ນິຣະດາ ສະຫຼຸບພາກຮຽນ ພ້ອມມອບລາງວັນ ນັກຮຽນດີເດັ່ນ

 ວັນທີ  27ມິຖຸນາຜ່ານມາທີ່ໂຮງຮຽນນິຣະດາຈັດພິທີສະຫຼຸບພາກຮຽນພ້ອມມອບລາງວັນນັກຮຽນດີເດັ່ນ ໂດຍໃຫ້ກຽດເຂົ້າຮ່ວມທ່ານ ຄຳພົນ ໄຊຍະເພັດຮອງຫົວໜ້າສຶກສາທິການ ແລະກີລາເມືອງສີສັດຕະນາກ, ທ່ານ ນາງ ນີລາວັນ ວິຣະຖາວອນ ອຳນວຍການໂຮງຮຽນນິຣະດາຈອມເພັດພ້ອມດ້ວຍພະນັກງານຄູ-ອາຈານຜູ້ປົກ ຄອງເຂົ້າຮ່ວມ.

ໂຮງຮຽນນິຣະດາມີການຮຽນ ການສອນອີງຕາມຫຼັກສູດກະຊວງສຶກສາທິການ ແລະກີລາ ແລະໂຮງຮຽນແມ່ນເນັ້ນສ້າງນັກ ຮຽນລາວທີມີຄວາມເປັນລາວ ໂດຍສະເພາະກິລິຍາມາລະຍາດ ແລະມີຄວາມຮູ້ຄວາມສາມາດ,ມີວິໄສທັດ ໂດຍສະເພາະພາສາ,ວິຊາການ,ທັກສະຮູ້ນຳໃຊ້ຄອມພິວ ເຕີ, ການເຮັດວຽກຮຽນເປັນທີມ, ຄວາມຄິດສ້າງສັນເພື່ອໄປແຂ່ງ ຂັນກັບເວທີ່ສາກົນ.

ສຳລັບຜົນງານຜ່ານມາຄູ-ອາຈານປຸກລະດົມແນວຄິດວາງເປົ້າໝາຍຈັດຕັ້ງປະຕິບັດໂດຍຕິດຕາມສະພາບການເຄື່ອນໄຫວນັກຮຽນ ໂດຍສະເພາະການຮຽນຊຶ່ງແຕ່ລະປີຜ່ານມາ ການຮຽນ-ການສອນຖືວ່າຜ່ານພົ້ນໄດ້ທຸກຊັ້ນ100% ນອກຈາກສອບເສັງຈົບຊັ້ນແຕ່ລະປີຄັດຜູ້ທີ່ມີພອນສະຫວັນຈັດມາຄັດເລືອກບຳລຸງສອບເສັງຂັ້ນເມືອງ,ນະຄອນຫຼວງຈົນຮອດລະດັບຊາດກໍ່ໄດ້ປະສົບຜົນສຳເລັດແຕ່ລະສົກຮຽນສາມາດຍາດໄດ້ຜົນງານຫຼ້າ ສຸດສົກຮຽນ 2018-2019 ມີ 2 ຄົນ ຍາດຜົນງານນັກຮຽນເກັ່ງລະ ດັບຊາດ 2ຄົນວິຊາຄະນິດສາດໄດ້ອັນດັບທີ 1 ທ້າວ ມັກມີພົນໄຊຊະນະແລະນາງ ພອນໄພລັກໄຊຊະນະໄດ້ອັນດັບ 1 ວິຊາພາສາລາວວັນນະຄະດີ.

ສຳລັບສົກຮຽນ 2018-2019 ມີນັກຮຽນຫ້ອງອະນຸບານ 3 ມີ91 ຄົນ, ຍິງ 37 ຄົນ, ເສັງໄດ້95,61%, ຫ້ອງ ປ1ຈຳນວນນັກຮຽນທັງໝົດມີ 89 ຄົນ, ຍິງ 39 ຄົນ, ເສັງໄດ້ 98,88%,ນັກ ຮຽນຫ້ອງ ປ2 ມີທັງໝົດ 86 ຄົນ, ຍິງ 47 ຄົນເສັງໄດ້ 100%,ນັກຮຽນຫ້ອງ ປ3 ມີທັງໝົດ 74 ຄົນ, ຍິງ 41 ຄົນເສັງໄດ້ 93,25%,ນັກຮຽນຫ້ອງ ປ4 ມີທັງໝົດ 74 ຄົນ, ຍິງ 30 ຄົນເສັງໄດ້  95,95%ນັກຮຽນຫ້ອງ ປ5 ມີທັງໝົດ 66 ຄົນ, ຍິງ 39 ຄົນເສັງໄດ້ 100%, ນັກຮຽນຫ້ອງ ມ1 ມີທັງໝົດ 48 ຄົນ,  ຍິງ 28 ຄົນເສັງໄດ້95,82%,ນັກຮຽນ ມ2 ມີທັງໝົດ 45 ຄົນ,ຍິງ 30 ເສັງໄດ້ 100%, ນັກຮຽນ ມ3 ມີທັງໝົດ 47 ຄົນ, ຍິງ 13ຄົນ,ເໄດ97,88%,ນັກຮຽນຊັ້ນ ມ4 ມີທັງໝົດ 37ຄົນ, ຍິງ 21 ຄົນເສັງ 100%, ນັກຮຽນ ມ5 ມີທັງໝົດ25 ຄົນ,ຍິງ 7 ຄົນ ແລະນັກຮຽນ ມ6 ມີທັງໝົດ 19 ຄົນ, ຍິງ 12 ຄົນ ເສັງໄດ້ 100%.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

 

แชร์