ເມືອງໄຊເສດຖາ ສະຫຸຼບແຜນພັດທະນາສຶກສາ ແລະກີລາ

ວັນທີ 1 ກໍລະກົດ ຜ່ານ ມາ ຫ້ອງການສຶກສາທິການແລະກີລາເມືອງໄຊເສດຖາ ແຂວງອັດຕະປືໄຂກອງປະຊຸມຜູ້ບໍລິຫານການສຶກສາແລະກີລາຂັ້ນເມືອງ ປະຈຳສົກຮຽນ 2018-2019 ສະຫຼຸບຕີລາຄາຄືນຜົນການຈັດຕັ້ງປະ ຕິບັດແຜນພັດທະນາວຽກງານສຶກສາແລະກີລາໄລຍະ1ສົກຮຽນຜ່ານມາຂອງຜູ້ບໍລິຫານການສຶກສາແລະກີລາທຸກຂັ້ນພາຍໃນເມືອງ ແລະທັງຕີລາຄາການມີສ່ວນຮ່ວມຂອງອົງການຈັດຕັ້ງທີ່ກ່ຽວຂ້ອງ,ພ້ອມທັງວາງທິດທາງແຜນການສຶບຕໍ່ ພັດທະນາວຽກງານສຶກສາ ແລະກີລາຂອງເມືອງໂດຍໄປຕາມ 3 ລັກສະນະແລະ5 ຫຼັກມູນຂະແໜງການສຶກສາ ແລະກີລາທີ່ກະຊວງສຶກສາແລະກີລາໄດ້ວາງອອກ. ໂດຍພາຍໃຕ້ການເປັນປະທານຂອງທ່ານ ສີໄລສີສະແຫວງສຸກ ເຈົ້າເມືອງໄຊເສດຖາ, ທ່ານ ຄຳ ພູນແກ້ວມາລາຫົວໜ້າພະແນກສຶກສາທິການ ແລະກີລາແຂວງອັດຕະປື, ມີຄະນະຜູ້ບໍລິຫານການ ສຶກສາຂັ້ນເມືອງເຂົ້າຮ່ວມ.

ໃນກອງປະຊຸມໄດ້ສະຫຼຸບຜົນການຈັດຕັ້ງປະຕິບັດແຜນພັດທະ ນາສຶກສາ ແລະກີລາສົກຮຽນ2018-2019 ຜ່ານມາ,ຊຶ່ງໃນຈຳ ນວນ 15 ຄາດໝາຍແຜນພັດທະ ນາວຽກງານສຶກສາ ແລະກີລາຂອງເມືອງທີ່ກະຊວງສຶກສາທິການແລະກີລາໄດ້ວາງອອກສາມາດ ບັນລຸໄດ້ 4 ຄາດໝາຍ, ໃກ້ຈະບັນລຸ 5 ຄາດໝາຍ ແລະບໍ່ທັນບັນລຸ ໄດ 6 ຄາດໝາຍ,ໃນນັ້ນຄາດທີ່ບັນລຸໄດ້ຕາມແຜນມີ:ອັດຕາເຂົ້າຮຽນຂອງເດັກ 5 ປີ ຈາກ79% ໃນສົກຮຽນ 2017-2018,ມາເປັນ 75% ໃນສົກຮຽນ 2018- 2019; ອັດຕາສຸດທິເຂົ້າຮຽນໃໝ່ ຂອງເດັກອາຍຸ 6 ປີ ຊັ້ນປະຖົມເພີ່ມຈາກ 98,4% ໃນສົກຮຽນ 2017-2018 ມາເປັນ 99,7% ໃນສົກຮຽນ 2018-2019; ອັດຕາເຂົ້າຮຽນລວມໃໝ່ສົກຮຽນ2018-2019 ຊັ້ນ ປ5 ປະຕິບັດໄດ້ 106,2%, ແລະວຽກງານສົ່ງເສີມມວນຊົນທຸກເພດທຸກໄວ ເຂົ້າຮ່ວມການຫັດກາຍະກຳບໍລິຫານການອອກກຳລັງກາຍ ແລະ ການຫຼິ້ນກີລາກາຍະກຳໄດ້ 22,73% ຂອງຈໍານວນພົນລະເມືອງທັງໝົດ. ຄາດໝາຍທີ່ບໍ່ບັນລຸໄດ້ມີອັດຕາ ຄ້າງຫ້ອງຂອງນັກຮຽນປ1 ມີທ່າ ອ່ຽງຈາກ 10,0% ໃນສົກຮຽນ 2017-2018 ມາເປັນ 13,0% ໃນສົກຮຽນ 2018-2019, ອັດ ຕາຄ້າງຫ້ອງຊັ້ນປະຖົມສຶກສາມີ ທ່າອ່ຽງຈາກ 5,4% ໃນສົກຮຽນ 2017-2018 ມາເປັນ 6,1% ໃນສົກຮຽນ 2018-2019, ອັດຕາປະລະຊັ້ນປະຖົມສຶກສາມີທ່າອ່ຽງ ຈາກ 5,7% ໃນສົກຮຽນ 2017-2018 ມາເປັນ 8,6% ໃນສົກຮຽນ 2018-2019;ອັດຕາລອດ ເຫຼືອຮອດ ປ5 ຫຼຸດຈາກ 74,4% ໃນສົກຮຽນ 2017-2018 ຫຼຸດມາເປັນ 66,0% ໃນສົກຮຽນ2018-2019, ອັດຕາເຂົ້າຮຽນລວມໃໝ່ປະຕິບັດໄດ້ 59,0% ໃນນັ້ນມີ 2 ກຸ່ມບ້ານ ທີ່ປະຕິບັດໄດ້ສູງກ່ວາ, 59%, ອັດຕາການປະ ລະການຮຽນຊັ້ນມັດທະຍົມຕອນ ຕົ້ນມີທ່າອ່ຽງຫຼຸດຈາກ 15,0% ໃນສົກຮຽນ 2017-2018 ມາເປັນ 12,0% ໃນສົກສຮຽນ 2018-2019.

ພາບ  ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์