180 ຫົວໜ່ວຍທຸລະກິດຮ່ວມສະແດງສິນຄ້າລາວ-ຫວຽດ

ກົມສົ່ງເສີມການຄ້າ,ກະຊວງອຸດສາຖະກໍາ ແລະການຄ້າຮ່ວມກັບກົມຕະຫຼາດອາຊີ-ປາຊີຟິກ, ຫ້ອງການທີ່ປຶກສາຝ່າຍການຄ້າຫວຽມນາມປະຈໍາ ສປປ ລາວ ແລະພາກທຸລະກິດໄດ້ຈັດງານວາງສະແດງສິນຄ້າຫວຽດ-ລາວ 2019 ໃນລະຫວ່າງວັນທີ 27-1 ກໍລະກົດ 2019 ທີ່ສູນການຄ້າລາວ-ໄອເຕັກ ນະຄອນຫຼວງວຽງຈັນ ໂດຍກາ ນເປັນປະທານຂອງທ່ານພັນທອງ ພັດທຸມມາ ຮອງລັດຖະມົນຕີກະຊວງອຸດສາຖະກໍາ ແລະການຄ້າ, ທ່ານ ກ່າວກວັກຮືງ ຮອງລັດຖະມົນຕີກະຊວງອຸດສາຫະກໍາ ແລະ ການຄ້າແຫ່ງ ສສ ຫວຽດນາມ, ມີເອກອັກຄະລັດຖະທູດຫວຽດນາມປະຈຳລາວ, ພ້ອມດ້ວຍພາກທຸລະກິດທັງສອງຝ່າຍເຂົ້າຮ່ວມ.

 ທ່ານ ພັນທອງ ພັດທຸມມາ ກ່າວວ່າ: ການຈັດງານຄັ້ງນີ້ເປັນການເສີມຂະຫຍາຍສາຍພົວພັນການຄ້າລາວ-ຫວຽດນາມໃຫ້ຂະຫຍາຍຕົວເພີ່ມຂຶ້ນໂດຍສະເພາະຕົວເລກການຄ້າແມ່ນຈະໄດ້ຂະຫຍາຍຕົວຂຶ້ນ, ພ້ອມດຽວກັນກໍເປັນເວທີແລກປ່ຽນການຮ່ວມມືທາງດ້ານການຄ້າ, ການລົງທຶນໄປສູ່ການເຊັນສັນຍາແລກປ່ຽນລະຫວ່າງພາກທຸ ລະກິດນຳໄປສູ່ການປັບປຸງສິນຄ້າ, ປັບປຸງຂອດການຜະລິດເພື່ອຕອບສະໜອງຄວາມຕ້ອງ ການຂອງຕະຫຼາດໃຫ້ຂະຫຍາຍຕົວເພີ່ມຂຶ້ນ.

  ທ່ານ ກ່່າວກວັກຮືງ ກ່າວວ່າ: ຫວຽດນາມ ແລະລາວມີຊາຍແດນຕິດຈອດກັບ 10 ແຂວງ, ໃນປີ 2018 ມູນຄ່າການຄ້າຫວຽດນາມ-ລາວບັນລຸປະມານ 1,1 ຕື້ໂດ ລາ ເພີ່ມຂຶ້ນ 16% ທຽບໃສ່ປີ 2017 (ບັນລຸ 889,4 ລ້ານໂດລາ) ຄິດໄລ່ຮອດເດືອນ 4 ປີ 2019 ມູນຄ່າການຄ້າລະຫວ່າງລາວ-ຫວຽດນາມບັນລຸ 381,8 ລ້າ ນໂດລາ ເພີ່ມຂຶ້ນ 10,9% ທຽບໃສ່ໄລຍະດຽວກັນຂອງປີ2018.

   ສໍາລັບງານວາງສະແດງຄັ້ງນີ້ມີຫົວໜ່ວຍທຸລະກິດ ເຂົ້າຮ່ວມຈຳນວນ 180 ຫ້ອງວາງສະແດງ, ມີທຸລະກິດຫຼາຍກວ່າ 240 ຮ້ານ ໃນນັ້ນ ຜູ້ປະກອບການຫວຽດ ນາມມີ 120 ຮ້ານ ຂອງທັງໝົດ 80 ຫົວໜ່ວຍຈາກຂະແໜງເຟີນີເຈີໄມ້, ຫັດຖະກໍາໄມ້ແກະສະຫຼັກ, ກະສິກໍາປຸງແຕ່ງ, ສິນຄ້າໂອດອບ ແລະທຸລະກິດທີ່ມີຄຸນນະ ພາບມີເຄື່ອງໝາຍການຄ້າທີ່ໜ້າເຊື່ອຖືຂອງຫວຽດນາມໃນຫຼາຍຂະແໜງການຄື: ຢາ ແລະ ອຸປະກອນການແພດ, ເຄື່ອງກົນຈັກໝັກ, ກໍ່ສ້າງ ແລະ ວັດສະດຸການກໍ່ສ້າງສິນຄ້າກະສິກໍາ-ປ່າໄມ້, ອາຫານທະເລ ແລະເຄື່ອງປຸງແຕ່ງອາຫານ, ເຄື່ອງຕັດຫຍິບ-ແຟຊັ້ນ, ເຄື່ອງຫັດຖະກໍາ ແລະຕົບແຕ່ງພາຍໃນ-ພາຍນອກເຄື່ອງພາສຕິກ ແລະເຄື່ອງໃຊ້ສອຍຕ່າງໆ.

ຂຽນໂດຍ: ວົງມະນີ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์