ໂຮງຮຽນ ມສ ນາຄ່ອນ ເມືອງໝອກ ຄືບໜ້າ 85%

ໂຄງການກໍ່ສ້າງໂຮງຮຽນ ມສ ນາຄ່ອນ ເມືອງໝອກ ແຂວງ ຊຽງຂວາງພາຍຫຼັງທີ່ໄດ້ລົງມືກໍ່ສ້າງມາແຕ່ເດືອນເມສາ 2018, ມາ ຮອດປະຈຸບັນໄດ່ມີຫຼາຍໜ້າວຽກສຳເລັດ ແລະພວມດຳເນີນການຕໍ່ ໄປສະເລ່ຍໂດຍລວມມີຄວາມຄືບ ໜ້າ 85% ໂດຍຄາດວ່າຈະໃຫ້ສຳເລັດໃນເດືອນສິງຫາ ທີ່ຈະມາ ເຖິງນີ້.

ເພື່ອແນໃສ່ຮັບປະກັນທາງດ້ານການຮຽນ-ການສອນ ແລະ ເພື່ອເຮັດໃຫ້ອັດຕາການເຂົ້າຮຽນ ຂອງນັກຮຽນບັນລຸຕາມເປົ້າໝາຍ ໃນວັນທີ 24 ມິຖຸນາ ຜ່ານມາຫ້ອງການສຶກສາທິການ ແລະກີລາເມືອງໝອກໄດ້ໃຫ້ຮູ້ວ່າ:ໂຄງການກໍ່ສ້າງໂຮງຮຽນ ມສ ນາຄ່ອນເມືອງໝອກມາຮອດປະຈຸບັນສໍາເລັດແລ້ວປະມານ 85%, ໂດຍ ແມ່ນບໍລິສັດໂຊກໄຊຄໍາ ຈໍາກັດຜູ້ ດຽວເປັນຜູ້ຮັບເໝົາກໍ່ສ້າງໃນມູນຄ່າ 4 ຕື້ກວ່າກີບ, ຊຶ່ງເປັນຕຶກອາຄານຮຽນແບບຖາວອນ 2 ຊັ້ນ,1 ຫຼັງ,ມີຂະໜາດ 9,5X48,25 ແມັດ,ປະກອບມີ 11 ຫ້ອງຮຽນ,1ຫ້ອງຄອມພິວເຕີ ແລະຫ້ອງນໍ້າ 4 ຫ້ອງ,ການກໍ່ສ້າງແມ່ນກໍ່ ດ້ວຍດິນຈີ່ເບຕົງເສີມເຫຼັກຕາມແຜນຜັງ 100%,ໂຄງການດັ່ງກ່າວໄດ້ເລີ່ມລົງມືກໍ່ສ້າງມາແຕ່ເດືອນ ເມສາ 2018 ແລະຄາດວ່າຈະກໍ່ສ້າງໃຫ້ສໍາເລັດ 100% ໃນ ເດືອນສິງຫາ 2019 ນີ້. 

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์