ຈຸງຢາງອີຊີ ຊີມັງລາວສຳປະທານດິນ 63 ກວ່າເຮັກຕາ

 ເພື່ອສືບຕໍ່ຂະຫຍາຍກິດຈະການຜະລິດຊີມັງລາວຢູ່ແຂວງສາລະວັນ ໃຫ້ເຕີບໂຕ ແລະມີການຂະຫຍາຍຕົວຂຶ້ນເລື້ອຍໆທາງດ້ານປະລິມານ ແລະຄຸນນະພາບແນໃສ່ຕອບສະໜອງໃຫ້ແກ່ສັງຄົມຢ່າງທົ່ວເຖິງທັງເປັນທີ່ຍອມຮັບຂອງສັງຄົມ ແລະ ການຂະຫຍາຍຜະລິດຕະພັນຕ່າງໆຂອງບໍລິສັດໃຫ້ໄດ້ຈຳໜ່າຍຢ່າງກວ້າງຂວາງທັງພາຍໃນ ແລະ ຕ່າງປະເທດ.

ທ່ານ ລີຢຽນຫົວ ປະທານບໍລິສັດຈຸງ ຢາງອີຊິຊີມັງລາວຈຳກັດໄດ້ລາຍງານແຜນການຈັດຕັ້ງປະຕິບັດໂດຍສະເພາະການຂະຫຍາຍກິດຈະການກໍ່ສ້າງໂຮງງານຊີມັງ, ໂຮງ ງານໄຟຟ້າຖ່ານຫີນ, ສ້າງເຮືອນພັກກຳມະກອນ ແລະ ອື່ນໆໃນເນື້ອທີ່ດິນທັງໝົດ 63 ກວ່າເຮັກຕາ, ຢູ່ເຂດບ້ານນາຄູແລະບ້ານຕົ້ງຊວຍເມືອງສາລະວັນ, ໄລຍະສໍາປະ ທານ 18 ປີ ເລີ່ມແຕ່ປີ 2018 ເຖິງປີ 2036 ມີມູນຄ່າການລົງທຶນທັງໝົດ 20 ລ້ານໂດລາສະຫະລັດ ແລະ ມີທຶນຈົດທະບຽນເບື້ອງຕົ້ນ 5 ແສນໂດລາສະຫະລັດ ໃນນັ້ນຄ່າເຊົ່າສຳປະ ທານ 200 ໂດລາຫະລັດຕໍ່ເຮັກຕາຕໍ່ປີ. ໂດຍປະຕິບົດຕາມຂໍ້ຕົກລົງສະບັບເລກທີ 371/ຈຂ.ສວ ສາລະວັນ ວັນທີ 14 ມີຖຸ ນາ 2019 ຕົກລົງອະນຸມັດເນື້ອທີ່ດິນລັດໃຫ້ບໍລິສັດ ຈຸງຢາງອິຊິຊີມັງລາວ ຈຳກັດຜູ້ດຽວເປັນຜູ້ສຳປະທານ

  ພິທີເຊັນສັນຍາໄດ້ຈັດຂຶ້ນໃນວັນທີ 25 ມິຖຸນານີ້ຢູ່ພະແນກແຜນການ ແລະ ການລົງທຶນແຂວງສາລະວັນ, ຝ່າຍຄະນະກຳມະການສົ່ງເສີມ ແລະຄຸ້ມຄອງການລົງທຶນຂັ້ນແຂວງເຊັ່ນໂດຍທ່ານ ບຸນເຮັ່ງ ໄຊຍະເສນ ຮອງຫົວໜ້າພະແນກແຜນການ ແລະການລົງທຶນ, ທ່ານ ວຽງສະໄໝ ສໍອ້ອຍທິບ ຮອງເຈົ້າເມືອງສາລະວັນ, ຝ່າຍບໍລິ ສັດ ທ່ານ ລີຢຽນຫົວ ປະທານບໍລິສັດ ຈຸງຢາງອີຊີ ຊີມັງລາວຈໍາກັດພ້ອມດ້ວຍພະແນກການທີ່ກ່ຽວຂ້ອງໂດຍຊ່ອງໜ້າ ທ່ານ ວິຊຽນ ນະວິກຸນ ຮອງເຈົ້າແຂວງໆ ສາລະວັນຜູ້ຊີ້ນຳວຽກງານເສດຖະກິດຕະຫຼອດຮອດຕາງໜ້າພະແນກການທີ່ກ່ຽວຂ້ອງຂັ້ນແຂວງ ແລະຂັ້ນເມືອງເຂົ້າຮ່ວມເປັນສັກຂີພິຍານ.

ຂຽນໂດຍ: ວິໄລວອນ ສິດທິໄຊ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์