການ ແລະກີລາພ້ອມເຫັນດີສ້າງຕັ້ງສະຫະພັນຄິກບ໋ອກຊິງແຫ່ງຊາດລາວ.

ເມື່ອວັນທີ 3 ກໍລະກົດ 2019 ໄດ້ຈັດພິທີຖະແຫຼ່ງຂ່າວເປີດໂຕສະຫະພັນຄິກບ໋ອກຊິງແຫ່ງຊາດລາວຢ່າງເປັນທາງການ ໂດຍການເຂົ້າຮ່ວມຂອງທ່ານບົວລານ ສິລິປັນຍາຮອງລັດຖະມົນຕີກະຊວງສຶກສາທິການ ແລະກີລາ, ທ່ານ ຊົມພູ ພົງ ສາຮອງປະທານແລະເລຂາຄະນະກຳມະການໂອແລມປິກແຫ່ງຊາດລາວ,ທ່ານວັນນະເດດແກ້ວວຽງ ຄຳປະທານສະຫະພັນຄິກບ໋ອກຊິງ ແຫ່ງຊາດລາວ ບັນດາຫົວໜ້າກົມແລະນັກກີລາເຂົ້າຮ່ວມ.

ທ່ານ ວັນນະເດດ ແກ້ວວຽງຄໍາໄດ້ກ່າວໃຫ້ຮູ້ວ່າ:ກີລາບ໋ອກຊິງ ເປັນກີລາຕໍ່ສູ້ປ້ອງກັນຕົວປະເພດ ໜຶ່ງທີ່ມີລັກຊະນະການຝຶກຊ້ອມ,ການສະແດງ ແລະການແຂ່ງຂັນ ເຕັກນິກ ແລະຍຸດທະວິທີສະຫະພັນຄິກບ໋ອກຊິງແຫ່ງຊາດລາວໄດ້ຖືກຮັບຮູ້ການເປັນສະມາຊິກຈາກສະຫະພັນກີລາຄິກບ໋ອກຊິງອາຊີເມື່ອປີ 2013 ໂດຍການເຫັນດີຈາກກະຊວງສຶກສາທິການ ແລະກີລາ,ແລະການສະເໜີຂອງຄະນະໂອແລມປິກແຫ່ງຊາດຊຶ່ງມາຮອດປະຈຸບັນ ມີບັນດາສະໂມສອນກີລາ ແລະນັກ ກີລາໄດ້ຮັບຮູ້ຫຼາຍຂຶ້ນແລະມີຄວາມສົນໃຈທີ່ຈະເຂົ້າມາຮ່ວມພັດທະນາການຈັດຕັ້ງຄະນະບໍລິຫານສະຫະພັນກີລາຄິກບ໋ອກຊິງແຫ່ງຊາດລາວ.  

ໂອກາດດັ່ງກ່າວທ່ານ ບົວລານສີລີປັນຍາໄດ້ກ່າວວ່າ:ເພື່ອເຮັດໃຫ້ ການຈັດຕັ້ງປະຕິບັດວຽກງານຂອງສະຫະພັນກີລາຄິກບ໋ອກຊິງແຫ່ງຊາດລາວໄດ້ຮັບໝາກຜົນໃນຕໍ່ໜ້າ ພາກສ່ວນກ່ຽວຂ້ອງຕ້ອງເອົາໃຈໃສ່ຈັດຕັ້ງຜັນຂະຫຍາຍແນວທາງນະໂຍບາຍໂດຍສະເພາະແຜນຍຸດທະສາດພັດທະນາກີລາ-ກາຍຍະກຳລາວແຕ່ນີ້ຮອດປີ 2020 ແລະວິ ໄສທັດຂອງສະຫະພັນກີລາທີ່ວາງອອກ ໂດຍປະສານສົມທົບກັບບັນດາອົງການຈັດຕັ້ງທັງພາກລັດອົງ ການຈັດຕັ້ງທາງສັງຄົມ,ອົງການຈັດຕັ້ງເອກະຊົນ ແລະອື່ນໆເພື່ອເຮັດໃຫ້ການເຄື່ອນໄຫວກິດຈະກໍາຕ່າງໆມີຄວາມສະດວກ ແລະບໍ່ເກີດບັນຫາ,ໃຫ້ເອົາໃຈໃສ່ການປະສານງານກັບພາກລັດ ໂດຍສະເພາະກະ ຊວງສຶກສາທິການແລະກີລາລວມ ເຖິງຄະນະກຳມະການໂອແລມປິກ ແຫ່ງຊາດລາວໃນການເຄື່ອນໄຫວກິດຈະກໍາການເຂົ້າຮ່ວມແຂ່ງຂັນ, ການຈັດການແຂ່ງຂັນໃນລະດັບ ຕ່າງໆ,ໃຫ້ເອົາໃຈໃສ່ໃນການປະ ສານງານຮ່ວມມືກັບບັນດາອົງການຈັດຕັ້ງທັງພາຍໃນ ແລະຕ່າງປະເທດ ເພື່ອຍາດແຍ່ງການຊ່ວຍເຫຼືອດ້ານ ທຶນແລະອື່ນໆ,ໃຫ້ເອົາໃຈໃສ່ໃນການພັດທະນາບຸກຄະລາກອນການ ກີລາດ້ານຜູ້ບໍລິຫານ,ຄູຝຶກ,ກໍາມະການຕັດສິນພ້ອມນີ້ກໍຕ້ອງສ້າງໃຫ້ມີລະບົບການພັດທະນານັກກີລາຢ່າງຕໍ່ເນື່ອງເພື່ອໃຫ້ເກີດຄວາມຍືນຍົງ.

ພາບ  ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์