ມຽນມາເຜົາທຳລາຍຢາເສບຕິດມູນຄ່າ 108 ລ້ານໂດລາ

ຕຳຫຼວດມຽນມາເຜົາທຳລາຍຢາເສບຕິດທີ່ຢຶດມາໄດ້ລວມມູນຄ່າ108 ລ້ານໂດລາສະຫະລັດໃນນະຄອນຢາງກຸ້ງ,ເມືອງມັນທະເລ ແລະຕອງຈີໃນວັນທີ 26 ມິຖຸນາທີ່ຜ່ານມາເນື່ອງໃນວັນຕໍ່ຕ້ານຢາເສບ ຕິດໂລກ.

ຕາມຂ່າວຕ່າງປະເທດລາຍງານວ່າ ວັນທີ 26 ມິຖຸນາທີ່ຜ່ານມາເນື່ອງໃນວັນຕໍ່ຕ້ານຢາເສບຕິດໂລກຕຳຫຼວດມຽນມາໄດ້ເຜົາທຳລາຍຢາເສບຕິດທີ່ຢຶດມາໄດ້ລວມມູນຄ່າ 108 ລ້ານໂດລາ, ມຽນມາຊຶ່ງມີແນວຊາຍແດນຕິດກັບ ສປ ຈີນ, ໄທ ແລະບັງກາລາເທດຕ້ອງຮັບມືກັບ ບັນຫາດ້ານການຄ້າແລະຜະລິດຢາເສບຕິດທີ່ຜິດກົດໝາຍຕາມແນວຊາຍ ແດນມຽນມາຍັງເປັນແຫຼ່ງຜະລິດເຮໂຣອິນລາຍໃຫຍ່ອັນດັບ 2  ແລະແຫຼ່ງຜະລິດຢາບ້າລາຍໃຫຍ່ສຸດໃນພາກພື້ນອາຊີຕາເວັນອອກສຽງໃຕ້ສ່ວນໃຫຍ່ຢູ່ຕາມຊາຍແດນນອກເໜືອການຄວບຄຸມຂອງລັດຖະບານມຽນມາ.

ສຳນັກງານຢາເສບຕິດ ແລະອາຊະຍາກຳແຫ່ງສະຫະປະຊາຊາດລາຍງານວ່າການປູກຝິ່ນໃນມຽນມາຫຼຸດລົງໃນປີ 2017 ຂະນະທີ່ ຄວາມຕ້ອງການຢາເສບຕິດປ່ຽນຮູບແບບມາເປັນຢາເສບຕິດສັງເຄາະ ຫຼາຍຂຶ້ນ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

• 28/06/2019