ຫາລືພັດທະນາຕົວຊີ້ບອກລະດັບຊາດ ແລະພັດທະນາແບບຍືນຍົງ

  ໃນວັນທີ 27 ມິຖຸນາ 2019 ທີ່ສູນການຮ່ວມມືສາກົນ ແລະການຝຶກອົບຮົມ (ICTC) ໄດ້ມີກອງປະຊຸມວິທະຍາສາດສະຖິຕິກ່ຽວກັບການພັດທະນາຕົວຊີ້ບອກລະດັບຊາດ ແລະ ເປົ້າໝາຍການພັດທະນາແບບຍືນຍົງ 2030 ໂດຍເປັນ ກຽດເຂົ້າຮ່ວມຂອງທ່ານ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ, ມີຮອງລັດຖະມົນຕີ, ຫົວໜ້າກົມ, ຮອງກົມ ແລະພາກສ່ວນອ້ອມຂ້າງກະຊວງເຂົ້າຮ່ວມ.

  ທ່ານ ສະໄໝຈັນ ບຸບຜາ ຫົວໜ້າສູນສະຖິຕິແຫ່ງຊາດຮອງລັດຖະມົນຕີກະຊວງແຜນການ ແລະ ການລົງທຶນກ່າວວ່າ: ກອງປະຊຸມຄັ້ງນີ້ໄດ້ປຶກສາຫາລືໂດຍເນັ້ນ ໜັກໃສ່ 3 ບັນຫາສຳຄັນຄື: ຂະບວນການສະຖິຕິໂດຍມີແລກປ່ຽນບົດຮຽນຈາກບັນດາທ່ານນັກສະຖິຕິອາວຸໂສເພື່ອສົນທະນາ ແລະແລກປ່ຽນບົດຮຽນວຽກງານສະຖິ ຕິໃນປະຈຸບັນ ແລະທິດທາງໃນຕໍ່ໜ້າ, 2 ການຜະລິດຂໍ້ມູນສະຖິຕິ ແລະການລາຍງານໂດຍອີງໃສ່ຂໍ້ມູນຈາກສຳຫຼວດຕ່າງໆ ແລະ ຂໍ້ມູນລາຍງານເປັນຕົ້ນຂໍ້ມູນສະຖິຕິຂັ້ນບ້ານ, ການຄິດໄລ່ຕົວຊີ້ບອກ ແລະ ແຜນສ້າງຄວາມອາດສາມາດໃຫ້ແກ່ລະບົບສະຖິຕິແຫ່ງຊາດເພື່ອຕອບສະໜອງຂໍ້ມູນໃຫ້ແກ່ການຕິດຕາມຄວາມຄືບໜ້າການ ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ ແລະເປົ້າໝາຍການພັດທະນາແບບຍືນຍົງ ແລະ ສ້າງກົນໄກການປະສານ ແລະ ການຮ່ວມມືໂດຍການແລກປ່ຽນບົດຮຽນພາຍໃນແລະຕໍ່ໜ້າ, ທັງນີ້ກໍເພື່ອຮັບປະກັນການຜະລິດບັນດາຕົວຊີ້ບອກດ້ານສະຖິຕິໃຫ້ມີຄຸນນະພາບ ແລະຫຍັບເຂົ້າສູ່ມາດຖານສາກົນ,ມີກົນໄກ, ມີລະບອບ,ລະບຽບ ແລະວິທີການເກັບກຳຂໍ້ມູນທີ່ຖືກຕ້ອງ ແລະເປັນເອກະພາບແຕ່ຂັ້ນສູນກາງເຖິງທ້ອງຖິ່ນນອກຈາກນີ້ສູນສະຖິຕິຕ້ອງໄດ້ເອົາໃຈໃສ່ສ້າງກົນໄກ ແລະ ຄວາມເປັນເຈົ້າການຮ່ວມກັນໃນການພັດທະນາລະບົບສະຖິຕິແຫ່ງຊາດໃຫ້ມີຄວາມເຂັ້ມແຂງໂດຍສະເພາະການພັດທະນາລະບົບຂໍ້ມູນຂ່າວສານເຕັກໂນໂລຊີໄປສູ່ທັນ ສະໄໝເທື່ອລະກ້າວ, ສ້າງພື້ນຖານໂຄງລ່າງດ້ານສະຖິຕິ, ການສ້າງຄວາມອາດສາມາດໃຫ້ແກ່ພະນັກງານ, ເພີ່ມທະວີເຜີຍແຜ່ໂຄສະນາຜົນຜະລິດສະຖິຕິໃຫ້ກວ້າງ ຂວາງສາມາດເຂົ້າເຖິງຂໍ້ມູນໄດ້ງ່າຍ ແລະ ສົ່ງເສີມການນຳໃຊ້ຂໍ້ມູນໄດ້ຢ່າງຖືກຕ້ອງ.

ຂຽນໂດຍ: ວົງມະນີ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์