ເສດຖະກິດຊຽງຂວາງຈະຂະຫຍາຍຕົວໃນລະດັບ 8,27%

  ປີນີ້ ແຂວງຊຽງຂວາງຄາດຄະເນເສດຖະກິດຈະມີການຂະຫຍາຍຕົວໃນລະດັບ 8,27%, ລວມຍອດຜະລິດຕະພັນພາຍໃນ (GDP) 3,72 ພັນຕື້ກີບ, ໃນນັ້ນກະສິ ກຳກວມເອົາ 33,85%, ອຸດສາຫະກຳກວມ 37,39% ແລະການບໍລິການ28,76%, ໂດຍແຂວງຈະສຸມໃສ່ທ່າແຮງທີ່ມີເພື່ອກະຕຸ້ນເສດຖະກິດໂດຍສະເພາະການຜະລິດເປັນສິນຄ້າເພື່ອສົ່ງອອກ.

  ທ່ານ ບຸນຕົ້ນ ຈັນທະພອນ ເຈົ້າແຂວງຊຽງຂວາງໃຫ້ຮູ້ວ່າ: ຄາດຄະເນໝົດປີ 2019 ເສດຖະກິດຂອງແຂວງຈະຂະຫຍາຍຕົວຢູ່ໃນລະດັບ 8,27%, ລວມຍອດຜະ ລິດຕະພັນພາຍໃນ (GDP) 3.728 ຕື້ກີບ. ໃນນັ້ນ, ຂົງເຂດກະສິກໍາ-ປ່າໄມ້ຂະຫຍາຍຕົວ 3,80%, ກວມ 33,85%, ຂົງເຂດ ອຸດສາຫະກໍາ-ກໍ່ສ້າງຂະຫຍາຍຕົວ 9%, ກວມ 37,39%, ຂົງເຂດການບໍລິການຂະຫຍາຍຕົວ 13% ກວມ 28,76%, ຄາດຄະເນລາຍຮັບສະເລ່ຍຕໍ່ຫົວຄົນຈະບັນລຸໄດ້ 1.747 ໂດລາຕໍ່ຄົນຕໍ່ປີ.

 ການລົງທຶນທົ່ວສັງຄົມແຂວງສາມາດລະດົມການລົງທຶນທົ່ວສັງຄົມໄດ້ທັງໝົດ 1.394 ຕື້ກີບ, ເທົ່າກັບ 86,49% ຂອງແຜນການປີ. ໃນນັ້ນ, ການລົງທຶນຂອງລັດ 15,89 ຕື້ກີບ, ກວມ 23,12%, ການລົງທຶນຂອງພາກເອກະຊົນພາຍໃນ ແລະຕ່າງປະເທດ 431,61 ຕື້ກີບ ກວມ 49,37%, ທຶນຊ່ວຍເຫຼືອລ້າ ແລະ ກູ້ຢືມມີ 39,11 ຕື້ກີບ ກວມ 23,82%, ສິນເຊື່ອທະນາຄານ 907,46 ຕື້ກີບ ກວມ 65,09%.

 ສຳລັບການຜະລິດເປັນສິນຄ້າພາຍໃນແຂວງແມ່ນສຸມໃສ່ການປູກເຂົ້າ, ປູກສາລີຫວານ ແລະສາລີແຂງໄດ້ທັງໝົດ10.425 ເຮັກ ຕາ ເທົ່າກັບ 48,83% ຂອງແຜນການປີ,ສາມາດເກັບກູ້ຜົນຜະລິດສາລີໄດ້ທັງໝົດ 52.125 ໂຕນ ເທົ່າກັບ46,62% ຂອງແຜນການປີ, ພ້ອມນັ້ນທົ່ວແຂວງມີສັດໃຫຍ່ ປະເພດງົວ, ຄວາຍ, ມ້າ, ມີທັງໝົດ 2,24 ແສນໂຕ ເທົ່າກັບ97,14%, ຂອງແຜນການປີ. ໃນນັ້ນ, ມີຄວາຍທັງໝົດ 58.583 ໂຕ, ເທົ່າກັບ 96,07% ຂອງແຜນການປີ, ມີງົວ 1,6 ແສ ນໂຕ, ເທົ່າກັບ 96,74% ຂອງແຜນການປີ. ໃນນັ້ນ, ງົວພື້ນເມືອງມີ 1,51 ແສນໂຕ, ງົວພັນຊີ້ນ 928 ໂຕ ແລະ ງົວພັນນົມ 412 ໂຕ, ມີມ້າ 5.876 ໂຕ ເທົ່າ ກັບ 95,25% ຂອງແຜນການປີ,ມີໝູ 134.507 ໂຕ, ເທົ່າກັບ 95,24% ຂອງແຜນການປີ, ມີແບ້ ແລະ ແກະ 33,9 ພັນໂຕ, ເທົ່າກັບ 96,88% ຂອງແຜ ນການປີ, ມີສັດປີກປະມານ 1,39 ແສນໂຕ, ເທົ່າກັບ 94,77% ຂອງແຜນການປີ, ເຮັດໃຫ້ການສົ່ງອອກສິນຄ້າໄດ້ 42,11 ຕື້ ກີບ, ເທົ່າກັບ 34,68% ຂອງແຜນການປີ, ນໍາເຂົ້າສິນຄ້າໄດ້104,68  ຕື້ກີບ, ເທົ່າກັບ 45,16% ຂອງແຜນການປີ ຊຶ່ງຖືວ່າເປັນທ່າແຮງສຳຄັນໃນການຊຸກຍູ້ໃຫ້ເສດຖະກິດຂອງແຂວງບັນລຸໄດ້ຕາມລະດັບຄາດໝາຍ.

ພາບ ແລະຂ່າວຈາກ:

ໜັງສືພິມເສດຖະກິດ-ສັງຄົມ

 

แชร์