ເປີດເວທີປະກວດ ມິສເວີດລາວ

ພິທີຖະແຫຼ່ງຂ່າວເປີດໂຄງການປະກວດມິສເວີດລາວ 2019 ໄດ້ຈັດຂຶ້ນວັນທີ 28 ມິຖຸນາ 2019 ທີ່ນະຄອນຫຼວງວຽງຈັນ ໃຫ້ກຽດເຂົ້າຮ່ວມຂອງ ທ່ານ ສຸລິຍາ ແກ້ວພິລາວົງ ຫົວໜ້າກົມຂະບວນການຊາວໜຸ່ມສູນກາງຊາວໜຸ່ມປະຊາຊົນປະຕິວັດລາວ, ທ່ານ ສາຍແກ້ວ ສີດາວົງ ປະທານໂຄງການ Miss World Laos, ທ່ານ ອັນຊະລີ ວົງອະລິຍະກະວີຜູ້ອຳນວຍການກອງປະກວດ Miss World Laos ພ້ອມດ້ວຍແຂກຖືກເຊີນ ແລະພາກສ່ວນກ່ຽວຂ້ອງເຂົ້າຮ່ວມ.

  ໂຄງການ Miss World Laos 2019 ໂດຍແມ່ນບໍລິສັດ Prime Mod eling Agency gxao ເປັນຜູ້ຖືລິຂະສິດ ແລະ ເປັນເວທີຍິ່ງໃຫຍ່ຊົງຄຸນຄ່າທີ່ສຸດໃນ ສປປ ລາວ ການປະກວດຄັ້ງນີ້ກໍເພື່ອຄົ້ນຫາພຽງໜຶ່ງນາງສາວທີ່ຈະເປັນຕົວແທນຂອງປະເທດໄປຮ່ວມປະກວດຊີງໄຊໃນເວທີລະດັບໂລກຊຶ່ງຈະຈັດຂຶ້ນທີ່ແຂວງພັດທະຍາປະເທດໄທສຳລັບລາງວັນຊະນະເລີດແມ່ນໄດ້ຄອງມຸງກຸດມູນຄ່າ 150 ລ້ານກີບ, ຮອງຊະນະເລີດ 60 ລ້ານກີບ ແລະ ລາງວັນທີສາມແມ່ນ 10 ລ້ານກີບ ສ່ວນເງື່ອນໄຂຂອງຜູ້ທີ່ຈະເຂົ້າມາສະໝັກຕ້ອງເປັນສັນຊາດລາວໂດຍກຳເນີດ, ອາຍຸລະຫວ່າງ 17-27 ປີ, ມີລວງສູງ 165 ຊັງຕີແມັດຂຶ້ນໄປເປັນຍິງໂສດ, ມີຄຸນສົດບັດດີ, ທັດສະນະຄະຕິທີ່ມີເງື່ອນໄຂຄົບຖ້ວນ ແລະສາມາດສື່ສານພາສາອັງກິດໄດ້ໃນພື້ນຖານ.

  ສຳລັບລາຍລະອຽດຂອງໂຄງການແມ່ນເລີ່ມເປີດຮັບສະໝັກແຕ່ວັນທີ 30 ມິຖຸນາແລ້ວມາຄັດເລືອກໃຫ້ເຫຼືອ 20 ຄົນ ຈາກນັ້ນໄປຖ່າຍແບບປະຊາສຳພັນເກັບຕົວໃຫ້ເປັນທີ່ລະລຶກແລ້ວເຂົ້າມາຊີງຊະນະເລີດໃນວັນທີ 20 ກັນຍາ 2019 ຈຸດປະສົງເພື່ອຢາກສົ່ງເສີມສາວລາວມີເວທີສະແດງຄວາມດ້ານສາມາດ, ກ້າສະແດງທັດສະນະຄະຕິ ແລະໃຫ້ມີຄວາມມຸ້ງໝັ້ນສະແດງສັກກະຍາພາບເພື່ອໄປຊີງໄຊໃນເວທີລະດັບໂລກ.

ຂຽນໂດຍ: ແພງຕາ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์