ຊາວນາແຂວງໄຊຍະຕົກກ້ານາປີສຳເລັດ 84,36%

  ແຂວງໄຊຍະບູລີມີແຜນຜະລິດເຂົ້າ ແລະປູກພືດໃນລະດູຝົນໃນປີນີ້ທັງໝົດ 156.767 ເຮັກຕາ ຄາດຄະເນຜົນຜະລິດ 1,4 ລ້ານກວ່າໂຕນ ໃນນີ້ເຂົ້ານາປີມີແຜນເນື້ອທີ່ 44.767 ເຮັກຕາ ແລະແຜນການປູກພືດ 1,12 ແສນເຮັກຕາ ປະຈຸບັນຕົກກ້າໄດ້ 84,63% ແລະ ປັກດຳໄດ້ 1,4 ແສນເຮັກຕາ.

  ທ່ານ ແສງອາທິດ ລາວ ເບຼຍຢາທໍ່ ຫົວໜ້າຂະແໜງປູກຝັງພະແນກກະສິກຳ ແລະປ່າໄມ້ແຂວງໄຊຍະບູລີໄດ້ໃຫ້ຮູ້ວ່າ: ການຜະລິດລະດູແລ້ງຜ່ານມາມີເນື້ອທີ່ແຜນການ 16.000 ເຮັກຕາ. ຜ່ານການຈັດຕັ້ງປະຕິບັດຕົວຈິງບັນລຸໄດ້ 25.422 ເຮັກຕາ, ເທົ່າກັບ 158,89% ຂອງແຜນການ. ໃນນີ້ການປູກເຂົ້ານາແຊງມີເນື້ອທີ່ແຜນການທັງໝົດ 2.000 ເຮັກຕາ, ສາມາດປະຕິບັດໄດ້ 2.213 ເຮັກຕາ ເທົ່າກັບ 110,66% ຂອງແຜນການ, ຜົນຜະລິດໄດ້ 10.539  ໂຕນກວ່າ ສະມັດຕະພາບ 4,76 ໂຕນຕໍ່ເຮັກຕາ. ນາກະເສດສຸມເນື້ອທີ່ແຜນການ 873 ເຮັກຕາ ປະຕິບັດໄດ້ 942 ເຮັກຕາກວ່າເທົ່າກັບ 111,85% ຜົນຜະລິດໄດ້ທັງໝົດ 4.718 ໂຕນສະເລ່ຍສະ ມັດຕະພາບ 5 ໂຕນຕໍ່ເຮັກຕາ ທຽບໃສ່ປີຜ່ານມາເພີ່ມຂຶ້ນ 578 ເຮັກຕາ, ຜົນຜະລິດເພີ່ມຂຶ້ນ 3.854 ໂຕນ; ສ່ວນການຜະລິດຕ່າງໆແຜນການປູກພືດລະດູແລ້ງທົ່ວແຂວງທັງໝົດ 14.000 ເຮັກຕາ ສາມາດປະຕິບັດໄດ້ທັງໝົດ 23.209 ເຮັກຕາ ເທົ່າກັບ 165,78% ຂອງເນື້ອທີ່ແຜນການ, ຜົນຜະລິດໄດ້ທັງໝົດ 115.918 ໂຕນ, ສະເລ່ຍສະມັດຕະພາບ 4,98 ໂຕນຕໍ່ເຮັກຕາ ທຽບໃສ່ປີຜ່ານມາເນື້ອທີ່ເພີ່ມຂຶ້ນ 37.881 ໂຕນ. ຂະນະທີ່ການຜະ ລິດລະດູຝົນປີ 2019 ແຂວງໄຊຍະບູລີມີແຜນການທັງໝົດ 156.767 ເຮັກຕາ ຄາດຄະເນຜົນຜະລິດ 1.490.512 ໂຕນ. ໃນນີ້ແຜນການຜະລິດເຂົ້າເນື້ອທີ່ 44.767 ເຮັກຕາ, ຄາດຄະເນຜົນຜະລິດ1 86.480 ໂຕນ ແລະແຜນການປູກພືດ 1,12 ແສນເຮັກຕາ ຄາດຄະເນຜົນຜະລິດ 1.304.032 ໂຕນ; ມາຮອດປະຈຸບັນຕົກກ້າໄດ້ 2 ລ້ານກິໂລ ເທົ່າກັບ 84,6 3%  ແລະປັກດຳແລ້ວ 1.496.59 ເຮັກຕາ ເທົ່າກັບ 4,36% ຂອງເນື້ອທີ່ແຜນການ. ສ່ວນການປູກເຂົ້າໄຮ່ເນື້ອທີ່ບໍ່ໃຫ້ເກີນ 10.480 ເຮັກຕາ ສະມັດຕະພາບ 2,19 ໂຕນຕໍ່ເຮັກຕາຄາດຜົນຜະລິດ 22.951 ໂຕນ. ມາຮອດປະຈຸບັນປະຕິບັດໄດ້ 6.793 ເຮັກຕາ ເທົ່າກັບ 64,82% ຂອງແຜນການ.

  ນອກຈາກປູກເຂົ້ານາປີແລ້ວຊາວກະສິກອນທົ່ວແຂວງໄຊຍະບູລີຍັງໄດ້ປູກພືດຕ່າງໆເພື່ອບໍລິໂພກ ແລະ ເປັນສິນຄ້າຕາມແຜນການ1 12.000 ເຮັກຕາ, ຄາດຄະເນຜົນ ຜະລິດ 1.304.032 ໂຕນ, ຜະລິດພືດເປັນສິນຄ້າໃຫ້ໄດ້ 1,2 ລ້ານກວ່າໂຕນ. ໃນນີ້ມີສາລີແຂງ 40.356 ເຮັກຕາ, ຄາດຄະເນຜົນຜະລິດ 217.979 ໂຕນ; ມັນຕົ້ນ 27.436 ເຮັກຕາ, ຄາດຄະເນຜົນຜະລິດ 898.930 ໂຕນ; ໝາກເດີຍ 24.880 ເຮັກຕາ ຄາດຄະເນຜົນຜະລິດ 77.476 ໂຕນ, ໝາກງາ 2.330 ເຮັກຕາ ຄາດຄະເນຜົນຜະລິດ 3.567 ໂຕນ;ຖົ່ວດິນ 4.235 ເຮັກຕາ,ຄາດຄະເນຜົນຜະລິດ 10.062 ໂຕນ;ພືດອື່ນໆ 10.791 ເຮັກຕາ,ຄາດຄະເນຜົນຜະລິດ 73.173 ໂຕນ. ມາຮອດປະຈຸບັນແມ່ນປະຕິບັດໄດ້ 65.368 ເຮັກຕາ ເທົ່າກັບ 58,36% ແລະຄາດວ່າການປູກເຂົ້ານາປີບ່ອນທີ່ມີເງື່ອນໄຂແມ່ນຈະໃຫ້ສຳເລັດໃນທ້າຍເດືອນກໍລະ ກົດ, ສ່ວນນານໍ້າຟ້າທີ່ບໍ່ມີຊົນລະປະທານອາດຈະໃຫ້ສຳເລັດໃນທ້າຍເດືອນສິງຫາປີ 2019.

ຂຽນໂດຍ: ບຸນທີ

แชร์