ເຂື່ອນແຕກໃນອິນເດຍເສຍຊີວິດ-ສູນຫາຍ 20 ກວ່າຄົນ

ທາງການອິນເດຍລາຍງານວ່າມີຜູ້ເສຍຊີວິດ 11 ຄົນ ແລະສູນ ຫາຍອີກ 13 ຄົນໃນວັນທີ 3 ກໍລະກົດທີ່ຜ່ານມາຫຼັງຈາກເກີດຝົນຕົກໜັກທີ່ສຸດໃນຮອບຫຼາຍສິບປີ ເຮັດໃຫ້ເຂື່ອນຂະໜາດນ້ອຍແຕກ ໃນລັດມະຫາລາບຣະ ທາງພາກ ຕາເວັນຕົກຂອງປະເທດ.

ຕາມຂ່າວຕ່າງປະເທດລາຍງານວ່າເກີດເຫດເຂື່ອນຂະໜາດນ້ອຍແຕກໃນລັດມະຫາລາບຣະທາງພາກຕາເວັນຕົກຂອງອິນເດຍທ່າມກາງສາຍຝົນທີ່ຕົກລົງມາ ຢ່າງໜັກ ແລະຕໍ່ເນື່ອງນໍ້າຈາກເຂື່ອນໄດ້ໄຫຼເຂົ້າພັດບ້ານເຮືອນ ປະຊາຊົນໄປກັບກະແສນໍ້າຫຼາຍ ສິບຫຼັງ ເບື້ອງຕົ້ນພົບຜູ້ເສຍຊີວິດ ແລ້ວ 11 ຄົນ ແລະສູນຫາຍຢ່າງ ໜ້ອຍ 13 ຄົນ, ເຈົ້າໜ້າທີ່ອິນເດຍ ເປີດເຜີຍວ່າ ນໍ້າໄດ້ໄຫຼອອກມາ ຈາກຮອຍແຕກຂອງເຂື່ອນທິວາຣີ ໃນເຂດຣັດນະຄີຣີຫ່າງຈາກເມືອງ ມູມໄບໄປທາງທິດໃຕ້ປະມານ 275 ກິໂລແມັດ,ທາງການໄດ້ສົ່ງ ໜ່ວຍກູ້ໄພອອກໄປຄົ້ນຫາຜູ້ລອດຊີວິດແລ້ວ ຫຼັງຈາກເກີດເຫດໃນຄືນທີ່ຜ່ານມາ.

ຂະນະທີ່ເຫດການຮົ້ວກຳແພງຖະຫຼົ່ມຈາກຝົນຕົກໜັກທັບບ້ານ ເຮືອນປະຊາຊົນທີ່ມີຖານະທຸກຍາກໃນຖິ່ນຊຸມຊົນແອອັດຂອງ ເມືອງດູໄບໃນວັນທີ 2 ກໍລະກົດທີ່ ຜ່ານມາຫຼ້າສຸດພົບຜູ້ເສຍຊີວິດ ພີ່ມເປັນຢ່າງໜ້ອຍ 43 ຄົນ ແລະ ສູນຫາຍ 17 ຄົນ.

  1. ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์