ດີໂອ ກຽມປ່ອຍເພງ ໂຊໂລ່ ສົ່ງທ້າຍກ່ອນເຂົ້າທະຫານ

ກຳນົດວັນເຂົ້າທະຫານຮັບໃຊ້ຊາດຂອງໄອດໍນັກສະແດງໜຸ່ມດີໂອ EXO (ໂດຄະຢອງຊູ)ນັ້ນໃກ້ເຂົ້າມາທຸກທີ,ຊຶ່ງຫຼ້າສຸດວັນທີ 21 ມິຖຸນາທີ່ຜ່ານມາສຳນັກຂ່າວ OSEN ໄດ້ລາຍງານວ່າດີໂອຈະ ປ່ອຍຜົນງານເພງໂຊໂລ່ຜ່ານທາງSM STATION ຊຶ່ງຜົນງານເພງໂຊໂລ່ຫຼ້າສຸດຂອງລາວນັ້ນຄື ເພງປະກອບຮູບເງົາເລື່ອງ Cart ໃນປີ 2014.

ໃນເວລາຕໍ່ມາແຫຼ່ງຂ່າວຈາກ SM Entertainmentໄດ້ອອກມາຢືນຢັນວ່າດີໂອອັດຜົນງານເພງໂຊໂລ່ຂອງລາວສຳເລັດແລະ ເຮົາຈະປ່ອຍເພງນີ້ອອກມາຜ່ານມາທາງ SM STATION,ໂດຍກ່ອນໜ້ານີ້ບໍ່ດົນໄດ້ມີການຢືນຢັນແລ້ວວ່າດີໂອຈະເຂົ້າເປັນທະຫານຮັບໃຊ້ຊາດໃນວັນທີ 1 ກໍລະກົດ ທີ່ຈະມາເຖິງນີ້ ໂດຍລາວຈະປະຕິບັດໜ້າທີ່ໃນຖານະນາຍທະຫານເຕັມເວລາ.

ດີໂອເກີດປີ1993 ຊຶ່ງອາຍຸຂອງລາວຍັງມີເວລາເຫຼືອກ່ອນທີ່ຈະເຖິງກຳນົດເຂົ້າກົມຕາມກົດໝາຍກອງທັບໃນປະຈຸບັນ ໂດຍລາວສາມາດຈະຜ່ອນຜັນໄດ້ທັງໝົດ 5 ຄັ້ງ ແລະເຂົ້າທະຫານໃນ ປີ 2021 ເມື່ອລາວອາຍຸ 28 ປີ                                                              ຢ່າງໃດກໍຕາມເນື່ອງຈາກກ່ອນໜ້າ ນີ້ ຊິ່ວໝິນໜຶ່ງໃນສະມາຊິກຂອງ ວົງຫາກໍເຂົ້າທະຫານຮັບໃຊ້ຊາດ ໄປລາວ ຈຶ່ງສະແດງຄວາມຕັ້ງໃຈທີ່ຢາກຈະເຂົ້າທະຫານຮັບໃຊ້ຊາດໃຫ້ໄວທີ່ສຸດເທົ່າທີ່ຈະເຮັດໄດ້.

 ພາບ ແລະຂາ່ວຈາກ ໜັງສືພິມເສດຖະກິດ-ສັງຄົມ

แชร์