ທະນາຄານລາວ-ຫວຽດ ໝູນລາງວັນມອບໂຊກ

  ທະນາຄານຮ່ວມທຸລະກິດລາວ-ຫວຽດເປີດຜະລິດຕະພັນເງິນຝາກລຸ້ນຮັບໂຊກໂດຍການໝູນລາງວັນຄືນກຳໄລໃຫ້ແກ່ລູກຄ້າໄດ້ຈັດຂຶ້ນພາຍໃຕ້ຫົວຂໍ້ “ເງິນຝາກລຸ້ນຮັບໂຊກປີ 2018 ຄັ້ງທີ 3” ເພື່ອສ້າງໂອກາດລຸ້ນຮັບຂອງຂວັນລາງວັນຕ່າງໆບໍວ່າຈະເປັນລົດໂຕໂຢຕ້າອໍນິວຟໍຈູນເນີ້, ລົດຈັກ, ສາຍຄໍຄຳ, ໂທລະສັບ ແລະ ລາງ ວັນອື່ນໆ.

  ພິທີໝຸນລາງວັນໄດ້ຈັດຂຶ້ນໃນວັນທີ 28 ມິຖຸນາຜ່ານມາທີ່ເຂດພັດທະນາຄົບວົງຈອນໜອງທານະຄອນຫຼວງວຽງຈັນ ໃຫ້ກຽດເຂົ້າຮ່ວມຂອງທ່ານ ບຸບຜາ ສີພົມມາ ຫົວໜ້າກອງບັນຊາການ ປກສ ນະຄອນຫຼວງວຽງຈັນ, ທ່ານ ນາງ ບົວລອນ ວົງດາລາ ເຈົ້າເມືອງຈັນທະບູລີ, ທ່ານ ສຸກສະຫວັນ ຈັນທະລາວົງ ຮອງຫົວໜ້າພະ ແນກກໍ່ສ້າງຕັ້ງກົມຄຸ້ມຄອງທະນາຄານທຸລະກິດທະນາຄານແຫ່ງ ສປປ ລາວ ພ້ອມດ້ວຍແຂກທີ່ຖືກເຊີນ ແລະ ບັນດາລູກຄ້າເງິນຟາກເຂົ້າຮ່ວມ.

  ທະນາຄານຮ່ວມທຸລະກິດລາວ-ຫວຽດໄດ້ສ້າງຕັ້ງໂຄງການຜະລິດຕະພັນເງິນຝາກລຸ້ນຮັບໂຊກເພື່ອຄືນກຳໄລໃຫ້ລູກຄ້າຊຶ່ງເປັນໂຄງການດຶງດູງລູກຄ້າເຂົ້າຮ່ວມຝາກເງິນ ແລະ ໃຫ້ເປັນຜະລິດຕະພັນທີ່ນິຍົມນັບມື້ຫຼາຍຂຶ້ນໃນນີ້ແມ່ນໄດ້ສະສົມເອົາຈຳນວນລູກຄ້າຝາກເງິນແຕ່ວັນທີ 10 ພຶດສະພາ 2018 ຈົນຮອດວັນທີ 10 ພຶດ ສະພາ2019 ແລ້ວມາລຸ້ນຮັບໂຊກຊຶ່ງ162 ລ້ານກວ່າໂດລາ ໃນນັ້ນຕົວເລກຊິງລາງວັນຈຳໜ່າຍອອກແມ່ນ 6 ແສນກວ່າໂດລາ.

ສຳລັບໝູນລາງວັນເທື່ອນີ້ແມ່ນເປັນຄັ້ງທີ 3 ໂດຍທັງໝົດມີ 36 ລາງວັນ ໃນນັ້ນລາງວັນທີໜຶ່ງແມ່ນລົດໂຕໂຢຕ້າອໍນິວຟໍຈູນເນີ້ຈຳນວນ 1 ລາງວັນ, ລາງວັນທີສອງລົດຈັກ Honda Wava click ມີ 2 ລາງວັນ, ລາງວັນທີສາມໂທລະສັບ iphonexmax ມີ3 ລາງວັນ, ລາງວັນທີສີ່ຈັກຊັກຜ້າມີ 10 ລາງວັນ ແລະລາງວັນທີຫ້າສາຍຄໍຄຳໜັກສອງສະຫຼຶງຈຳນວນ 20 ລາງວັນ, ສຳລັບຜູ້ໂຊກດີໄດ້ຮັບລາງວັນທີ 1 ແມ່ນເລກບັນຊີ 140346, ລາງວັນທີ 2 ແມ່ນ 426095 ແລະ 34 6107 ສ່ວນເລກລາງວັນອື່ນໆ ທ່ານສາມາດຕິດຕາມໄດ້ທີ່ Lao viet Bank.

ຂຽນໂດຍ: ແພງຕາ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์