ອຸດົມໄຊ ປະເມີນວຽກງານຂະແໜງສຶກສາ

 ວັນທີ 28 ມິຖຸນາຜ່ານມາທີ່ສະໂມສອນຂອງພະແນກສຶກສາ ທິການ ແລະກີລາແຂວງອຸດົມໄຊ ໄດ້ມີກອງປະຊຸມປະເມີນວຽກງານຂອງຄະນະພະແນກສຶກສາແຂວງ ໃຫ້ກຽດເຂົ້າຮ່ວມຂອງທ່ານ ຄຳ ພຽງ ຢາຈົງວາ ຮອງເຈົ້າແຂວງ ອຸດົມໄຊ, ທ່ານ ສົມດີ ສີລາທອດຫົວໜ້າພະແນກສຶກສາທິການແລະກີລາແຂວງພ້ອມດ້ວຍຄະນະແລະມີບັນດາຫົວໜ້າໜ້າຂະແໜງແຕ່ລະຂະແໜງພາຍໃນພະແນກເຂົ້າ ຮ່ວມ.

ການປະເມີນການປະຕິບັດວຽກງານຂອງຄະນະນຳພະແນກສຶກສາ ທິການ ແລະກີລາ, ຜູ້ເຂົ້າຮ່ວມໄດ້ເຊື່ອມຊຶມບັນດາເອກະສານທີ່ສຳຄັນຕ່າງໆ ແລະເອກະສານບົດ ສະຫຼຸບຄວາມຮັບຜິດຊອບຂອງຄະນະພະແນກສຶກສາທິການ ແລະກີລາແຂວງ,ຄວາມເຊື່ອໝັ້ນໄວ້ວາງໃຈຕໍ່ບຸກຄົນໃນຄະນະ, ຕີລາຄາ ຄວາມຮັບຮູ້ ແລະຄວາມເຂົ້າໃຈ ຄວາມຮັບຜິດຊອບຕໍ່ໜ້າທີ່ວຽກງານ ແລະສິ່ງທີ່ໄດ້ຮັບມອບໝາຍ ຢ່າງຕັ້ງໜ້າ, ມີການຄົ້ນຄວ້າ, ວິໄຈບັນຫາ ແລະປະກອບຄຳຄິດເຫັນ ຢ່າງມີຄວາມຮັບຜິດຊອບສູງ, ໃນກອງປະຊຸມໄດ້ຮັບຟັງການລາຍ ງານກ່ຽວກັບສະພາບການຈັດຕັ້ງປະຕິບັດການປະເມີນຢູ່ພາຍໃນພະ ແນກໄລຍະຜ່ານມາ, ໄດ້ຜ່ານໃບປະເມີນຜົນງານປະຈຳປີ 2018 ຂອງຕົນ,ນອກນັ້ນຜູ້ເຂົ້າຮ່ວມກອງປະຊຸມໄດ້ມີຄຳເຫັນແລກປ່ຽນຕຳນິກໍ່ສ້າງຊ່ວຍເຫຼືອເຊິ່ງກັນແລະ ກັນກົງໄປກົງມາດ້ວຍຄວາມຈິງໃຈ.

ໂອກາດນີ້ທ່ານ ຄຳພຽງຢາຈົງວາຮອງເຈົ້າແຂວງກໍໄດ້ເນັ້ນໃຫ້ເພີ່ມທະວີຄວາມສາມັກຄີພາຍໃນໃຫ້ເປັນປຶກແຜ່ນ,ຍົກສູງຄວາມຮັບຜິດຊອບດ້ານການເມືອງ,ເຮັດແທ້ທຳຈິງແລະຕ້ານທຸກປາກົດການຫຍໍ້ທໍ້ຕ່າງໆ,ພ້ອມກັນແກ້ໄຂຈຸດອ່ອນຂໍ້ຄົງຄ້າງໃນການປະຕິບັດວຽກງານໄລຍະທີ່ຜ່ານມາໃຫ້ມີການ       ປ່ຽນແປງໃໝ່ພ້ອມກັນນຳພາວຽກງານສຶກສາ-ກີລາພາຍໃນແຂວງ ອຸດົມໄຊ ໃຫ້ມີບາດກ້າວເຕີບໃຫຍ່ຂະຫຍາຍຕົວ ແລະດີຍິ່ງໆຂຶ້ນໄປ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

• 04/07/2019