ອຸດົມໄຊວາງ 12 ມາດຕະການ ຊຸກຍູ້ເກັບລາຍຮັບບັນລຸ 129 ຕື້ກີບ

  ປີນີ້ແຂວງອຸດົມໄຊໄດ້ຮັບຕົວເລກຈັດເກັບລາຍຮັບເຂົ້າງົບປະມານທັງໝົດ 129,29 ຕື້ກີບ, ໃນນັ້ນລາຍຮັບພູດສູນກາງ 17 ຕື້ກີບ ແລະລາຍຮັບພູດທ້ອງຖິ່ນ 112,29 ຕື້ກີບ, ດັ່ງນັ້ນເພື່ອໃຫ້ບັນລຸເປົ້າທີ່ໄດ້ຮັບມອບໝາຍແຂວງອຸດົມໄຊ ໄດ້ວາງ  12 ມາດຕະການ. 

   ທ່ານ ບຸນໄສ ພົມມະວົງ ຮອງຫົວໜ້າພະແນກການເງິນແຂວງອຸດົມໄຊ ໃຫ້ຮູ້ວ່າ: ປີ 2019 ທົ່ວແຂວງອຸດົມໄຊໄດ້ຮັບແຜນຈັດເກັບລາຍຮັບທັງໝົດ 12 9,29 ຕື້ກີບທຽບໃສ່ແຜນປີ 2018 (ແຜນດັດແກ້) ຫຼຸດລົງ 6% ເທົ່າກັບ 8,13 ຕື້ກີບໃນນີ້: ລາຍຮັບພູດສູນກາງ 17 ຕື້ກີບທຽບໃສ່ປີຜ່ານມາເພີ່ມຂຶ້ນ 17,15%, ເທົ່າກັບ 2,49 ຕື້ກີບ ແລະລາຍຮັບພູດທ້ອງຖິ່ນ 112,29 ຕື້ກີບ ທຽບໃສ່ແຜນດັດແກ້ປີຜ່ານ ມາຫຼຸດລົງ 8,64% ເທົ່າກັບ 10,62 ຕື້ກີບ. ຜ່ານການຈັດຕັ້ງປະຕິບັດ ຕົວຈິງ ໃນ 5 ເດືອນຕົ້ນປີ 2019 ສາມາດຈັດເກັບລາຍຮັບເຂົ້າງົບ ປະມານໄດ້ 39,80 ຕື້ກີບ ເທົ່າກັບ 30,79% ໃນນີ້: ລາຍຮັບພູດສູນກາງປະຕິບັດໄດ້ 3,15 ຕື້ກີບ ເທົ່າ ກັບ 18,57% ແລະລາຍຮັບທ້ອງຖິ່ນ 36,65 ຕື້ກີບ ເທົ່າກັບ 32,64%. 

 ຮອງຫົວໜ້າພະແນກການເງິນແຂວງອຸດົມໄຊໃຫ້ຮູ້ຕື້ມວ່າ: ເພື່ອບັນລຸຄາດໝາຍພະແນກການເງິນ ແຂວງອຸດົມໄຊ ໄດ້ວາງ 12 ມາດຕະການໃນການຊຸກຍູ້ເກັບລາຍ ຮັບຄື: 1) ຮັບປະກັນການເກັບລາຍຮັບປະຈຳປີ 2019 ໃຫ້ມີປະສິດທິ ຜົນສູງ, ຖືກຕ້ອງ, ຄົບຖ້ວນ, ທັນຕາມກໍານົດເວລາ ແລະສູ້ຊົນຈັດ ເກັບລາຍຮັບບັນລຸຕາມຕົວເລກຄາດໝາຍທີ່ກຳນົດໄວ້ໃນແຕ່ລະດ້ານ; ປັບປຸງກົນໄກການຄຸ້ມຄອງເກັບລາຍຮັບໃຫ້ມີປະສິດທິພາບກວ່າເກົ່າໂດຍເລີ່ມຈາກປັບປຸງ ການຈັດຕັ້ງ, ປັບປຸງກົນໄກການບໍລິການ ແລະການຄຸ້ມຄອງຜູ້ເສຍອາກອນໃຫ້ສອດຄ່ອງຕາມລະບຽບກົດໝາຍກຳນົດ. 2) ປັບປຸງກົນໄກ, ຂັ້ນຕອນ ແລະການບໍລິການເພື່ອເຮັດໃຫ້ການດໍາເນີນທຸລະກິດ ແລະ ການປະຕິບັດພັນທະເຂົ້າງົບປະມານມີຄວາມໂປ່ງໃສ,ວ່ອງໄວ ແລະ ມີປະສິດທິຜົນໂດຍການຫັນວຽກງາ ນຈັດເກັບລາຍຮັບເຂົ້າສູ່ການຄຸ້ມຄອງດ້ວຍເຄື່ອງມືທັນສະໄໝນັບມື້ນັບຄົບຖ້ວນຕາມເງື່ອນໄຂເທື່ອລະກ້າວ; ປຸກລະດົມສັງຄົມ-ຜູ້ປະກອບການໃຫ້ມີຄວາມຕື່ນ ຕົວເສຍພັນທະ ໂດຍມອບຜ່ານລະ ບົບທະນາຄານດ້ວຍຕົນເອງຫຼາຍ ຂຶ້ນ. 3) ດໍາເນີນການສໍາຫຼວດຖານ ຂໍ້ມູນຫົວໜ່ວຍທຸລະກິດເປັນຕົ້ນ: ການຕໍ່ທະບຽນ, ຂຶ້ນໃໝ່ ຫຼື ຢຸດເຊົາ ຢ່າງລະອຽດ ແລະ ອອກໃບຢັ້ງຢືນ ການມອບພັນທະໃຫ້ຖືກຕ້ອງ, ທັນ ກໍານົດເວລາ, ເປັນບ່ອນອີງໃຫ້ແກ່ ການກໍານົດມາດຕະການຍົກຖານອາກອນມອບເໝົາໄປສູ່ລະບົບການ ຖືບັນຊີ ແລະກ້າວເຂົ້າສູ່ລະບົບອາ ກອນມູນຄ່າເພີ່ມຕໍ່ກັບບັນດາຫົວໜ່ວຍທຸລະກິດທີ່ມີລາຍຮັບ 400 ລ້ານກີບຂຶ້ນໄປ.

ສໍາລັບມາດຕະການ 4) ແມ່ນ ເອົາໃຈໃສ່ເຄື່ອນໄຫວ, ຄຸ້ມຄອງ, ກວດກາການຈັດເກັບລາຍຮັບນໍາ ເຂົ້າ-ສົ່ງອອກສິນຄ້າ ຜ່ານດ່ານພາ ສີທ້ອງຖິ່ນພູຫຼັກຄໍາຢ່າງເຂັ້ມງວດ; ຕ້ານ ແລະສະກັດກັ້ນການລັກ ລອບສິນຄ້າໜີພາສີ, ການຄ້າຂາຍ ເຖື່ອນ ໂດຍສະເພາະພາຫະນະນໍາ ເຂົ້າບໍ່ຖືກຕ້ອງ; ຕິດຕາມກວດກາ ຄືນພາຫະນະ, ກົນຈັກໜັກທີ່ນໍາ ເຂົ້າໃນຮູບການຍົກເວັ້ນ, ງົດເກັບ ແລະຫຼຸດຜ່ອນພາສີຂອງໂຄງການ ລົງທຶນຕ່າງໆທີ່ໄດ້ປ່ຽນກໍາມະສິດ ຫຼືນໍາໃຊ້ບໍ່ຖືກເປົ້າໝາຍມາດໍາເນີນຄະດີ. 5) ເສີມຂະຫຍາຍການນໍາໃຊ້ໃບເກັບເງິນຢ່າງກວ້າງຂວາງຖືກຕ້ອງຕາມດໍາລັດເລກທີ 12/ນຍ ໃຫ້ພາກລັດ ແລະເອກະຊົນຫຼີກລ້ຽງການນໍາໃຊ້ໃບບິນທີ່ຈັດພິມເອງຂອງພາກລັດ ແລະເອກະຊົນ, ພ້ອມທັງເພີ່ມທະວີການຄຸ້ມຄອງ, ຕິດຕາມ, ກວດກາການເກັບຄ່າທໍານຽມ, ຄ່າບໍລິການ ແລະ ຄ່າປັບໃໝ ນໍາພະແນກການອ້ອມຂ້າງແຂວງຕາມລັດຖະບັນຍັດເລກທີ 003/ປປທ ໃຫ້ມີຄວາມເປັນເອກະພາບໃນທົ່ວແຂວງ. 6) ຄົ້ນຄ້ວານໍາສະເໜີນະໂຍບາຍການຄຸ້ມຄອງ, ຕິດຕາມ,ກວດກາ,ກໍານົດມາດຕະການໃນການປະຕິບັດພັນທະ,ການໃຫ້ນະໂຍບາຍດ້ານພາສີ,ອາກອນຂອງບັນດາຫົວໜ່ວຍທຸລະກິດພາຍໃນ ແລະຕ່າງປະເທດຕາມລະບຽບກົດໝາຍເພື່ອຊຸກຍູ້ ແລະອໍານວຍຄວາມສະດວກຕໍ່ບັນດາຫົວໜ່ວຍທຸລະກິດລົງທຶນໃຫ້ຫຼາຍຂຶ້ນ.

  ສ່ວນມາດຕະການທີ 7) ເພີ່ມ ທະວີເອົາໃຈໃສ່ຄຸ້ມຄອງການຈັດເກັບລາຍຮັບຈາກຄ່າຊັບພະຍາກອນທໍາມະຊາດ (ຫີນ, ດິນດໍາ, ດິນແດງ, ແຮ່, ເຄື່ອງປ່າຂອງດົງ ແລະຊັບພະຍາກອນນໍ້າ), ຄ່າ ພາກຫຼວງ ໃຫ້ຄົບຖ້ວນ. 8) ສ້າງ ກົນໄກປະສານງານ ແລະ ກໍານົດ ມາດຕະການເກັບລາຍຮັບຈາກຊັບສິນ ແລະການຂາຍເຄື່ອງຮິບທີ່ສານຕັດສິນເປັນຂອງລັດເພື່ອມອບລວມສູນເຂົ້າງົບປະມານຂອງລັດ. 9) ເກັບກໍາ ແລະ ຂຶ້ນທະບຽນບັນຊີຊັບສົມບັດຂອງລັດໃຫ້ຖືກ ຕ້ອງ, ຊັດເຈນຕາມເປົ້າໝາຍການນໍາໃຊ້ໃນພະແນກການ ແລະຂະແໜງການຕ່າງໆ ທີ່ນໍາໃຊ້ງົບປະມານຂອງລັດ 10) ເພີ່ມທະວີການປະສານງານຮ່ວມມືກັບຂະ ແໜງ ຊັບພະຍາກອນທໍາມະຊາດ ແລະ ສິ່ງແວດລ້ອມຂັ້ນແຂວງ, ເມືອງ ເພື່ອເອົາຂໍ້ມູນຈຳນວນຕອນດິນ, ສັນຍາການເຊົ່າ, ສໍາປະທານ, ເປັນບ່ອນອີງເລັ່ງທວງ-ຈັດເກັບພາ ສີທີ່ດິນມອບເຂົ້າງົບປະມານ. 11) ເພີ່ມທະວີການປະສານສົມທົບ, ສະເໜີກັບກະຊວງການເງິນຄົ້ນຄວ້າພິຈາລະນາແບ່ງປັນລາຍຮັບໃຫ້ທ້ອງຖິ່ນເປັນຕົ້ນລາຍຮັບຈາກໂຄງການທີ່ສູນກາງຮັບຜິດຊອບແຕ່ມີທີ່ຕັ້ງ ແລະ ຈັດຕັ້ງປະຕິບັດຢູ່ ແຂວງ, ເມືອງ. 12) ນໍາໃຊ້ມາດຕະການຕ່າງໆທີ່ມີຢູ່ໃນລະບຽບ, ກົດໝາຍໃຫ້ເຂັ້ມງວດ, ຈັດເກັບ ແລະ ຂຸດຄົ້ນທຸກແຫຼ່ງລາຍຮັບທີ່ຍັງບົ່ມຊ້ອນເຂົ້າງົບປະມານໃຫ້ໝົດ.

ຂຽນໂດຍ: ກິ່ງລັດຕະນະ 

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์