ສມກຈ ຈັດກອງປະຊຸມພັດທະນາຍຸດທະສາດ

 ສະມາຄົມການເງິນຈຸລະພາກ (ສມກຈ) ໄດ້ຈັດກອງປະຊຸມພັດທະນາຍຸດທະຍາດເພື່ອສ້າງສະພາບແວດລ້ອມທີ່ເອື້ອອໍານວຍ ແລະກອງປະຊຸມວິຊາການສະມາຊິກ ສມກຈ ຄັ້ງທີ 1 ປະຈໍາປີ 2019 ຂຶ້ນໃນວັນທີ 26 ມິຖຸນາ 2019 ທີ່ນະຄອນຫຼວງວຽງຈັນໂດຍການເປັນປະທານຂອງທ່ານ ສົມພອນ ສີແສງລັດ ປະທານສະມາຄົມການເງິນຈຸລະພາກ, ທ່ານນາງ Wendy Medrano Lazo  ທີ່ປຶກສາ ADA Luxembourg, ທ່ານນາງ ປະມວນ ເພັດທານີ,ຜູ້ອໍານວນການສະມາຄົມການເງິນຈຸລະພາກ, ມີບັນດາຕາງໜ້າຈາກອົງການ ADA Luxembourg, ຕາງໜ້າຈາກການເງິນຈຸລະພາກອ້ອມຂ້າງເຂົ້າຮ່ວມ.

  ທ່ານ ສົມພອນ ສີແສງລັດ ກ່າວວ່າ: ກອງປະຊຸມຄັ້ງນີ້ຈັດຂຶ້ນເພື່ອໃຫ້ບັນດາສະມາຊິກມີຄວາມເຂົ້າໃຈພາລະບົດບາດ, ສິດຂອງ ສມກຈ ກ່ຽວກັບການສ້າງສະພາບແວດ ລ້ອມທີ່ເອື້ອອໍານວຍຫຼາຍຂຶ້ນ, ເພື່ອໃຫ້ຮູ້ແນວທາງ, ວິທີການໃນການສື່ສານກັບຜູ້ມີສ່ວນຮ່ວມ ແລະພັດທະນາຍຸດທະສາດເພື່ອສ້າງສະພາບແວດລ້ອມທີ່ເອື້ອອໍານວຍເຮັດໃຫ້ ສມກຈ ເຮັດວຽກໄດ້ຖືກຕາມເປົ້າໝາຍທີ່ວາງໄວ້,ເພື່ອປົກປ້ອງສິດຜົນປະໂຫຍດຂອງສະມາຊິກ,ຜູ້ມີສ່ວນຮ່ວມ ແລະລູກຄ້າຂອງສະມາຊິກກໍຄືສະຖາບັນການເງິນຈຸລະພາກ, ເພື່ອສ້າງພັນທະມິດໃນເສື່ອມຕໍ່ກັບບັນຂະແໜງການທີ່ປີ່ນອ້ອມໃຫ້ມີຄວາມໜ້າເຊື່ອຖື ແລະເປັນສື່ກາງໃນການປະສານງານດັ່ງກ່າວ.

    ປະທານ ສມກຈ ກ່າວຕື່ມວ່າ: ຈັດກອງປະຊຸມຄັ້ງນີ້ເຂົ້າໃຈເຖິງສະຖານະການປະຈຸບັນ, ບັນຫາຕ່າງໆໃນຂະແໜງການເງິນຈຸລະພາກ ແລະມີໃຜແດ່ມີສ່ວນຮ່ວມໃນຂະ ແໜງການ, ເພື່ອຈຳ ແນກ ແລະພັດທະນາຂໍ້ຄວາມການສື່ສານທີ່ສຳຄັນສຳລັບການສ້າງສະພາບແວດລ້ອມທີ່ເອື້ອອໍານວຍ, ແນວທາງ, ວິທີການການສື່ສານ ແລະ ພາລະບົດບາດຂອງ ສມກຈ, ພັດທະນາຍຸດທະສາດເພື່ອສ້າງສະພາບແວດລ້ອມທີ່ເອື້ອອຳນວຍ, ວາງແຜນຈັດຕັ້ງປະຕິບັດ ແລະ ການຕິດຕາມ. ນອກນັ້ນໃນກອງປະຊຸມໄດ້ມອບລາງວັນສະມາຊິກດີເດັ່ນປີ 2018 ແລະຜົນສໍາເລັດ 6 ເດືອນຕົ້ນປີ ແລະແຜນຈັດຕັ້ງປະຕິບັດໃນໄຕມາດ 3 ປີ 2019.

ຂຽນໂດຍ: ວົງມະນີ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์