ໂຮງຮຽນສະຖາພອນ ສະຫຼຸບສົກຮຽນ 2018-2019

     ໃນວັນທີ 25 ມິຖຸນາ ຜ່ານມາທີ່ຫໍວັດທະນະທຳແຫ່ງຊາດນະຄອນຫຼວງວຽງຈັນໂຮງຮຽນສະຖາພອນໄດ້ຈັດພິທີສະຫຼຸບຜົນການຈັດຕັ້ງ ປະຕິບັດການສຶກສາສົກຮຽນ 2018-2019 ໂດຍເປັນກຽດເຂົ້າຮ່ວມຂອງທ່ານຄຳພົນ ໄຊຍະເພັດ ຮອງ ຫົວໜ້າສຶກສາເມືອງສີສັດຕະນາກ ແລະທ່ານ ນາງ ສຸກສະຖາພອນ ສູນທະວົງ ຜູ້ອຳນວຍການໂຮງຮຽນສະຖາພອນ, ພ້ອມດ້ວຍພະນັກງານ, ຄູ-ອາຈານ, ພໍ່ແມ່ຜູ້ປົກຄອງ ແລະ ນ້ອງນັກຮຽນເຂົ້າຮ່ວມ.

ທ່ານ  ນາງ ສຸກສະຖາພອນສູນທະວົງຜູ້ອຳນວຍການໂຮງຮຽນສະຖາພອນໃຫ້ຮູ້ວ່າ:ການຈັດຕັ້ງປະຕິບັດການສຶກສາສົກຮຽນ 2018-   2019 ວຽກງານການສຶກສາໄດ້ມີ ການຂະຫຍາຍຕົວດ້ານປະລິມານ ແລະຄຸນນະພາບເມື່ອທຽບໃສ່ສົກ ຮຽນປີທີ່ຜ່ານມາ,ການສຶກສາໄດ້ ຮັບການພັດທະນາຕາມ 3 ລັກສະນະ 5 ຫຼັກມູນຂອງການສຶກສາ ແລະ3 ຂໍ້ແຂ່ງຂັ້ນຂອງກະຊວງສຶກສາທິການ ແລະກີລາ,ພັດທະນາທັງຄູ-ອາຈານ, ພະນັກງານ ແລະນ້ອງນັກ ຮຽນໃຫ້ມີທັດສະນະຄຸນສົົມບັດສິນ ທຳປະຕິວັດ, ຮັກຄວາມກ້າວໜ້າ ແລະພັດທະນາທາງສະຕິປັນຍາ ຮອບດ້ານໄປຄຽງຄູ່ກັບການຮຽນ-ການສອນທາງດ້ານທິດສະດີນອກ ນີ້ຍັງມີການປະຕິບັດຕົວຈິງຕາມ ເງື່ອນໄຂຕັ້ງແຕ່ຊັ້ນອະນຸບານເຖິງ ຊັ້ນມັດທະຍົມຕອນຕົ້ນເປັນຕົ້ນແມ່ນການລົງຕົວຈິງທີ່ກ່ຽວກັບວິຊາຮຽນ,ການເຄື່ອນໄຫວສິລະປະກີລາ, ອະ ນາໄມ,ອອກແຮງງານປູກຕົ້ນໄມ້ຕົ້ນ ໄມ້ປະດັບ, ປູກຜັກຊະນິດຕ່າງໆເພື່ອ ໃຫ້ນັກຮຽນໄດ້ສຶກສາຫາຄວາມຮູ້.

ໃນປີ 2018-2019 ໂຮງຮຽນສະຖາພອນສາມາດສອບເສັງເລື່ອນ ຂັ້ນ ແລະຈົບຊັ້ນໄດ້ 100% ພ້ອມທັງສ້າງໄດ້ນັກຮຽນເກັ່ງຊັ້ນອັນດັບທີ 2 ຂັ້ນເມືອງ ແລະລາງ ວັນຊົມເຊີຍຂັ້ນນະຄອນຫຼວງ ຊັ້ນ ປ.5 ຈຳນວນ 1 ນ້ອງ, ຍິງ 1 ນ້ອງ.ໂຮງຮຽນສະຖາພອນມີນ້ອງນັກ ຮຽນທັງໝົດ 1041 ນ້ອງ, ຍິງ 499 ນ້ອງ ໃນນັ້ນ ຊັ້ນນຸບານມີ 233 ນ້ອງ, ຍິງ 109 ນ້ອງ,ຊັ້ນປະຖົມມີ  47 ນ້ອງ,  ຍິງ 222  ນ້ອງ,ຊັ້ນມັດທະຍົມມີ 332 ນ້ອງ, ຍິງ 168  ນ້ອງ ສາມາດສອບເສັງເລື່ອນຂັ້ນ ແລະຈົບຊັ້ນໄດ້ 100%; ນອກຈາກນີ້ຍັງສ້າງໄດ້ນັກຮຽນເກັ່ງອັນ ດັບທີ 2 ຂັ້ນເມືອງ ແລະລາງວັນ ຊົມເຊີຍຂັ້ນນະຄອນຫຼວງຊັ້ນ ປ.5 ຈຳນວນ 1 ນ້ອງ, ຍິງ 1 ນ້ອງ, ສ່ວນຊັ້ນ ມ.4 ໄດ້ສົ່ງນັກຮຽນເຂົ້າເສັງນັກຮຽນເກັ່ງຈຳນວນ 9 ນ້ອງ,ຍິງ 9 ນ້ອງ ແລະສາມາດຍາດໄດ້ ອັນດັບທີ 2 ວິຊາພາສາລາວ-ວັນນະຄະດີຂັ້ນນະຄອນຫຼວງ, ພ້ອມກັນນັ້ນຍັງໄດ້ມອບໃບຍ້ອງຍໍໃຫ້ນັກ ຮຽນທີ່ມີການຮຽນດີເດັ່ນຊັ້ນປະຖົມ ຈຳນວນ 79 ນ້ອງ, ຍິງ 61 ນ້ອງ.

ສຳຫຼັບແຜນງານປັບປຸງຄຸນນະພາບແລະຄວາມສອດຄ່ອງການສຶກສາເປັນຕົ້ນແມ່ນການພັດທະນາຄູ, ການບັນຈຸ, ການຊັບຊ້ອນຄູໃນແຕ່ລະຊັ້ນ,ການພັດທະນາຄູ ນີ້ເຫັນວ່າເປັນບັນຫາສຳຄັນຕົ້ນຕໍ່ໃນການຈັດການຮຽນ-ການສອນ ໃນລະບົບການສຶກສາດັ່ງນັ້ນໂຮງ ຮຽນສະຖາພອນກໍຍັງໄດ້ເອົາໃຈໃສ່ປັບປຸງກໍ່ສ້າງບຳລຸງຄູ-ອາຈານສອນຢ່າງເປັນປະຈຳແລະການພັດທະນາຫຼັກສູດຕັ້ງແຕ່ຊັ້ນອະນຸບານຈົນເຖິງຊັ້ນມັດທະຍົມເປັນຕົ້ນແມ່ນຫຼັກສູດພາສາອັງກິດ,ຫຼັກສູດວິຊາຄອມພິວເຕີ,ໄດ້ປັບປຸງ ການສອນຕາມແຕ່ລະວິຊາຂອງ ແຕ່ລະຊັ້ນຮຽນ ເພື່ອເຮັດໃຫ້ຖືກຕ້ອງ ແລະສອດຄ່ອງກັບເນື້ອໃນສະພາບຄວາມເປັນຈິງໃນແຕ່ລະໄລຍະຂອງ ແຕ່ລະເດືອນ,ແຕ່ລະພາກ,ນິເທດສຶກສາຕິດຕາມກວດກາ,ປັບປຸງ,ຊຸກຍູ້, ແນະນຳແລະຊ່ວຍເຫຼືອໃນການຈັດການຮຽນ-ການສອນໃນແຕ່ລະຂັ້ນ, ແຕ່ລະຊັ້ນເພື່ອຮັບປະ ກັນດ້ານວິຊາສະເພາະໃຫ້ມີຄຸນນະພາບແລະປະສິດທິພາບທັງພາຍໃນ ແລະພາຍນອກ.

ນອກຈາກນີ້ທາງໂຮງຮຽນສະຖາພອນຍັງມີການສົ່ງເສີມນັກຮຽນເກັ່ງ ແລະຄູດີເດັ່ນໄດ້ເອົາໃຈໃສ່ ແລະປະຕິບັດນະໂຍບາຍຕໍ່ນັກຮຽນເກັ່ງ,ຄູສອນດີເດັ່ນ,ຫ້ອງຮຽນເດັ່ນ,ຊັ້ນຮຽນດີເດັ່ນ, ຜູ້ປົກຄອງ,ນັກຮຽນດີນັກຮຽນເກັ່ງດ້ວຍຮູບການຍ້ອງຍໍຊົມເຊີຍດ້ານຂອງ ຂວັນລາງວັນຕາມເງື່ອນໄຂໃນແຕ່ລະເດືອນ, ແຕ່ລະພາກຮຽນ ແລະ ແຕ່ລະສົກຮຽນອີກດ້ວຍ.

ພາບ ແລະຂາ່ວຈາກໜັງສືພິມເສດຖະກິດ-ສັງຄົມ

แชร์