ໂຮງຮຽນຫ້ອມສະຫວັນ ຈັດກິດຈະກຳ ສະແດງສິລະປະ

ນທີ 29 ມິຖຸນາຜ່ານມາໂຮງຮຽນຫ້ອມສະຫວັນໄດ້ຈັດກິດຈະກຳການສະແດງຂອງນັກຮຽນແຕ່ລະຊັ້ນຮຽນຫຼາຍກວ່າ 30 ລາຍການທີ່ເນັ້ນໃສ່ວັດທະນະທຳຮີດ ຄອງປະເພດນີລາວເພື່ອຄັດເລືອກນັກຮຽນພອນສະຫວັນຊະນະເລີດ ເຂົ້າປະກວດເວທີຕ່າງໆ ໂດຍໃຫ້ ກຽດຮ່ວມທ່ານວັນນະກອນຜົງສີໃສ ອຳນວຍການໂຮງຮຽນຫ້ອມສະຫວັນມີພໍ່ແມ່ຜູ້ປົກຄອງນັກຮຽນ ນ້ອງໆນັກຮຽນຮ່ວມຢ່າງມ່ວນຊື່ນ.

ທ່ານ ວັນນະກອນຜົງສີໃສອຳນວຍການໂຮງຮຽນຫ້ອມສະຫວັນໃຫ້ຮູ້ວ່າ:ໂຮງຮຽນຫ້ອມສະຫວັນສ້າງຂຶ້ນຍ້ອນເຫັນວ່ານັກຮຽນສ່ວນໃຫຍ່ຂົງເຂດນັ້ນມັກພາ ກັນຫຼັ່ງໄຫຼເຂົ້າໄປຮຽນໜັງສືຢູ່ເຂດໃນຕົວເມືອງວຽງຈັນຊຶ່ງພວກເຂົາພົບກັບຄວາມຫຍຸ້ງຍາກໃນກາ ເດີນທາງໄປມາເພາະຫົນທາງເປັນບວກເປັນຂຸມແລະໄລຍະທາງກໍ່ໄກ ແດ່ ເຮັດໃຫ້ຕ້ອງໃຊ້ເວລາດົນໃນການເດີນທາງກວ່າຈະຮອດໂຮງ ຮຽນ. ຄຽງຄູ່ກັນນັ້ນ, ຄົນໃນຄອ ຄົວສ່ວນໃຫຍ່ກໍ່ມີວິຊາອາຊີບເປັນຄູ ແລະພໍ່ຂອງຂ້າພະເຈົ້າກໍ່ເປັນອະດີດ ຫົວໜ້າຫ້ອງການສຶກສາທິການ ແລະກີລາເມືອງຫາດຊາຍຟອງນະຄອນຫຼວງວຽງຈັນກໍ່ເລີຍເລັງເຫັນ ເຖິງຄວາມໝາຍຄວາມສຳຄັນຢາກ ປະກອບສ່ວນໃນການພັດທະນາການສຶກສາຂອງບ້ານກໍ່ຄືຂອງ ເມືອງໃຫ້ໄດ້ຮັບການຍົກລະດັບຂຶ້ນ ດ້ານປະລິມານ ແລະຄຸນນະພາບ ທຽບເທົ່າກັບການສຶກສາເຂດໃນ  ເມືອງເທື່ອລະກ້າວຕາມແຜນຍຸດ ທະຍາດພັດທະນາການສຶກສາທີ່ ພັກ-ລັດວາງອອກ.

  ສໍາລັບໂຮງຮຽນຫ້ອມສະຫວັນ ແມ່ນເລີ່ມເປີດການຮຽນ-ການສອນ ນັບຕັ້ງແຕ່ປີ 2005 ເປັນຕົ້ນມາ ຮອດປະຈຸບັນກໍ່ຖືວ່າໄດ້ 13 ປີພໍດີ, ຊຶ່ງໃນເບື້ອງຕົ້ນທີ່ເປີດການຮຽນ- ການສອນມີນັກຮຽນພຽງແຕ່ 100 ກວ່າຄົນເທົ່ານັ້ນນັບແຕ່ຊັ້ນອະນຸບານຫາຊັ້ນປະຖົມປີທີ 1 (ປ1)ແຕ່ມາຈອດປະຈຸບັນໄດ້ຂະຫຍາຍ ເພີ່ມຮອດຊັ້ນມັດທະຍົມສຶກສາປີທີ  5 (ມ5) ໂດຍນຳໃຊ້ຫຼັກສູດການ ຮຽນ-ການສອນຂອງກະຊວງສຶກສາທິການແລະກີລາວາງອອກເປັນຫຼັກ. ພ້ອມນັ້ນ, ເພື່ອເປັນການຍົກ ລະດັບຄຸນນະພາບການສຶກສາໃຫ້  ດີຂຶ້ນຕາມທິດຊີ້ນຳຂອງຂັ້ນເທິງ ພວກເຮົາໄດ້ມີການເພີ່ມຫຼັກສູດການ ຮຽນ-ການສອນເຂົ້າມາຕື່ມອີກ ເຊັ່ນ: ວິຊາພາສາອັງກິດເລີ່ມຮຽນ ແຕ່ຊັ້ນອະນຸບານ 1 ຂຶ້ນໄປຮອດ ຊັ້ນ ມ5 ແລະວິຊາຄອມພິວເຕີເລີ່ມຮຽນແຕ່ຊັ້ນອະນຸບານ 3 ຮອດຊັ້ນ ມ5. ໃນນີ້ສະເພາະວິຊາຄອມພິວ ເຕີແມ່ນເລີ່ມຮຽນແຕ່ຂັ້ນພື້ນຖານ ເຊັ່ນ:ໄມໂຄຣຊັອບເວີດ, ເອັກເຊວ,ພາເວີພອຍໄປຈົນເຖິງການຖ່າຍ ວີດີໂອແລະຖ່າຍທຳຮູບເງົາຕ່າງໆ. ສ່ວນຄ່າບໍລິການ ຫຼື ຄ່າຮຽນແມ່ນພວກເຮົາເກັບເປັນເອກະພາບກັນນັບແຕ່ຊັ້ນອະນຸບານຫາ ມ5 ຈຳນວນ 180.000 ກີບຕໍ່ຄົນຕໍ່ເດືອນ ໂດຍບໍ່ມີການແຍກເພາະວ່າເດັກນ້ອຍ ແລະຜູ້ໃຫຍ່ມີຄວາມຫຍຸ້ງ ຍາກຕ່າງກັນ.

ສ່ວນແຜນການພັດທະນາໂຮງຮຽນຫ້ອມສະຫວັນເນັ້ນຢູ່ 3 ບັນ ຫາຫຼັກຄື:ຍົກລະດັບເລື່ອງອາຄານສະຖານທີ່ໃຫ້ໄດ້ມາດຕະຖານລວມທັງຫ້ອງລ້ຽງເດັກອະນຸບານ; ພັດ ທະນາຫຼັກສູດການຮຽນ-ການສອນເປັນຕົ້ນແມ່ນແບບຝຶກຫັດໃນແຕ່ລະ ວິຊາໃຫ້ເຂົ້າໃກ້ກັບສະພາບການຕົວຈິງຫຼາຍທີ່ສຸດ; ຍົກລະດັບຄວາມຮູ້ ຄວາມສາມາດຂອງຄູສອນດ້ວຍການສົ່ງຄູບາງວິຊາໄປຝຶກອົບຮົມເຊັ່ນ:ຄູພາສາຈີນແລະຄູພາສາອັງກິດເພື່ອນຳເອົາຄວາມຮູ້ທີ່ໄດ້ຮຽນມານຳໄປຖ່າຍທອດໃຫ້ນັກຮຽນຖືກຕ້ອງຕາມຮູບແບບແລະຂັ້ນຕອນການສິດສອນຂອງວິຊາຊີບຄູຢ່າງ ແທ້ຈິງ”.

ຢ່າງໃດກໍ່ຕາມ,ໂຮງຮຽນຫ້ອມສະຫວັນແມ່ນຕັ້ງຢູ່ບ້ານຫ້ອມເມືອງຫາດຊາຍຟອງນະຄອນຫຼວງວຽງຈັນ.ຫາກທ່ານໃດຢາກສົ່ງລູກຫຼານຂອງຕົນເອງເຂົ້າຮຽນກໍ່ສາມາດໄປຕິດຕໍ່ພົວພັນໄດ້ທີ່ໂຮງຮຽນດັ່ງກ່າວໄດ້ທຸກວັນຈັນຫາວັນສຸກໃນໂມງລັດຖະການ.

ພາບ ເເລະຂາ່ວຈາກ:ໜັງສືພີມເສດຖະກິດ-ສັງຄົມ

แชร์