ຄຳມ່ວນ ມີນັກສອບເສັງຈົບຊັ້ນ ມ7 ທັງໝົດ 3,7 ພັນຄົນ

ໂດຍລວມແລ້ວບັນຍາກາດໃນມື້ສອບເສັງຈົບຊັ້ນ ມ7 ສົກ ປີ 2018-2019.ສະເພາະຢູ່ ແຂວງຄຳມ່ວນ ແມ່ນມີບັນຍາກາດຄຶກຄື້ນ, ນັກຮຽນທຸກຄົນແມ່ນມີຄວາມຕື່ນຕົວເຂົ້າມາຮ່ວມສອບເສັງທັນໂມງ, ທັນເວລາ, ມີຄວາມ ເປັນລະບຽບຮຽບຮ້ອຍປະຕິບັດກົດລະບຽບຂອງການສອບເສັງ ຢ່າງເຂັ້ມງວດ.ການສອບເສັງຈົບຊັ້ນມັດທະຍົມສຶກສາຕອນປາຍ ມ7 ໄດ້ຈັດຂຶ້ນໃນຕອນເຊົ້້າວັນທີ 25 ມິຖຸນາ 2019 ເປັນກຽດເຂົ້າ ຮ່ວມຕັດຫົວບົດສອບເສັງ ໂດຍ ທ່ານ ຄໍາສີ ອຸດທິວົງ ຮອງເຈົ້າ ແຂວງໆຄຳມ່ວນ,ຜູ້ຊີ້ນຳ ແລະຕັດ ສິນຜົນການສອບເສັງສາຍສາມັນ ສຶກສາ, ທ່ານ ສີໄຮ່ ແກ້ວໄກຖິ່ນຫົວໜ້າພະແນກສຶກສາທິການ ແລະ ກີລາແຂວງ,ຕະຫຼອດຮອດບັນດາຄະນະກຳມະການ,ຄູ-ອາຈານທີ່ ກ່ຽວຂ້ອງເຂົ້າຮ່ວມ.

ການສອບເສັງຈົບຊັ້ນມັດທະ ຍົມຕອນປາຍ ມ7 ເອກະພາບທົ່ວ ປະເທດໃນຄັ້ງນີ້ປະກອບມີວິຊາ:                                             ພາສາລາວ-ວັນນະຄະດີ, ເຄມີສາດ, ຄະນິດສາດ ແລະວິຊາປະ ຫວັດສາດ. ທົ່ວແຂວງຄຳມ່ວນ ມີ 16 ສູນສອບເສັງຄື : ສູນ ມປ ທ່າ ແຂກ, ມິດຕະພາບ, ມສ ດົງໃຕ້, ມສ ຂົວໂດນ, ມສ ນາໂດນ, ມສ ມະຫາໄຊ, ມປ ໜອງບົກ, ມສ ນາ ວາງ, ມສ ຫີນບູນໃຕ້, ມສ ຫີນບູນມສ ຍົມມະລາດ, ມສ ບົວລະພາ, ມປ ນາກາຍ, ມສ ເຊບັ້ງໄຟ, ມສ ສີວິໄລ ແລະມສ ເທິນຫິນບູນ. ມີ ຈຳນວນນັກຮຽນທັງໝົດ 3.760 ຄົນ, ຍິງ 1.855 ຄົນ, ມີຫ້ອງສອບ ເສັງ 182 ຫ້ອງ ແລະມີໂຮງຮຽນ 61 ແຫ່ງເຂົ້າຮ່ວມສອບເສັງ ຊຶ່ງ ຈະໃຊ້ເວລາໃນການສອບເສັງ2 ວັນ, ນັບແຕ່ວັນທີ 25 -26 ມິຖຸ ນາ 2019 ຈຶ່ງຈະສຳເລັດ.

 ພາບ ແລະຂາ່ວຈາກໜັງສືພິມເສດຖະກິດ-ສັງຄົມ

แชร์