ເຈດີບີ ມອບໂຊກໃຫ້ລູກຄ້າ

   ວັນທີ 4 ກໍລະກົດ 2019 ທີ່ຫ້ອງການສໍານັກງານໃຫຍ່ທະນາຄານຮ່ວມພັດທະນາ ນະຄອນຫຼວງວຽງຈັນ ໄດ້ຈັດພິທີມອບລາງວັນທີ 1 ຊຶ່ງເປັນລົດໂຕໂຍຕ້າປຼາໂດ ໃຫ້ລູກຄ້າທີ່ໂຊກດີຈາກການຈັບສະຫຼາກຊິງໂຊກບັນຊີເງິນຝາກປະຈໍາປີທີ 4 ຂອງທະນາຄານຮ່ວມພັດທະນາ, ໃຫ້ກຽດມອບໂດຍທ່ານ ບຸນສະ ຫວ່າງ ພິລາໄຊພິທັກຜູ້ອໍານວຍການໃຫຍ່ທະນາຄານຮ່ວມພັດທະນາ ແລະຍັງມີຜູ້ບໍລິຫານລະດັບສູງ, ພະນັກງານວິຊາການທີ່ກ່ຽວຂ້ອງເຂົ້າຮ່ວມເປັນສັກຂີພິຍານ.

  ສໍາລັບຜູ້ໂຊກດີທີ່ໄດ້ຮັບລາງວັນລົດໂຕໂຍຕາປຼາໂດໃນປີນີ້ແມ່ນທ່ານ ສົມທາດ ບຸນທະພັນ ບ້ານນາບວມ ເມືອງທ່າແຂກ ແຂວງຄໍາມ່ວນຊຶ່ງແມ່ນຄົນໜຶ່ງທີ່ເປັນລູກຄ້າເງິນຝາກປະຈໍາໃນໂຄງການຝາກມີກໍານົດ 4 ປີ, ເພື່ອເປັນການຄືນກໍາໄລແກ່ລູກຄ້າທີ່ຝາກເງິນໃນໂຄງການຝາກປະຈໍາ 4 ປີ ນໍາທະນາຄານຮ່ວມພັດທະນາ ໂດຍການແຈກລົດໂຕໂຍຕາປຼາໂດ 1 ຄັນ ໃຫ້ຜູ້ໂຊກດີ. ທະນາຄານຮ່ວມພັດທະນາຍັງຈະສືບຕໍ່ແຈກລົດໃຫ່ຍໂຕໂຍຕາແລນກູເຊີ ແລະ ລົດເລັກສັດໃຫ້ແກ່ລູກຄ້າທີ່ຝາກປະຈໍາໃນປີຕໍ່ໄປອິກລວມມູນຄ່າຫຼາຍກວ່າ9 ຕື້ກີບ.

  ປະຈຸບັນທະນາຄານຮ່ວມພັດທະນາມີໜ່ວຍບໍລິການທີ່ເປີດບໍລິການທັງໝົດ 60 ໜ່ວຍບໍລິການ, ອອກພະລິດຕະພັນໃໝ່ເພື່ອສະໜອງລູກຄ້າໃຫ້ໄດ້ຊົມໃຊ້ພະລິດຕະພັນຢ່າງຫຼວງຫຼາຍເຊັ່ນວ່າ: ເງິນກູ້ເພື່ອພະນັກງານ, ເງິນກູ້ເພື່ອການສຶກສາພາຍໃນ ແລະຕ່າງປະເທດ, ເຮັດທຸລະກໍາການເງິນຜ່ານມືຖື (Mobile Banking) ຫຼື JDB Yes ແລະ Yes pay (QR Code) ອອກຜະລິດຕະພັນໃໝ່ທາງດ້ານ Digital Banking ໃຫ້ຫຼາກຫຼາຍ,ເຮັດໃຫ້ທຸກກຸ່ມຄົນສາມາດເຂົ້າເຖິງແຫຼ່ງທຶນທີ່ໝັ້ນຄົງດ້ວຍຄວາມສະດວກສະບາຍຊຶ່ງທະນາຄານຮ່ວມພັດທະນາມີແຫຼ່ງທຶນພຽງພໍທີ່ຈະສະໜອງໃຫ້ລູກຄ້າເພື່ອສະໜັບສະໜູນທຸລະກິດຂອງລູກຄ້າໃຫ້ມີຄວາມເຕີ ບໃຫຍ່ຂະຫຍາຍຕົວ, ພ້ອມກັນນັ້ນກໍ່ເປັນການປະກອບສ່ວນແກ້ໄຂຊີວິດການເປັນຢູ່ຂອງພະນັກງານ-ລັດຖະກອນເຮັດໃຫ້ຊີວິດການເປັນຢູ່ດີຂຶ້ນໂດຍການຕອບສະໜອງສິນເຊື່ອພະນັກງານໂດຍບໍ່ມີຫຼັກຊັບຄໍ້າປະກັນໃຫ້ແກ່ພະນັກງານ-ລັດຖະກອນທີ່ເບີກຈ່າຍຈ່າຍເງິນເດືອນຜ່ານທະນາຄານ.

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์