ທ່ານ ໄຊສົມພອນ ພົມວິຫານ ເນັ້ນ ສທໜຊ ເອົາໃຈໃສ່ 5 ບັນຫາສຳຄັນ

  ໃນໄລຍະຜ່ານມາ ສທໜຊ ຫຼື ສະມາຄົມນັກທຸລະກິດໜຸ່ມແຫ່ງຊາດໄດ້ປະກອບສ່ວນສຳຄັນເຂົ້າໃນການພັດທະນາເສດຖະກິດ-ສັງຄົມຂອງປະເທດໂດຍສະເພາະແມ່ນດ້ານພາສີອາກອນ, ການຜະລິດສິນຄ້າຕອບສະໜອງການຊົມໃຊ້ພາຍໃນຫຼຸດຜ່ອນການນຳເຂົ້າທີ່ສຳຄັນແມ່ນສາມາດສ້າງວຽກເຮັດງານທຳໃຫ້ກັບຊາວໜຸ່ມປີໜຶ່ງຫຼາຍພັນຄົນຂະນະທີ່ເພື່ອເຮັດໃຫ້ ສທໜຊ ເຂັ້ມແຂງສາມາດແຂ່ງຂັນກັບສາກົນໄດ້ໃນອະນາຄົດ ທ່ານ ໄຊສົມພອນ ພົມວິຫານ ໄດ້ເນັ້ນໃຫ້ຄະນະບໍລິຫານງານກໍຄືສະມາຊິກຂອງ ສທໜຊ ເອົາໃຈໃສ່ຕື່ມ 5 ບັນຫາສຳຄັນ.

  ເມື່ອບ່າຍວັນທີ 3 ກໍລະກົດ 2018 ໄດ້ມີກອງປະຊຸມພົບປະໂອ້ລົມຂອງ ທ່ານ ໄຊສົມພອນ ພົມວິຫານ ກຳມະການກົມການເມືອງສູນກາງພັກປະທານສູນກາງແນວລາວສ້າງຊາດຕໍ່ ສທໜຊ ຂຶ້ນທີ່ສູນກາງແນວ ລາວສ້າງຊາດຊຶ່ງມີບັນດາພະນັກງານ ແລະນັກທຸລະກິດໜຸ່ມເຂົ້າຮ່ວມຢ່າງພ້ອມພຽງ.

  ກ່ອນອື່ນໃນທີ່ປະຊຸມທ່ານປະທານສູນກາງແນວລາວສ້າງຊາດໄດ້ເປັນກຽດຮັບຟາຍລາຍງານຈາກ ທ່ານ ຄຳແສນ ສີສະວົງ ປະທານ ສທໜຊ ຊາບວ່າ: ສທໜຊ ໄດ້ຮັບການສ້າງຕັ້ງຂຶ້ນໃນປີ 2002 ເພື່ອເຕົ້າໂຮມເອົາບັນດາຜູ້ປະກອບການຊາວໜູ່ມທົ່ວປະເທດມາສາມັກຄີກັນ,ແລກປ່ຽນບົດຮຽນ,ຊ່ວຍເຫຼືອຊຶ່ງກັນ ແລະ ກັນພ້ອມກັນພັດ ທະນາໃຫ້ມີຄວາມເຂັ້ມແຂງກ້າວໜ້າແລະສາມາດແຂ່ງຂັນໄດ້ກັບສາກົນ;ສົ່ງເສີມໄວໜຸ່ມລາວທຸກຊົນເຜົ່າໃຫ້ກາຍເປັນຜູ້ປະກອບການ,ເປັນນັກທຸລະກິດທີ່ມີຄວາມຮູ້ ຄວາ ມສາມາດ ແລະຄຸນສົມບັດປະກອບສ່ວນເຂົ້າໃນການພັດທະນາປະເທດຊາດແຕ່ລະໄລຍະ.

  ໂດຍຜົນງານທີ່ໂດດເດັ່ນໃນການພັດທະນາເສດຖະກິດ-ສັງຄົມໃນຜ່ານມາ ສທໜຊ ສາມາດສ້າງວຽກເຮັດງານທຳໃຫ້ກັບຊາວໜຸ່ມຈຳນວນ 21,8 ຄົນ ຈາກຈຳນວນສະມາຊິກໃນເວລານີ້ 625 ບໍລິສັດ; ປະກອບສ່ວນເຂົ້າໃນການເສຍພາສີອາກອນຈຳນວນຫຼາຍຕື້ກີບຕໍ່ປີ; ຜົນງານໃນການຜະລິດສິນຄ້າ ແລະ ບໍລິການເພື່ອຫຼຸດຜ່ອນການນຳເຂົ້າເປັນຈຳນວນຫຼວງຫຼາຍນອກຈາກນັ້ນແລ້ວຍັງໄດ້ສ້າງກິດຈະກຳເພື່ອຊ່ວຍເຫຼືອສັງຄົມເປັນຕົ້ນການລະດົມທຶນໄປຊ່ວຍອຸທົກກະໄພຕ່າງໆ, ຊ່ວຍຜູ້ດ້ອຍໂອ ກາດ, ຊ່ວຍຊົນນະບົດທັງການສ້າງໂຮງຮຽນ ແລະ ວັດວາອາຮາມກໍມີການກໍ່ສ້າງຫຼາຍສົມຄວນ.

 ແນວໃດກໍດີຫຼັງຈາກນັ້ນ ທ່ານ ໄຊສົມພອນ ພົມວິຫານ ກໍໄດ້ເປັນກຽດໂອ້ລົມຕໍ່ກອງປະຊຸມຊຶ່ງກ່ອນອື່ນທ່ານກໍໄດ້ກ່າວຍ້ອງຍໍຊົມເຊີຍຕໍ່ຜົນງານຂອງບັນດາທຸລະກິດໜຸ່ມທີ່ຍາດມາໄດ້ໃນຜ່ານມາຊຶ່ງລ້ວນແລ້ວແຕ່ເປັນການປະກອບສ່ວນໃນການສ້າງສາ ແລະພັດທະນາປະເທດຊາດພ້ອມດຽວກັນນັ້ນທ່ານຍັງໄດ້ເນັ້ນໃຫ້ ສທໜຊ ເອົາໃຈໃສ່ 5 ບັນຫາສຳຄັນອັນທຳອິດແມ່ນໃຫ້ສືບຕໍ່ປັບປຸງຄວາມເຂັ້ມແຂງ, ສິດໜ້າທີ່ວິທີການເຮັດວຽກຊ່ວຍເຫຼືອເຊິ່ງກັນ ແລະກັນ, ສຶກສາອົບຮົມການເມືອງແນວຄິດໃຫ້ເລິກເຊິ່ງໄປຕາມແນວທາງນະໂຍບາຍຂອງພັກ-ລັດ; 2, ປັບປຸງລົງຮາກຖານຊ່ວຍເຫຼືອສັງຄົມສາມັກຄີກັນລົງພັດຊົນນະບົດຊ່ວຍແກ້ໄຂຄວາມທຸກຍາກຂອງປະຊາຊົນ;

 ຕໍ່ມາແມ່ນໃຫ້ຊ່ວຍແກ້ໄຂລະບຽບຫຼັກການການເຮັດວຽກຊ່ວຍເຫຼືອຊຶ່ງກັນ ແລະ ກັນ 4 ເອົາໃຈໃສ່ໃນການຄົ້ນຄວ້າຮໍ່າຮຽນຮູ້ເອົາເຕັກໂນໂລຊີທີ່ທັນສະໄໝມາພັດທະນາປະເທດ ແລະ ທຸລະກິດກໍຄືສິນຄ້າໃຫ້ສາມາດແຂ່ງຂັນໄດ້ກັບສາກົນ ແລະ ສຸດທ້າຍແມ່ນໃຫ້ ຫສໜຊ ສູ້ຊົນບຸກບືນສ້າງໃຫ້ມີນັກທຸລະກິດທີ່ເປັນນັກຮົບທາງດ້ານເສດຖະ ກິດຂອງພັກຂອງລັດໃນການແຂ່ງຂັນກັບປະເທດອື່ນໆ.

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์