ກຣຸງສະຫຍາມເບເວີເຣສ ສະໜັບສະໜູນບານເຕະ ຊິງຂັນ ສຕລ ຄອມມານໂດ

ວັນທີ 3 ກໍລະກົດ 2019 ທີ່ຫ້ອງປະຊຸມສະຫະພັນບານເຕະແຫ່ງຊາດໄດ້ມີພິທີເຊັນສັນຍາຜູ້ສະໜັບສະໜູນການແຂ່ງຂັນບານເຕະຄອມມານໂດສາຍກໍ,ຊິຂັນສຕລຄອມມານໂດ ແລະງານຖະແຫຼງຂ່າວການແຂ່ງຂັນບານເຕະຊິງຂັນ ສຕລ ຄອມມານໂດ ໂດຍມີທ່ານວີເພັດສີຫາຈັກປະທານສະຫະພັນບານເຕແຫ່ງຊາດລາວ, ທ່ານ ສິນທະນະສັກອັດສະຣະສີ ຜູ້ບໍລິຫານ (Chief Executive Officer) ບໍລິສັດກຣຸງສະຫຍາມເບເວີເຣສ ຈຳກັດKrungSiamBeverage Co.,Ltd, ພ້ອມດ້ວຍຄະນະບໍລິຫານສຕລ, ຄະນະບໍ ລິຫານງານບໍລິສັດ Krung Siam Beverage Co.,Ltd, ຕົວແທນຈໜ່າຍທາງການເຄື່ອງດື່ມຄອມ ມານໂດປະຈໍາ ສປປ ລາວ, ຕາງໜ້າສະໂມສອນໃນເປບຊີລາວພຣີ ເມຍລີກ,ຕາງໜ້າສະໂມສອນໃນ ຄອມມານໂດສາຍກໍ ແລະບັນດາ ສື່ມວນຊົນເຂົ້າຮ່ວມ.ທ່ານ ວີເພັດ ສີຫາຈັກ ປະທານສະຫະພັນບານ ເຕະແຫ່ງຊາດລາວໄດ້ກ່າວວ່າ:‘ ການຈັດການແຂ່ງຂັນບານເຕະພາຍໃນປະເທດຖືເປັນວຽກງານບູລິມະ ສິດຂອງ ສຕລ ໃນການພັດທະນາຍົກລະດັບບຸກຄະລາກອນໃນວຽກ ງານການແຂ່ງຂັນບານເຕະເພື່ອ ໃຫ້ສາມາດຕອບສະໜອງນັກກີລາ,ຄູຝຶກ ແລະບຸກຄະລາກອນດ້ານ ອື່ນໆໃຫ້ກັບທິມຊາດ. ການແຂ່ງ ຂັນບານເຕະສາຍກໍ ກໍ່ເປັນໜຶ່ງໃນ ລາຍການປະຈໍາປີທີ່ຈັດໂດຍ ສຕລທີ່ແນໃສ່ຂະຫຍາຍວຽກງານກີລາ ບານເຕະໃຫ້ເຂົ້າເຖິງໄວໜຸ່ມ ແລະສັງຄົມຫຼາຍຂຶ້ນແລະນອກຈາກນັ້ນໃນປີ  2019 ນີສຕລຈະໄດ້ມີການເພີ່ມລາຍການແຂ່ງຂັນຂຶ້ນມາອີກ ລາຍການໜຶ່ງນັ້ນກໍ່ຄືການແຂ່ງຂັນ ຊິງຂັນ ສຕລ ຊຶ່ງຈະເປັນການແຂ່ງຂັນຂອງບັນດາທິມທີ່ຢູ່ໃນລາວພຣີເມຍລີກແລະສາຍກໍ ເພື່ອເສີມຂະຫຍາຍຂະບວນການເຄື່ອນໄຫວ ການແຂ່ງຂັນບານເຕະພາຍໃນໃຫ້ຟົດຟື້ນ ແລະການເຄື່ອນໄຫວຢ່າງ ເປັນປະຈໍາ.

ທ່ານ ສາມາດ ອັດສະຣະສະ ກອນ ຜູ້ອໍານວຍການການຕະຫຼາດ (CHIEF MARKETING OFFICER) ບໍລິສັດກຣຸງສະ ຫຍາມເບເວີເຣສຈຳກັດ Krung Siam Beverage Co.,Ltdໄດ້ກ່າວວ່າ:ຂ້າພະເຈົ້າຮູ້ສຶກເປັນ ກຽດຢ່າງຍິ່ງທີ່ໄດ້ເຂົ້າຮ່ວມງານຖະແຫຼງຂ່າວການເປັນຜູ້ສະໜັບ ສະໜູນການແຂ່ງຂັນຊິງຂັນສຕລ, ການແຂ່ງຂັນບານເຕະຄອມມານ ໂດສາຍກໍລວມເຖິງການແຂ່ງຂັນ ທິມຊາດລາວ ໃນນັດອຸ່ນເຄື່ອງ ຕ່າງໆຢູ່ ສປປ ລາວ ຈົນຮອດປີ 2021, ເຄື່ອງດື່ມຄອມມານໂດ ແລະບໍລິສັດແມ່ກໍຄືບໍລິສັດກຣຸງສະ ຫຍາມເບເວີເຣສ  ຈຳກັດບໍ່ໄດ້ສະໜັບສະໜູນພຽງແຕ່ດ້ານການເງິນ ແຕ່ລວມເຖິງທາງດ້ານສິນຄ້າ  ແລະ ມີໂຄງການອື່ນໆຮ່ວມມືກັບ ສຕລ ເພື່ອສົ່ງເສີມການພັດທະນາບານ ເຕະໃນອະນາຄົດເພື່ອໃຫ້ບານເຕະ ໃນ ສປປ ລາວ ສາມາດແຂ່ງຂັນ ກັບພາກພື້ນໄດ້ຢ່າງປະສິດທິພາບ.

ສຳລັບມູນຄ່າໃນການສະໜັບ ສະໜູນລະຫວ່າງສະຫະພັນບານ ເຕະແຫ່ງຊາດລາວ ກັບເຄື່ອງດື່ມ ຄອມມານໂດໂດຍບໍລິສັດກຣຸງສະຫຍາມເບເວີເຣສຈຳກັດເປັນໄລ ຍະເວລາ 3 ລະດູການ 2019– 2021 ລວມມູນຄ່າ 1,14 ຕື້ກີບ.

ການແຂ່ງຂັນບານເຕະຊິງຂັນ ສຕລ ຄອມມານໂດ 2019  ເປັນການແຂ່ງຂັນແບບຈົກສະຫຼາກປະ ກົບຄູ່ເຕະແບບນອ໋ກເອົ້າ (Knock-Out) ນັດດຽວ. ຖ້າຫາກແຂ່ງ ຂັນຄົບເວລາ 90 ນາທີ ແລ້ວຜົນການແຂ່ງຂັນຍັງສະເໝີກັນໃຫ້ຕັດສິນດ້ວຍການເຕະຈຸດໂທດທັນ ທີ. ຈະມີພຽງຮອບຊິງຊະນະເລີດເທົ່ານັ້ນທີ່ຈະມີການຕໍ່ເວລາໃນກໍລະນີສະເໝີກັນໃນເວລາແຂ່ງຂັນ ປົກກະຕິ 90 ນາທີ, ສະໂມສອນ ທີ່ເຂົ້າຮ່ວມແຂ່ງຂັນໃນລາຍການແຂ່ງຂັນບານເຕະຊິງສຕລຄອມມານໂດ 2019  ຈະໄດ້ຮັບ ເງິນອຸດໝູນເພີ່ມເຕີມ 1 ລ້ານກີບ ໃນກໍລະນີເປັນຜູ້ຊະນະໃນແຕ່ລະນັດ ແລະສະໂມສອນທີ່ເຂົ້າຮ່ວມການ ແຂ່ງຂັນຈະໄດ້ຮັບເງິນອຸດໜູນໃນ ການເຂົ້າຮ່ວມການແຂ່ງຂັນເປັນ ຈໍານວນ 3 ລ້ານກີບຕໍ່ສະໂມສອນ.

ຜົນການຈົກສະຫຼາກປະຄົບຄູ່ ການແຂ່ງຂັນມີດັ່ງລຸ່ມນີ້: ສະໂມ ສອນ ປກສ ເອັຟຊີພົບສະໂມສອນມາສເຕີ້ເຊເວັ້ນເອັຟຊີ, ສະໂມສອນ ເຄວສຢູໄນເຕັດພົບສະໂມສອນ ວຽງຈັນເອັຟທີ,ສະໂມສອນວຽງ ຈັນ ເອັຟຊີຈາກແຂວງວຽງຈັນ ພົບສະໂມສອນລາວໂຕໂຢຕ້າເອັຟ ຊີ,ສະໂມສອນກອງທັບເອັຟຊີພົບສະໂມສອນຊ້າງນ້ອຍເອັຟຊີ,ສະໂມສອນນະຄອນຫຼວງເອັຟຊີພົບສະໂມສອນແບລາວອະຄາເດມີ,ສະໂມສອນ ມຊ ເອັຟຊີພົບສະໂມສອນອີໂວຢູໄນເຕັດສ່ວນ 2 ສະໂມ ສອນຄື: ສະໂມສອນເຄພີເອັສເອັຟ ຊີແລະສະໂມສອນທຣີນີ້ຕີແມ່ນຈັບ ສະຫຼາກໄດ້ຢືນຖ້າໃນຮອບ 8 ທິມ ສຸດທ້າຍ ໂດຍຈະເລີ່ມແຂ່ງຂັນໃນ ວັນທີ 13 ກໍລະກົດ 2019 ສ່ວນ ເວລາແຂ່ງຂັນແລະສະໜາມແມ່ນຈະແຈ້ງໃຫ້ຮັບຊາບຕາມພາຍຫຼັງ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์