ຫົວເຫວີຍ P30PRO ມືສອງລາຄາຕົກ ຈາກພິດສົງຄາມການຄ້າ

ສະມາດໂຟນເຮືອທຸງທີ່ເຄີຍຖືກລະບຸວ່າດີທີ່ສຸດໃນປີ 2019 ກຳລັງພົບກັບສະຖານະການຍາກລຳບາກຈາກເຫດສົງຄາມການຄ້າ.

ຫຼ້າສຸດເວັບໄຊຊື້ຂາຍມືຖືມືສອງຂອງອັງກິດຄື MusicMagpieພົບວ່າລາຄາປະເມີນຂາຍຕໍ່ຫົວເຫວີຍ P30Pro ລຸ້ນຄວາມຈຸ 128GB ສະພາບດີກັບລາຄາຕົກເຫຼືອພຽງ 100 ປອນ (ປະມານ 130 ໂດລາສະຫະລັດ) ຈາກລາຄາຂາຍ 900 ປອນ (1.150 ໂດລາ) ເອີ້ນໄດ້ວ່າລາຄາຫຼຸດລົງ ໄປເກືອບ 90% ຫຼັງຈາກເປີດ ໂຕວາງຈຳໜ່າຍພຽງສອງເດືອນ ກວ່າ.

ຂະນະທີ່ລາຄາຂອງ Samsung S10+ລຸ້ນຄວາມຈຸ 128 GB ເທົ່າກັນໃນສະພາບດີນັ້ນຢູ່ທີ່ 510 ປອນ (650 ໂດລາ) ມູນຄ່າຫຼຸດລົງປະມານ 45% ນອກ ຈາກ musicMagpie ແລ້ວເວັບ ໄຊຊື້ຂາຍມືຖືມືສອງຂອງອັງກິດ ເຈົ້າອື່ນໆຄື GiffGaff ກໍຕີລາ ຄາເຫຼືອ 100 ປອນເທົ່າກັນ,Fone Wizrd ຕີລາຄາທີ່ 150 ປອນໃນຂະນະທີ່ Mazuma ນັ້ນບໍ່ຮັບ ຊື້ແລ້ວອີກໜຶ່ງຂ່າວຮ້າຍນອກເໜືອຈາກ P30 Pro ແລ້ວຕົວ P20Pro ເອງຕອນນີ້ກໍເຫຼືອລາຄາຮັບຊື້ພຽງ 50 ປອນຂະນະທີ່ຕົວເຮືອ ທຸງຂອງSamsung ໃນປີ 2018 ນັ້ນຍັງມີລາຄາຮັບຊື້ຢູ່ປະມານ 235 ປອນ ຊຶ່ງກໍຍັງມີມູນຄ່າສູງ ກວ່າເຮືອທຸງ P30 Pro ໃນປີນີ້ ຂອງ Huawei ອີກ.

ນອກຈາກນີ້ລາຍງານຈາກ Straits Times ຂອງສິງກະໂປ ໄດ້ສະຫຼຸບສະຖານະການຂອງ Huawei ທີ່ເລີ່ມໄດ້ຮັບຜົນກະທົບຈາກຮ້ານຄ້າຍ່ອຍໃນອາຊີວ່າແມ່ນແຕ່ຮ້ານຕົວແທນສ່ວນໃຫຍ່ຈະຍັງສັ່ງສະມາດໂຟນHuaweiມາຈຳໜ່າຍແຕ່ພວກເຂົາກໍວາງຂາຍໃນລາຄາທີ່ຖືກລົງກວ່າເກົ່າຫຼາຍເທົ່າຂະນະທີ່ບາງຮ້ານເລີ່ມຢຸດຈຳໜ່າຍສິນຄ້າທັງໝົດຂອງ Huawei ແລ້ວສ່ວນຜູ້ບໍລິໂພກກໍເລີ່ມມອງຫາຕົວເລືອກອື່ນຍ້ອນຕົວເລກການ ໃຊ້ສະມາດໂຟນ Huawei ຫຼຸດລົງ ຢ່າງຊັດເຈນໃນໄລຍະຫຼັງ.

ພາບ ແລະຂາ່ວຈາກ ໜັງສືພິມເສດຖະກິດ-ສັງຄົມ

แชร์