ລັດຢືນຢັນນໍ້າຖ້ວມຢູ່ສະໜາມໄຊບໍ່ແມ່ນເກີດຈາກນໍ້າເຂື່ອນ

 ຜົນຂອງເຫດການເຮັດໃຫ້ມີນໍ້າລົ້ນຫ້ວຍອັ່ງຂຶ້ນຖ້ວມບ້ານເຮືອນປະຊາຊົນເມືອງສະໝາມໄຊ ແຂວງອັດຕະປື ເນື່ອງຈາກມີຝົນຕົກໜັກຕັ້ງແຕ່ຄືນວັນທີ 2 ກໍລະກົດມາຈົນຮອດເຊົ້າຂອງວັນທີ 3 ກໍລະກົດ 2019 ນັ້ນແມ່ນຄວາມຈິງເຊິ່ງໃນເບື້ອງຕົ້ນກົມອຸຕຸນິຍົມ ແລະອຸທົກກະສາດໄດ້ອອກແຈ້ງເຕືອນໄພແລ້ວວ່າຈະມີຝົນຕົກໜັກໃນລະຫວາງວັນທີ 2 ຫາ 5 ກໍລະກົດຈຶ່ງກາຍເປັນປະເດັນສ້າງຄວາມໃສ່ໃຈຢ່າງຈົດຈໍໃນສັງຄົມສື່ອອນລາຍທີ່ສະແດງທ່າທີອອກມາດ້ວຍຈຸດປະສົງທີ່ແຕກຕ່າງກັນເພາະເມືອງສະໜາມໄຊ ແຂວງອັດຕະປື ຍັງຢູ່ໃນທີ່ເກດຂອງສັງຄົມຈັບຕາມອງຢ່າງຕໍ່ເນື່ອງຢູ່.

 ທ່ານ ໄຫວຮຸ່ງ ເນັມໃສແທ ຄະນະພັກຮາກຖານບ້ານໃຫຍ່ແທ ເມືອງສະໜາມໄຊ ຢັ້ງຢືນໃຫ້ຮູ້ໃນວັນທີ 3 ກໍລະກົດ 2019 ນີ້ວ່າ: ສາເຫດນໍ້າອັ່ງຖ້ວມບ້ານເຮືອນປະ ຊາຊົນລວມມີ 3 ຄຸມ ເຊັ່ນ: ຄຸ້ມທ່າອວນ, ໂຄກກ່ອງ ແລະ ດອນມ່ວງ ເມືງສະໜາມໄຊ ນີ້ແມ່ນນໍ້າທີ່ໄຫຼມາຈາກຈ້າຍພູຍ້ອນຝົນຕົກແຮງສອງມື້ຕິດຕໍ່ກັນສ່ວນປະກອບເຮັດໃຫ້ນໍ້າອັ່ງນີ້ໃນຂອບເຂດທີ່ວ່ານັ້ນມີການສ້ອມແປງ ແລະບຸກເບີກເສັ້ນທາງໃນປີນີ້ປັບດິນຂຶ້ນສູງ, ບ່ອນລະບາຍນໍ້າມີບໍ່ຫຼາຍແຕ່ຄວາມຈິງນໍ້າທີ່ຖ້ວມນັ້ນຢັ້ງຢືນໄດ້ບໍ່ແມ່ ນສາເຫດເກີດຈາກເຂື່ອນແຕກແມ່ນນໍ້າໄຫຼມາຈາກຈ້າຍພູທີ່ຝົນຕົກຕິດຕໍ່ກັນໃນສອງມື້ນີ້ຊຶ່ງບາງບ່ອນກໍ່ມີນໍ້າຖ້ວມ, ບາງບ່ອນກໍ່ຖືກອັ່ງ ແລະປະຊາຊົນກໍ່ໄດ້ເຄື່ອນຍ້າຍໄປອາໄສຢູ່ບ່ອນປອດໄພເປັນທີ່ຊົ່ວຄາວແລ້ວ.

ທ່ານກ່າວຕໍ່ໄປວ່າບັນຫານໍ້າຖ້ວມອັ່ງບໍ່ແມ່ນເປັນບັນຫາທີ່ຮ້າຍແຮງ ແລະກໍ່ຫຼີກເວັ້ນບໍ່ໄດ້ໃນເລື່ອງການແຕະຕ້ອງເຖິງບັນຫາວັດຖຸ ແລະຈິດໃຈຂອງປະຊາຊົນແຕ່ຢ່າງໃດກໍ່ຕາມອຳນາດການປົກຄອງກ່ຽວຂ້ອງທຸກຂັ້ນກໍ່ໄດ້ສືບຕໍ່ເຄື່ອນໄຫວລົງໃກ້ຊິດຕິດຕາມຊອກຫາສາເຫດພ້ອມທັງຊຸກຍູ້ແກ່ພໍ່ແມ່ປະຊາຊົນບໍ່ໃຫ້ແຕກຕື່ນເພາະນໍ້າທີ່ຖ້ວມອັ່ງນີ້ບັນຫາຫຼັກຍ້ອນການສ້ອມແປງ, ກໍ່ສ້າງທາງເປັນຄັນຕັນນໍ້າຂຶ້ນສູງ ແລະ ນໍ້າທີ່ຖືກອັ່ງນີ້ີລະບາຍອອກບໍ່ທັນ, ປະຈຸບັນຄວາມເສຍຫາຍນັ້ນແມ່ນບໍ່ມີເຖິງຂັ້ນເສຍຊີວິດພ າກສ່ວນກ່ຽວຂ້ອງຍັງສືບຕໍ່ເກັບກຳຂໍ້ມູນ ແລະ ຊອກຫາວິທີແກ້ໄຂຢ່າງຮີບຮ້ອນຢູ່.

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์