ແຮກເກີໜຸ່ມເຈາະລະບົບແອັບເປິ້ນຫວັງບໍລິສັດ ເຫັນຄວາມສາມາດ ແລະໃຫ້ວຽກເຮັດ

ຫາກທ່ານເປັນໄວໜຸ່ມທີ່ມີຄວາມຝັນຢາກເຂົ້າເຮັດວຽກກັບບໍລິສັດຂະໜາດໃຫຍ່ທາງເຕັກໂນໂລຊີທ່ານຈະເຮັດແນວໃດເພື່ອໃຫ້ໄດ້ດັ່ງຄວາມຝັນ?ທ່ານອາດຈະຕອບວ່າວາງແຜນການສຶກສາຮຽນໃຫ້ ດີ ແລະຍື່ນເຂົ້າຝຶກງານໃຫ້ເຂົາເຫັນຄວາມສາມາດຂອງທ່ານແມ່ນ ບໍ  ນີ້ອາດຈະເປັນຄຳຕອບຂອງຄົນສ່ວນໃຫຍ່ແຕ່ບໍ່ແມ່ນສຳລັບໜຸ່ມຄົນອົດສະຕຣາລີຄົນນີ້.

ໜຸ່ມຄົນອົດສະຕຣາລີຄົນນີ້ແຮກຂໍ້ມູນຈາກ Apple ແລະຮັບສາລະພາບວ່າເຂົາເຮັດໄປເພາະຢາກໄດ້ວຽກເຮັດຈາກ Apple ເທົ່ານັ້ນກ່ອນໜ້ານີ້ເຂົາເຫັນຂ່າວຜູ້ຊາຍຄົນເອີຣົບຄົນໜຶ່ງເຮັດຄືກັນ ກັບເຂົາແລະໄດ້ວຽກຈາກ Apple  ເຂົາຈຶ່ງລຽນແບບເຮັດເພື່ອໃຫ້ບໍລິ ສັດເຫັນຄວາມສາມາດຂອງເຂົາ.

ຫຼັງຈາກໄຕ່ສວນ ແລະປາກຄຳພະຍານພົບວ່າເຂົາເລີ່ມ ຕົ້ນແຮກເມື່ອເຂົາມີອາຍຸ 13 ປີ ສານເຊື່ອວ່າເຂົາບໍ່ເຄີຍໃຊ້ຄວາມສາມາດທາງເຕັກໂນໂລຊີຂອງ ເຂົາເຮັດແນວບໍ່ດີ  ແລະໃນອະນາຄົດເຂົາຫວັງທີ່ຈະສຶກສາດ້ານລະບົບຮັກສາຄວາມປອດໄພແບບດິຈິຕອລ ແລະອາຊະຍະວິທະຍາທີ່ມະຫາວິທະຍາໄລສ່ວນຂໍ້ມູນທີ່ແຮກ ມານັ້ນບໍ່ມີການບັນທຶກໄວ້ເລີຍ.

ຢ່າງໃດກໍຕາມສານບໍ່ໄດ້ໃຈຮ້າຍເຖິງຂະໜາດຕັດຂາດຊ່ອງທາງການທຳມາຫາກິນໃນເສັ້ນທາງແຮກເກີຂອງເຂົາພຽງແຕ່ຄວບຄຸມຄວາມປະພຶດຂອງເຂົາເປັນເວລາ 9 ເດືອນເທົ່ານັ້ນ.

ສ່ວນທາງໂຄສົກຂອງ Apple ບໍ່ໄດ້ກ່າວສະແດງຄວາມເຫັນແນວໃດກັບຄະດີນີ້ Apple ຍັງຄົງເນັ້ນຢໍ້າວ່າລະບົບຄວາມປອດໄພຂອງພວກເຂົາເຮັດວຽກໄດ້ຢ່າງດີແລະບໍ່ມີໃຜສາມາດເປີດເຜີຍຂໍ້ມູນຂອງ Apple ໄດ້ເພາະສະນັ້ນສຳລັບໜຸ່ມຄົນອົດສະຕຣາລີຄົງຈະຕ້ອງໃຊ້ເວລາຕັ້ງໃຈຮຽນແລ້ວຍື່ນໃບສະໝັກງານຕໍ່ໄປ.

ພາບ ແລະຂາ່ວຈາກ ໜັງສືພິມເສດຖະກິດ-ສັງຄົມ

แชร์