ຂະແໜງທ່ອງທ່ຽວບໍ່ແກ້ວ ລົງເກັບກຳຂໍ້ມູນ ການທ່ອງທ່ຽວ 2 ບ້ານເປົ້າໝາຍ

ໃນລະຫວ່າງວັນທີ 17-18 ມິຖຸນາຜ່ານມາຫ້ອງການຖະແຫຼງຂ່າວ,ວັດທະນະທຳແລະທ່ອງທ່ຽວ ເມືອງປາກທາສົມທົບກັບຂະແໜງ ທ່ອງທ່ຽວພະແນກຖະແຫຼງຂ່າວ, ວັດທະນະທຳ ແລະທ່ອງທ່ຽວ ແຂວງບໍ່ແກ້ວລົງສຳຫຼວດເກັບກຳຂໍ້ມູນດ້ານການທ່ອງທ່ຽວ 2 ບ້ານ ເປົ້າໝາຍຄື:ບ້ານຫ້ວຍພະລາມ ແລະບ້ານລຳແພນຊຶ່ງນຳໂດຍທ່ານ ທອງຈັນ ອິນທະພອນ ຫົວໜ້າຫ້ອງ ການຖະແຫຼງຂ່າວ, ວັດທະນະທຳແລະທ່ອງທ່ຽວເມືອງ,ທ່ານສະຫວັດແກ້ວດວງຕາຫົວໜ້າຂະແໜງທ່ອງທ່ຽວແຂວງພ້ອມດ້ວຍຄະນະມີບັນດາອຳນາດການປົກ ຄອງບ້ານ, ເຖົ້າແກ່ແນວໂຮມ, ຍິງ ໜຸ່ມ-ຊາຍໜຸ່ມບ້ານຕະຫຼອດຮອດ ຫົວໜ້າຄອບຄົວເຂົ້າຮ່ວມ.ການລົງສຳຫຼວດເກັບກຳຂໍ້ມູນ ແລະສືກສາຄວາມຕ້ອງການຂອງ ປະຊາຊົນທັງ 2 ບ້ານໃນຄັ້ງນີ້ກໍ່ເພື່ອ ເປັນຂໍ້ມູນຮອບດ້ານທີ່ຈະນຳມາສ້າງແຜນການຝຶກອົບຮົມຍົກລະດັບຄວາມຮູ້,ຄວາມສາມາດຂອງພໍ່ແມ່ ປະຊາຊົນພາຍໃນບ້ານສ້າງກິດຈະກຳຕ່າງໆແບບປະຊາຊົນມີສ່ວນຮ່ວມໃຫ້ສາມາດຮອງຮັບການບໍລິ ການໄດ້ແກ່ນັກທ່ອງທ່ຽວທີ່ມາຢ້ຽມຢາມ ໂດຍສະເພາະແມ່ນນັກທ່ອງທ່ຽວລອງເຮືອຕາມລຳແມ່ນໍ້າຂອງ,ສ້າງສິ່ງດຶງດູດໃຫ້ນັກທ່ອງທ່ຽວມີ ຄວາມສົນໃຈ,ມີຄວາມປະທັບໃຈ ແລະສ້າງກິດຈະກຳດ້ານວັດທະນະທຳໃຫ້ນັກທ່ອງທ່ຽວໄດ້ມີສ່ວນຮ່ວມກັບພໍ່ແມ່ປະຊາຊົນທ້ອງຖິ່ນ, ເຮັດໃຫ້ນັກທ່ອງທ່ຽວມາທ່ຽວຊົມບ້ານຂອງຕົນນັບມື້ນັບຫຼາຍຂຶ້ນສ້າງລາຍໄດ້ໃຫ້ກັບປະຊາຊົນຢ່າງບໍ່ຢຸດ ຢັ້ງ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

• 01/07/2019