ບໍ່ນໍ້າອຸ່ນກາສີ ອີກສະຖານທີ່ທ່ອງທ່ຽວ ຂອງເມືອງກາສີ

ຫຼາຍຄົນອາດຍັງບໍ່ທັນໄດ້ ສຳພັດກັບບໍ່ນໍ້າອຸ່ນກາສີເມືອງກາສີແຂວງວຽງຈັນຫ່າງຈາກນະຄອນຫຼວງວຽງຈັນປະມານ 250 ກິໂລແມັດ ແລະຫ່າງຈາກຕົວເມືອງກາສີປະມານ 20ກິໂລແມັດລຽບຕາມເສັ້ນທາງ 13 ເໜືອ ຊຶ່ງບໍ່ນໍ້າອຸ່ນແຫ່ງນີ້ເປັນບໍ່ນໍ້າອຸ່ນທຳມະຊາດຂະໜາດໃຫຍ່ແລະກໍ່ເປັນສະຖານ ທີ່ທ່ອງທ່ຽວທີ່ຂຶ້ນຊື່ຂອງເມືອງກາສີໄດ້ເປີດໃຫ້ບໍລິການແກ່ນັກທ່ອງ ທ່ຽວມາຕັ້ງແຕ່ປີ 2005 ເປັນຕົ້ນມາ.

ບ່ໍນໍ້າອຸ່ນແຫ່ງນີ້ແມ່ນມີອຸນຫະ ພູມ 40 ອົງສາ ເປັນອຸນຫະພູມທີ່ ເໝາະສົມໃຫ້ກັບນັກທ່ອງທ່ຽວໃນ ການລົງແຊ່, ລົງອາບໂດຍບໍ່ຈຳ ເປັນຕ້ອງໄດ້ປະສົມນໍ້າເຢັນເລີຍ ເພາະນໍ້າໃນບໍ່ຈະບໍ່ຮ້ອນຫຼາຍ ໂດຍ ເພິ່ນໄດ້ແບ່ງອອກເປັນສອງອ່າງ ໄວ້ໃຫ້ນັກທ່ອງທ່ຽວໄດ້ໃຊ້ບໍລິການ ສ່ວນລາຄາໃນການບໍລິການຖ້າເປັນນັກທ່ອງທ່ຽວທົ່ວໄປທີ່ເຂົ້າມາໃຊ້ ບໍລິການແມ່ນຈະຄິດໄລ່ຄ່າບໍລິການ ເຂົ້າຊົມພຽງແຕ່ 2 ພັນກີບ ແລະ5 ພັນກີບ ສຳລັບອາບໂດຍບໍ່ຈຳກັດ ເວລາ.

ນອກນັ້ນຍັງມີທີ່ພັກແຮມໄວ້ໃຫ້ ນັກທ່ອງທ່ຽວໄດ້ພັກຜ່ອນ, ມີຮ້ານອາຫານໄວ້ຄອຍບໍລິການ,ມີອ່າງນໍ້າອຸ່ນໄວ້ໃຫ້ນັກທ່ອງທ່ຽວໄດ້ລົງອາບ,ມີບ່ອນແຊ່ນໍ້າອຸ່ນທີ່ສະອາດ ແລະ ມີວິວທິວທັດທີ່ເປັນທຳມະຊາດເວົ້າ ໄດ້ວ່າການທີ່ໄດ້ມາທ່ຽວທີ່ສະຖານ ທີ່ແຫ່ງນີ້ແມ່ນຈະໄດ້ສຳຜັດກິ່ນອາຍ ແຫ່ງຄວາມເປັນທຳມະຊາດແນ່ ນອນເພາະມີພູຜາປ່າໄມ້ທີ່ຂຽວສົດ ງົດງາມອ້ອມຮອບສະຖານທີ່ແຫ່ງນີ້ ດ້ວຍເຫດນີ້ບໍ່ນໍ້າອຸ່ນກາສີ ຈຶ່ງເປັນທີ່ນິຍົມຂອງປະຊາຊົນກໍຄືນັກທ່ອງທ່ຽວທີ່ໄດ້ເດີນທາງມາທ່ຽວແຫ່ງນີ້ ເພື່ອຜ່ອນຄາຍແລະສຳພັດກັບການ ອາບນໍ້າອຸ່ນແຫ່ງນີ້.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์