ຜົນວິໄຈພະຍາດເອດຄືບໜ້າ

ທີມນັກວິໄຈໃນອາເມລິກາປະສົບຄວາມສຳເລັດໃນການກຳຈັດເຊື້ອໄວຣັສເອຊໄອວີທີ່ເປັນສາເຫດຂອງພາວະພູມຄຸ້ມກັນບົກພ່ອງ (ພະຍາດເອດ) ຈາກດີເອັນເອຂອງໜູທົດລອງທີ່ຕິດເຊື້ອ ນັບເປັນ ຄວາມຄືບໜ້າຄັ້ງສຳຄັນຂອງການ ທົດລອງວິໄຈທີ່ຈະນໍາໄປສູ່ການປິ່ນປົວຜູ້ທີ່ຕິດເຊື້ອເອຊໄອວີເກືອບ 37 ລ້ານຄົນທົ່ວໂລກໃນປະຈຸບັນ.

ຕາມຂ່າວຕ່າງປະເທດລາຍງານວ່າຜົນການສຶກສາທີ່ເຜີຍແຜ່ໃນວັນທີ 2 ກໍລະກົດໃນວາລະສານເນເຊີຄອມມີວນິເຄຊັນ ທີມນັກວິໄຈຄົນອາເມລິກາເຮັດການ ເຊື່ອມຕໍ່ເຕັກໂນໂລຊີປັບແຕ່ງຈີ ໂນມກັບຢາກຳຈັດເຊື້ອໄວຣັສແບບ ປົດປ່ອຍຊ້າ ເພື່ອທຳລາຍເຊວ ເອຊໄອວີທັງໝົດຈາກໜູທົດລອງ ທີ່ຕິດເຊື້ອ,ຊຶ່ງການປິ່ນປົວຄົນເຈັບເອຊໄອວີໃນປະຈຸບັນ ບໍ່ສາມາດກຳ ຈັດເຊື້ອໄວຣັສໄດ້ທັງໝົດ ແລະເຮັດໄດ້ພຽງແຕ່ຢັບຢັ້ງເພີ່ມຈຳນວນ ການປິ່ນປົວດ້ວຍຢາຕ້ານໄວຣັສ (ເອອາທີ) ຕ້ອງປິ່ນປົວຕະຫຼອດຊີວິດເພື່ອຢັບຢັ້ງການແຜ່ກະຈາຍ ຂອງໄວຣັສ,ທີມນັກວິໄຈຊາວອາເມລິກາທົດລອງວິທີໃໝ່ກັບໜູທົດລອງທີ່ຕິດເຊື້ອເອຊໄອວີດ້ວຍການ ປິ່ນປົວທີ່ເອີ້ນວ່າ ເລເຊີອາດ ເພື່ອ ຢັບຢັ້ງເຊລເອຊໄອວີບໍ່ໃຫ້ເພີ່ມຈຳນວນປາກົດວ່າການທົດລອງຫຼາຍອາທິດທີມວິໄຈປະສົບຄວາມສຳເລັດໃນການກຳຈັດເຊື້ອໄວຣັສໃນໜູທົດລອງ 9 ໂຕຈາກທັງໝົດ 23 ໂຕ.

ທ່ານຄາເມລຄາລິລີ່ ໜຶ່ງໃນທີມນັກວິໄຈກ່າວວ່າຜົນຂອງການ ວິໄຈໃນຄັ້ງນີ້ ສະແດງໃຫ້ເຫັນວ່າເຊື້ອໄວຣັສເອຊໄອວີ ສາມາດກຳຈັດໄດ້ແຕ່ນີ້ເປັນພຽງຂັ້ນຕອນ ເລີ່ມຕົ້ນຍັງມີຂະບວນການເພີ່ມ ຕື່ມອີກຫຼວງຫຼາຍທີ່ຈະໄດ້ຂໍ້ສະຫຼຸບຢ່າງເປັນຮູບປະທຳ.

  1. ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์