ຢູນິເທວ ເປີດນຳໃຊ້ ເຄືອຂ່າຍອິນເຕີເນັດ 4,5 G

  ຂະບວນການສ້າງກິດຈະກຳການເປີດນຳໃຊ້ເຄືອຂ່າຍອິນເຕີເນັດ 4,5 G ດ້ວຍສັນຍານກວ້າງທີ່ສຸດ ແລະໄວທີ່ສຸດ, ຄວາມໄວສູງສຸດ 150 Mbps ຂອງ Unitel ໄດ້ຈັດຂຶ້ນໃນວັນທີ 29 ມິຖຸນາ 2019  ຊຶ່ງການຈັດກິດຈະກຳຄັ້ງນີ້ຢູນີເທວໄດ້ທົດລອງບໍລິການ 4,5 G ໃນຂອບເຂດທົ່ວປະເທດ “ ລາຄາຖືກ, ຄວາມໄວສູງ, ເຂດສົ່ງສັນຍານກວ້າງຂວາງ”.

  ສຳລັບແຂວງສະຫວັນນະເຂດ ກໍ່ໄດ້ຈັດກິດຈະກຳການທົດລອງນຳໃຊ້ອິນເຕີເນັດ 4,5 ຈີ ເຊັ່ນດຽວກັນເປັນການຈັດຂະບວນຂະບວນຂອງລົດຈັກເລາະລຽບໄປຕາມຈຸດຕ່າງໆຂອງນະຄອນໄກສອນພົມວິຫານ ຊຶ່ງໄດ້ຮັບການຕອບຮັບທີ່ດີຈາກລູກຄ້າ, ສະເພາະແຂວງສະຫວັນນະເຂດ ໄດ້ຂະຫຍາຍເຄືອຂ່າຍ 4,5 G ຄົບໃນ 15 ເມືອງຂອງແຂວງເພື່ອພິສູດດ້ານຄຸນະພາບທີ່ດີໃຫ້ແກ່ລູກຄ້າ, ພະນັກງານທົດສອບຄວາມໄວອິນເຕີເນັດ 4,5 G ຂອງ Unitel ໃນໂທລະສັບເພື່ອໃຫ້ລູກຄ້າສາມາດກວດສອບຄວາມໄວໄດ້.

ນອກຈາກນັ້ນ, ລູກຄ້າຍັງສາມາດເຂົ້າຮ່ວມໃນບາງກິດຈະກຳມ່ວນໆເພື່ອລຸ້ນລາງວັນຈາກຢູນີເທວ. ພິເສດກວ່ານັ້ນ Unitel ເປັນພຽງເຄືອຂ່າຍດຽວຢູ່ ສປປ ລາວ ເມື່ອໂທລະສັບຂອງທ່ານດາຕ້າໝົດແຕ່ທ່ານກໍ່ຍັງສາມາດສືບຕໍ່ໃຊ້ເຟສບຸກ, ໃຊ້ Messenger ໄດ້ອີກດ້ວຍ, ລູກຄ້າທີ່ມີຄວາມຕ້ອງການນຳໃຊ້ 4,5G ຕ້ອງໄດ້ມາປ່ຽນຊີມຈາກ 3G ເປັນ 4G ຊຶ່ງຈະໄດ້ຮັບດາຕ້າລວມ 1.500 MB ຫັຼງຈາກນັ້ນຕັ້ງຄ່າໃນໂທລະສັບຕາມຂັ້ນຕອນ.

  ບໍລິສັດສະຕາໂທລະຄົມມະນາຄົມ ຫຼື ຢູນີເທວນອກຈາກໃຫ້ບໍລິການດ້ານໂທລະຄົມທີ່ເປັນອັນດັບຕົ້ນໆໃນ ສປປ ລາວ ແລ້ວຍັງໃຫ້ບໍລິການດ້ານເຕັກໂນໂລຊີຕ່າງໆ ໃນແຕ່ລະຂົງເຂດເຊັ່ນ: ວຽກງານການສຶກສາ, ວຽກງານສາທາລະນະສຸກ ແລະລະບົບການຄຸ້ມຄອງຂະແໜງການພາກລັດອີກດ້ວຍ.

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์