ສູນການຄ້າຊັ່ງຈ່ຽງຊ໋ອບປີ້ງມໍເລີ່ມເປີດໃຫ້ບໍລິການ

   ພິທີເປີດສູນການຄ້າຊັ່ງຈ່ຽງຊ໋ອບປິ້ງມໍໄດ້ຈັດຂຶ້ນໃນວັນທີ 4 ກໍລະກົດ 2019 ໃຫ້ກຽດເຂົ້າຮ່ວມມີ ທ່ານ ສີຫຸນ ສິດທິລືໄຊ ຮອງເຈົ້າຄອງນະຄອນຫຼວງວຽງຈັນ, ທ່ານ ເບີລີນ ເພັດຈັນທະຣາດ ຫົວໜ້າພະແນກອຸດສາຫະກໍາ ແລະ ການຄ້ານະຄອນຫຼວງວຽງຈັນ, ທ່ານ ຕິ່ງ ກົ່ວຈ່ຽງ ປະທານບໍລິສັດຊັ່ງຈ່ຽງລາວ ຈຳກັດຜູ້ກຽວ, ທ່ານ ຫວັງ ສີໂຮ່ຍ ທີ່ປຶກສາທູດການຄ້າແຫ່ງ ສປ ຈີນ ປະຈຳລາວບັນດາທ່ານທີ່ຖືກເຊີນ, ພາກສ່ວນກ່ຽວຂ້ອງ ແລະມວນຊົນເຂົ້າຮ່ວມ.

  ທ່ານ ຕິ່ງ ກົ່ວຈ່ຽງ ກ່າວວ່າ: ສູນການຄ້າຊັ່ງຈ່ຽງຊ໋ອບປິ້ງມໍແມ່ນສະຖານທີ່ຊຶ່ງເປັນສູນລວມຂອງສິນຄ້າຍີ່ຫໍ້ຊື່ດັງລະດັບໂລກປະຈຸບັນຖືເປັນສູນການຄ້າທີ່ນຳເຂົ້າສິນຄ້າຈາກ ສປ ຈີນ ແຫ່ງໃຫຍ່ທີ່ສຸດໃນທະວີບອາຊີ ແລະ ເປັນແຫຼ່ງຈຳໜ່າຍສິນຄ້າທີ່ໃຫຍ່ທີ່ສຸດໃນປະເທດລາວເນື້ອທີ່ກໍ່ສ້າງທັງໝົດແມ່ນ 70 ພັນກວ່າຕາແມັດ ເນື້ອທີ່ເດີ່ນຈອດລົດແມ່ນ 7 ພັນກວ່າຕາແມັດເນື້ອທີ່ສຳລັບຮ້ານຄ້າມີກວ່າ 50 ພັນຕາແມັດ ສູນການຄ້າຊັ່ງຈ່ຽງຊ໋ອບປິ້ງມໍເປັນຕຶກອາຄານ 5 ຊັ້ນ ໃນນັ້ນປະກອບເປັນໂຮງແຮມທີ່ທັນທະໄໝໄດ້ມາດຕະຖານ ແລະຮ້ານຄ້າທີ່ມີສິນຄ້າຄຸນນະພາບມາດຕະຖານສາກົນມີເນື້ອທີ່ປະມານ 6 ພັນຕາແມັດສູນການຄ້າຊັ່ງຈ່ຽງຊ໋ອບປິ້ງມໍເປັນສະຖານທີ່ສາມາ ດສ້າງລາຍຮັບກະຕຸນຊຸກຍູ້ດ້ານເສດຖະກິດ-ສັງຄົມໃຫ້ແກ່ນະຄອນຫຼວງວຽງຈັນກໍຄື ສປປ ລາວ ພ້ອມນັ້ນຍັງສ້າງໂອກາດໃນການຄ້າຂາຍເປັນໄປຕາມທິດທາງການຂ  ະຫຍາຍຕົວຂອງໂຄງການ “ໜຶ່ງແລວທາງໜຶ່ງເສັ້ນທາງ”.

  ນອກນັ້ນທ່ານປະທານບໍລິສັດຊັ່ງຈ່ຽງຍັງໄດ້ເນັ້ນອີກວ່າ: ໃນນາມຕາງໜ້າບໍລິສັດຊັ່ງຈ່ຽງຈະເຮັດໜ້າທີ່ຂອງຕົນໃຫ້ດີທີ່ສຸດເພື່ອໃຫ້ຊາວຄ້າຂາຍທັງສອງປະເທດກໍຄືລູກຄ້າທີ່ມາໃຊ້ບໍລິການໃຫ້ມີການຮ່ວມມື ແລະໄດ້ຮັບຄວາມສະດວກສະບາຍຕະຫຼອດໄປພາຍໃນງານຍັງກິດຈະກຳມອບໂຊກແຈກຂອງຂວັນລາງວັນຫຼາຍຢ່າງໃຫ້ແກ່ຜູ້ທີ່ເຂົ້າມາຮ່ວມງານພ້ອມຮັບຊົມການສະແດງຄອນເສີດຈາກສິລະປິນຊື່ດັງຂອງລາວບໍ່ວ່າຈະເປັນອາເລັກແຊນດຣາ, ໜຸ່ມກິດາວເພັດ,ໄກ່ໂອເວີແດນ ແລະ ນັກຮ້ອງ, ນັກສະແດງຈາກ ສປ ຈີນ.

ຂຽນໂດຍ: ແພງຕາ 

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์