ເສດຖະກິດໂລກຈະເຕີບໂຕ 3,1%

ທະນາຄານອຸດສາຫະກຳ ແລະການຄ້າສາກົນຄາດຄະເນວ່າ ປີ 2019 ເສດຖະ ກິດໂລກເຕີບໂຕ 3,1% ເນື່ຶອງຈາກໄດ້ຮັບຜົນກະທົບຈາກຄວາມຂັດແຍ້ງທາງການຄ້າ.

ຕາມຂ່າວຕ່າງປະເທດລາຍງານວັນທີ 3 ກໍລະກົດວ່າທະນາຄານອຸດສາຫະກຳ ແລະການຄ້າສາກົນໄດ້ອອກບົດລາຍງານ “ເບິ່ງເສດຖະກິດໂລກໃນ 6 ເດືອນທ້າຍປີ 2019” ໂດຍຄາດວ່າໃນປີ 2019, ຈັງຫວະການເຕີບໂຕ ຂອງເສດຖະກິດໂລກຈະເຕີບໂຕ 3,1% ຊຶ່ງໄດ້ປັບຫຼຸດ 0,2% ເມື່ອທຽບໃສ່ກັບການຄາດຄະເນໂດຍອົງການກອງທຶນເງິນຕາສາກົນໃນເດືອນເມສາຜ່ານມາ.ໃນບົດລາຍງານໄດ້ຊີ້ໃຫ້ເຫັນວ່າ:ເນື່ອງຈາກໄດ້ຮັບຜົນກະທົບຈາກຄວາມຂັດແຍ້ງດ້ານເສດຖະກິດການຄ້າຕ່າງໆ,ນັບແຕ່ 6 ເດືອນທ້າຍປີ 2018 ເປັນຕົ້ນມາ, ສະຖຽນລະພາບດ້ານເສດຖະກິດໂລກໄດ້ຫຼຸດລົງຢ່າງຈະແຈ້ງໃນ 6 ເດືອນຕົ້ນປີນີ້,ຕົວຊີ້ວັດຕ່າງໆທາງດ້ານ ເສດຖະກິດຍັງອ່ອນເພຍ,ດັດສະນີຂອງຜູ້ຈັດການຝ່າຍຊື້ຂອງກຸ່ມເສດຖະກິດທີ່ພັດທະນາແລ້ວ ຫຼື PMI ກໍຫຼຸດລົງ ແລະການຜະລິດອຸດສາຫະກຳກໍຫຼຸດລົງເຊັ່ນກັນ.

ປະຈຸບັນນີ້,ການສ້າງລະບົບການຄ້າຫຼາຍຝ່າຍຄືນ ໃໝ່ພວມກາຍເປັນສິ່ງທ້າທາຍເພີ່ມຂຶ້ນ ແລະຍາວນານທີ່ເສດຖະກິດໂລກຕ້ອງຜະເຊີນ,ຂະນະທີ່ຄວາມບໍ່ແນ່ນອນຂອງນະໂຍບາຍການຄ້າອາເມລິກາໄດ້ເປັນປັດໄຈຕົ້ນຕໍດ້ານຄວາມເຄັ່ງຕຶງຂອງການຄ້າທົ່ວໂລກ.

  1. ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์