ແອັບເປີ້ນຈະເປີດໂຕໄອໂຟນໜ້າຈໍພັບໄດ້ປີ 2021

ຫຼັງຈາກມີຂ່າວອອກມາເກືອບປີເບິ່ງຄືວ່າຕອນນີ້ແອັບເປີ້ນສາມາດທີ່ຈະຜະລິດໄອໂຟນແບບພັບເກັບໄດ້ແລ້ວເພາະຫາກໍຊະນະໄດ້ຮັບສິດທິບັດມາສົດໆຮ້ອນໆ ຊຶ່ງ ສິດທິບັດທີ່ແອັບເປີ້ນໄດ້ຮັບມາຫຼ້າສຸດຈະຊ່ວຍໃຫ້ທາງບໍລິສັດສາມາດເຮັດໜ້າຈໍພັບໄດ້ໃຊ້ກັບໄອໂຟນ ແລະອຸປະກອນອື່ນໆໄດ້.

ແອັບເປີ້ນໄດ້ຮັບສິດທິບັດນີ້ ໃນວັນອັງຄານຈາກສຳນັກງານສິດທິບັດ ແລະເຄື່ອງໝາຍການຄ້າຂອງອາເມລິກາ (US Patentand Trademark Office) ໂດຍສິດທິບັດນີ້ເປັນສິດທິບັດກ່ຽວກັບອຸປະກອນອິເລັກທຣໍນິກປະກອບດ້ວຍໜ້າຈໍ ແລະຝາກອບທີ່ມີຄວາມຫົດຢືດຖືເປັນການສະທ້ອນເຖິງຄວາມພະຍາຍາມຂອງແອັບ ເປິ້ນທີ່ຢາກຈະມີສະມາດໂຟນແບບພັບໄດ້ນຳເຂົາຕາມລາຍງານຂອງ CNN  ໂດຍທາງແອັບເປີ້ນໄດ້ຍື່ນ ຂໍສິດທິບັດນີ້ໃນເດືອນມັງກອນ ປີ 2018 ຈົນໃນເດືອນກຸມພາ2019 ທາງແອັບເປີ້ນໄດ້ສົ່ງພິມ ຂຽວຂອງສະມາດໂຟນແບບໂຄ້ງງໍ ຊຶ່ງໄດ້ບັນຍາຍເຖິງລັກສະນະຂອງ ໜ້າຈໍພັບໄດ້ທີ່ສາມາດພັບເຄິ່ງໜຶ່ງ ຫຼື ໜຶ່ງສ່ວນສາມສ່ວນຈໍສະແດງຜົນສາມາດໃຊ້ງານໄດ້ທຸກຢ່າງຕັ້ງ ແຕ່ໂທລະສັບແທັບເລັດໄປຈົນເຖິງ ແລປທອປແມ່ນແຕ່ເຄື່ອງແຕ່ງກາຍຕະຫຼອດຈົນອຸປະກອນຕ່າງໆສຳລັບມືຖືຄາດຄະເນວ່າແອັບເປີ້ນຈະເປີດໂຕມືຖືຈໍພັບໄດ້ໃນປີ 2021 ຕາມຫຼັງຊຳຊຸງ ແລະຫົວເຫວີຍທີ່ໄດ້ອວດໂສມມືຖືພັບໄດ້ໄປແລ້ວເມື່ອ ຕົ້ນປີທີ່ຜ່ານມາໃນງານ MWC ທີ່ບາເຊໂລນາປະເທດແອັດສະປາຍ.

ກໍຕ້ອງລໍຖ້າເບິ່ງມືຖືຂາຍດີຂອງໂລກກັນວ່າຈະ“ດີຫຼາຍກວ່າ” ຫຼື “ດີໜ້ອຍກວ່າ”ຂອງຄົນອື່ນເພາະຕາມຂ່າວທີ່ອອກມາກ່ອນໜ້ານີ້ຂະໜາດມືຖືພັບ Samsung’s Galaxy Fold ຍັງຕ້ອງປະເຊີນກັບ ບັນຫາການສະແດງຜົນໃນເວລາພຽງບໍ່ທໍ່ໃດວັນຫຼັງຈາກໃຊ້ງານ ແຖມລາຄາກໍຍັງແພງຢູ່.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์