ຊົງຈຸງກິ-ຊົງເຮຄຽວຟ້ອງຢ່າຮ້າງກັນແລ້ວ

ຄູ່ຮັກແຫ່ງວົງການບັນເທິງ ສ ເກົາຫຼີ ແລະຄູ່ຈິ້ນໃນຕໍານານຈາກຊີຣີເລື່ອງ Descendants Of The Sun ປະກາດແຍກທາງ ແລະຟ້ອງຢ່າທ່າມກາງຄວາມຕົກໃຈຂອງແຟນໆຊີຣີທົ່ວໂລກ.

ຫຼັງຈາກທີ່ມີຂ່າວລືອອກມາກ່ຽວກັບຄວາມສຳພັນຂອງຄູ່ຮັກຊົງຈຸງກິແລະຊົງເຮຄຽວວ່າບໍ່ເໝືອນເດີມພ້ອມທັງຍັງບໍ່ໃສ່ແຫວນແຕ່ງດອງເວລາໄປໄສມາໄສວັນນີ້ມີຂ່າວສຸດສະເທືອນໃຈສຳລັບແຟນໆຂອງທັງສອງວ່າໄດ້ແຍກທາງກັນຮຽບຮ້ອຍແລ້ວຫຼັງຈາກແຕ່ງດອງມາໄດ້ 1 ປີ 8 ເດືອນຈົບ ຕຳນານຮັກຊຸບຕາ ສ ເກົາຫຼີ.

ວັນທີ 27 ມິຖຸນາ ທະນາຍຄວາມຂອງຊົງຈຸງກິປະກາດຢ່າງເປັນທາງການວ່າຊົງຈຸງກິນັກສະແດງຊື່ດັງຂອງ ສ ເກົາຫຼີອາຍຸ 33 ປີຟ້ອງຢາພັນລະຍາຄືຊົງເຮຄຽວນັກສະແດງຍິງຍອດນິຍົມອາຍຸ 37ປີ ທີ່ສານຄອບຄົວຢູ່ທີ່ນະຄອນຫຼວງເຊອູນໃນວັນທີ 26 ມິຖຸນາທີ່ຜ່ານມາພ້ອມທັງເປີດເຜີຍຖະແຫຼງການຂອງນັກສະແດງໜຸ່ມຕໍ່ແຟນໆ ແລະສາທາລະນະເພື່ອອະທິບາຍວ່າການຢ່າຮ້າງກັນໃນຄັ້ງນີ້ບໍ່ມີຄວາມບາດໝາງຕໍ່ກັນຊົງຈຸງກິກ່າວວ່າກ່ອນອື່ນຂ້ອຍຢາກຈະຂໍໂທດທີ່ຕ້ອງອອກມາບອກ ຂ່າວຮ້າຍນີ້ກັບແຟນໆທີ່ໃຫ້ຄວາມຮັກ ແລະເບິ່ງແຍງຂ້ອຍມາໂດຍ ຕະຫຼອດຂ້ອຍກຳລັງເລີ່ມຕົ້ນຂະບວນການຢ່າຮ້າງກັບຊົງເຮຄຽວຂ້ອຍຫວັງວ່າການຢ່າຮ້າງຂອງເຮົາຈະຈົບລົງດ້ວຍມິດຕະພາບຂ້ອຍຢາກໃຫ້ທຸກຄົນເຂົ້າໃຈຄວາມຈິງນີ້ທີ່ອາດຈະຍາກຕໍ່ການອະທິບາຍເຖິງລາຍລະອຽດສ່ວນຕົວຂອງເຮົາແລະຂ້ອຍຈະຊົດໃຊ້ຄວາມເຈັບປວດນີ້ເຮັດໜ້າທີ່ນັກສະແດງທີ່ດີຕອບແທນທຸກຄົນດ້ວຍການສ້າງຜົນງານທີ່ດີໃນອະ ນາຄົດ.

ພາບ ແລະຂາ່ວຈາກໜັງສືພິມເສດຖະກິດ-ສັງຄົມ

แชร์