ພະລາທິການ ປກສ ແຂວງວຽງຈັນ ແຂ່ງຂັນກີລາເປຕັງ

ເນື່ອງໃນໂອກາດຕ້ອນຮັບກອງປະຊຸມໃຫຍ່ 3 ຂັ້ນເວົ້າລວມເວົ້າສະເພາະແມ່ນກອງປະຊຸມໃຫຍ່ ຂອງຫ້ອງພະລາທິການ ປກສ ແຂວງວຽງຈັນໃຫ້ມີຄວາມໝາຍຄວາມສຳຄັນເຕັມໄປດ້ວຍບັນຍາກາດເບີກບານມ່ວນຊື່ນ ແລະໄດ້ຮັບຜົນສຳເລັດຕາມລະດັບຄາດ ໝາຍທີ່ວາງໄວ້ສະນັ້ນຫ້ອງພະລາທິການ ປກສ ແຂວງ ຈຶ່ງໄດ້ສ້າງ ຂະບວນການແຂ່ງຂັນກີລາເປຕັງ ຊິງຂັນຫ້ອງພະລາທິການຂຶ້ນໃນ ວັນທີ 27 ມີຖຸນາ ຜ່ານມານີ້. 

ໂດຍມີທິມນັກກີລາພາຍໃນຫ້ອງເຂົ້າຮ່ວມແຂ່ງຂັນທັງໝົດ 25 ທິມໃນນີ້ມີທິມນັກກີລາເປຕັງຊາຍ 19 ທິມ, ທິມນັກກີລາເປຕັງຍິງ 6 ທີມ ຜ່ານການແຂ່ງຂັນເຫັນວ່າ ທິມນັກກີລາເປຕັງຊາຍຊະນະເລີດໄດ້ແກ່ທິມນັກກີລາຈາກພະແນກເຕັກນິກຍຸດໂທ, ຮອງຊະນະເລີດ ໄດ້ແກ່ທິມນັກກີລາຈາກພະແນກ ກໍ່ສ້າງຊັບສິນ, ທີ 3 ຮ່ວມໄດ້ແກ່ ທິມນັກກີລາຈາກພະແນກເຕັກນິກຍຸດໂທ ແລະພະແນກກໍ່ສ້າງຊັບ ສິນ, ທິມນັກກີລາເປຕັງຍິງຊະນະ ເລີດໄດ້ແກ່ທິມນັກກີລາຈາກພະແນກອຸປະໂພກ,ຮອງຊະນະເລີດ ໄດ້ແກ່ທິມນັກກີລາຈາກພະແນກ ຄົ້ນຄວ້າ-ສັງລວມ, ທີ 3 ຮ່ວມໄດ້ ແກ່ທິມນັກກີລາຈາກພະແນກການເງິນໃຫ້ກຽດຂຶ້ນມອບຂັນລາງວັນຊະນະເລີດ ແລະຮອງຊະນະ ເລີດພ້ອມເງິນຈຳນວນໝຶ່ງ ໂດຍ ແມ່ນທ່ານ ພັທ ໄຊຍະເດດ ພົງສິລິ ຮອງຫົວໜ້າຫ້ອງພະລາທິການ ປກສ ແຂວງ ພ້ອມນັ້ນຍັງໄດ້ມອບ ເງີນຈຳນວນໜຶ່ງໃຫ້ທີ 3 ຮ່ວມຕື່ມອີກ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

• 04/07/2019