TCL ຈະເລີ່ມຜະລິດໜ້າຈໍ OLED ທ້າຍປີນີ້

  ຫຼັງຈາກທີ່ TCL ໄດ້ຈັດສະແດງໜ້າຈໍພັບແລະອຸປະກອນພ້ອມຈໍພັບໄດ້ໃນງານ Mobile World Congress ເມື່ອເດືອນກຸມພາ 2019 ທີ່ຜ່ານມາ ແລະໄດ້ຢືນຢັນ ວ່າຈະເປີດໂຕສະມາດໂຟນທີ່ມາພ້ອມໜ້າຈໍມ້ວນພັບໄດ້ດ້ວຍແລ້ວ ນັ້ນຫຼ້າສຸດ TCL ໄດ້ເລີ່ມຂັ້ນ ຕອນສຳຄັນສຳລັບສະມາດໂຟນດັ່ງກ່າວແລ້ວ.

ຕົວຢ່າງຈໍພັບໄດ້ ແລະອຸປະ ກອນພ້ອມຈໍພັບໄດ້ຂອງ TCL ທີ່ຈັດສະແດງໃນງານ MWC ເມື່ອ ເດືອນກຸມພາ 2019 ທີ່ຜ່ານມາ.

TCL  ໄດ້ຊື້ອຸປະກອນ LTPS ຈາກປະເທດຍີ່ປຸ່ນ ແລະ ສ ເກົາຫຼີສຳລັບໃຊ້ໃນໂຮງງານຂອງຕົນທີ່ສປ ຈີນ ໂດຍຄາດວ່າຈະເລີ່ມຜະລິດແຜງໜ້າຈໍ  AMOLED  ໃນໄຕມາດທີ 4 ຂອງປີ 2019 ນີ້ ໂດຍ Huaxing Optoelectronics ຊຶ່ງເປັນພະແນກໜ້າຈໍຂອງ TCL ເອງທາງ TCL ໄດ້ກ່າວ ວ່າມີຄວາມໝັ້ນໃຈວ່າ Huaxing Optoelectronics ຈະມີການ ເຕີບໂຕເຖິງຈຳນວນເລກ 2 ຫຼັກ ໃນສ່ວນຂອງຍອດການຂາຍ ແລະຜົນກຳໄລໂດຍການຜະລິດໜ້າຈໍ LTPS-LCD ເມື່ອໄຕມາດທີ 1 ຂອງປີ 2019 ທີ່ຜ່ານມາ ນັ້ນສ້າງລາຍໄດ້ຫຼາຍເຖິງ 27,2 ລ້ານໂດລາສະຫະລັດ ຊຶ່ງເຮັດໃຫ້ ຂຶ້ນເປັນອັນດັບ 3 ຂອງໂລກເລີຍ.

ນອກຈາກທຸລະກິດສະມາດ ໂຟນແລ້ວນັ້ນ TCL Group ຍັງ ເລ່ງຈະຂະຫຍາຍທຸລະກິດໄປຍັງສະມາດໂທລະພາບອີກດ້ວຍໂດຍມີລາຍງານອ້າງວ່າ HuaxingOptoelectronics ຈະຜະລິດແຜງໜ້າຈໍ 65 ນິ້ວເອົາ ເອງສ່ວນ ແຜງໜ້າຈໍ 55 ນິ້ວຈະຜະລິດໂດຍ BOE (ອີກໜຶ່ງຜູ້ຜະລິດໜ້າຈໍ ຂອງ ສປ ຈີນ ທີ່ຫາກໍຮ່ວມງານກັບ Huawei ໃນການຜະລິດໜ້າ ຈໍຂອງ Mate 20 Pro).

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์