ກາແດງລາວສ້າງຄວາມເຂັ້ມແຂງໃຫ້ພະນັກງານ

  ໃນລະຫວ່າງວັນທີ 24-27 ມິຖຸນາ 2019 ອົງການກາແດງລາວໄດ້ຈັດຝຶກອົບຮົມກ່ຽວກັບການຂຽນການແຜນການ ແລະ ງົບໃຫ້ແກ່ພະນັກງານກາແດງທີ່ມາຈາກແຂວງຕ່າງໆເຊັ່ນ: ແຂວງບໍລິຄຳໄຊ, ຊຽງຂວາງ, ຫົວພັນ ແລະແຂວງວຽງຈັນ ຊຶ່ງມີຜູ້ເຂົ້າ ຮ່ວມທັງໝົດ 31 ທ່ານ ຍິງ 11 ທ່ານ ໂດຍເປັນການເຂົ້າຮ່ວມຂອງ ທ່ານ ດຣ. ສິງ ເມໂນລາດ ຮອງປະທານອົງການກາແດງລາວ, ທ່ານ ຄອນສະຫວັນ ຈັນທະຄາມ ຫົວໜ້າຫ້ອງການອົງການກາແດງລາວ, ມີນັກວິທະຍາກອນມາຈາກສະຫະພັນກາແດງ ແລະຊີກວົງເດືອນແດງສາກົນ (ifrc) ເຂົ້າຮ່ວມ.

 ການຈັດຊຸດຝຶກອົບຮົມໃນຄັ້ງນີ້ເພື່ອສ້າງຄວາມເຂັ້ມແຂງໃຫ້ແກ່ພະນັກງານອົງການກາແດງລາວໃນການຂຽນບົດສະເໜີໂຄງການ ແລະການວາງແຜນການປະຕິບັດໂຄງການ, ເພື່ອສ້າງເງື່ອນໄຂໃຫ້ແກ່ພະນັກງານອົງການກາແດງລາວສາມາດຂຽນບົດສະເໜີໂຄງການເພື່ອຂໍງົບປະມານຈາກພາກສ່ວນຕ່າງໆ ເພື່ອມາຈັດຕັ້ງປະຕິບັດວຽກງານກາແດງລາວໃນອະນາຄົດ ແລະເພື່ອເຮັດໃຫ້ການປະຕິບັດວຽກງານກາແດງລາວມີການພັດທະນາຍິ່ງໆຂຶ້ນ.

ພາຍຫຼັງຜ່ານການຝຶກອົບຮົມສຳເລັດແລ້ວຈະເຮັດໃຫ້ພະນັກງານໄປນຳໃຊ້ໃນໜ້າທີີ່ວຽກງານຂອງຕົນຢ່າງມີປະສິດທິພາບວິຊາການອົງການກາແດງລາວ ແລະ ອົງການກາແດງແຂວງໄດ້ພັດທະນາຄວາມຮູ້ຄວາມສາມາດຂອງຕົນເປັນຕົ້ນແມ່ນຈະສາມາດກຳນົດອົງປະກອບຂອງບົດສະເໜີໂຄງການ, ວາງແຜນການ ແລະອອກແບບການຈັດຕັ້ງປະຕິບັດໂຄງການໄດ້ຢ່າງມີປະສິດທິພາບຍິ່ງຂຶ້ນ.

ຂຽນໂດຍ: ວົງມະນີ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์