ເທັກຊັດ ຊິກເກັນສະຫຼອງຄົບຮອບ 3 ປີ

  ວັນທີ 26 ມິຖຸນາຜ່ານມາທີ່ຮ້ານເທັກຊັດຊິກເກັນສາຂາທາດຫຼວງ ໄດ້ມີພິທີສະຫຼອງຄົບຮອບ 3 ປີ ຂອງຮ້ານເທັກຊັດຊິກເກັນຢູ່ລາວໂດຍມີທ່ານ ນາງ ຈັນທະຈອນ ວົງໄຊ ຜູ້ຖືຮຸ້ນຝ່າຍລາວຂອງເທັກຊັດຊິກເກັນລາວ, ທ່ານ Yang MingOng ຮອງປະທານທຸລະກິດເທັກຊັດຊິກເກັນເອເຊຍ-ປາຊີຟິກ, ພ້ອມດ້ວຍພາກສ່ວນທີ່ກ່ຽວຂ້ອງ, ບັນດາລູກຄ້າ ແລະສື່ມວນຊົນເຂົ້າຮ່ວມ.

  ຈຸດປະສົງຂອງການຈັດງານໃນຄັ້ງນີ້ຍ້ອນຕ້ອງການຂອບໃຈລູກຄ້າທີ່ໃຫ້ການສະໜັບສະໜູນທາງຮ້ານເທັກຊັດຊິກເກັນຕະຫຼອດ 3 ປີ ເພື່ອເປັນການມອບຂອງຂວັນສຸດປະທັບໃຈໃຫ້ກັບລູກຄ້າໂດຍສະເພາະເມນູໄກ່ເທັກເຊັດຊິກເກັນ 100 ຊຸດໃຫ້ກັບລູກຄ້າ 100 ທ່ານທຳອິດ, ນອກນັ້ນຍັງມີກິດຈະກຳໃຫ້ກັບນ້ອງໆຫຼີ້ນ ລ້າອີກດ້ວຍໃນ 5 ວັນນັບແຕ່ມື້ນີ້ເປັນຕົ້ນໄປ, ພຽງແຕ່ເອົາໃບບິນໄປແລກເອົາຄູ່ປ່ອງຫຼິ້ນກິດຈະກຳນຳຮ້ານເທັກຊັດຊິກເກັນຊຶ່ງທຸກໆໃບບິນມີມູນຄ່າ 50 ພັນກີບຂຶ້ນໄປໄດ້ຄູ່ປ່ອງ 1 ໃບ.

  ໂດຍກິດຈະກຳປະກອບມີ: ການຫຼິ້ນເກມພະລັງຕີຄ້ອນລຸ້ນເອົາສ່ວນຫຼຸດ 50%, ເອົາຄູ່ປ່ອງໄປແລກເອົາສາຍເລີປູນປັ້ນໃຫ້ນ້ອງໆລະບາຍສີລ້າ, ຂີ່ໂຕເຜິ້ງນ້ອຍ, ຂີ່ລົດຍົກໂປ້ ແລະພິເສດໄປກວ່ານັ້ນທາງຮ້ານເທັກຊັດຊິກເກັນຍັງຈັດເມນູຊຸດພິເສດລາຄາພຽງແຕ່ 33 ພັນກີບ.

ຂຽນໂດຍ: ສະເຫຼີມໄຊ

ພາບ ແລະຂ່າວຈາກ: ໜັງສືພິມເສດ-ສັງຄົມ

• 27/06/2019