ຄຳມ່ວນຈະສູ້ຊົນໃຫ້ບັນລຸແຜນ

   ໃນໂອກາດມື້ສຸດທ້າຍ (25 ມິຖຸນາ 2019) ກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ VIII; ທ່ານ ສົມໃຈ ເພັດສີນວນ ປະທານຄະນະສະ ມາຊິກສະພາແຫ່ງຊາດ (ສສຊ) ປະຈໍາເຂດເລືອກຕັ້ງທີ 12 ແຂວງຄໍາມ່ວນ, ປະທານສະພາປະຊາຊົນແຂວງຄໍາມ່ວນໄດ້ຕອບຄໍາສໍາພາດຂອງສື່ມວນຊົນວ່າ: ໃນໄລຍະ 6 ເດືອນ ຕົ້ນປີ 2019 ຜ່ານມາ

  ແຂວງຄໍາມ່ວນສືບຕໍ່ມີສະຖຽນລະພາບທາງດ້ານການເມືອງຢ່າງໜັກແໜ້ນ, ສັງຄົມມີຄວາມສະຫງົບ, ມີຄວາມເປັນລະບຽບຮຽບຮ້ອຍ, ເສດຖະກິດຂະຫຍາຍຕົວ ຢ່າງຕໍ່ເນື່ອງ, ສະເພາະການເກັບລາຍຮັບເຂົ້າງົບປະມານແຫ່ງລັດຂອງແຂວງ (ມາຮອດວັນທີ 17/5/2019) ແຜນອະນຸມັດພູດສູນກາງ, ທ້ອງຖິ່ນທັງໝົດ: 707 ,24 ຕື້ກວ່າກີບ ແຕ່ຕົວຈິງ 4 ເດືອນ ກວ່າສາມາດປະຕິບັດໄດ້ 317,60 ຕື້ກີບ, ເທົ່າກັບ 44,91% ໃນນັ້ນ: ພູດສູນ ກາງປະຕິບັດໄດ້ 188,20 ຕື້ກີບ ເທົ່າກັບ 47,22% ຂອງແຜນການ ແລະ ພູດທ້ອງຖິ່ນ 129,40ຕື້ກີບ, ເທົ່າກັບ 4192% ຂອງແຜນການ.

  ສໍາລັບການປະຕິບັດລາຍຈ່າຍຕາມແຜນການແລ້ວ 571,53 ຕື້ກວ່າກິີບ, ແຕ່ຕົວຈິງປະຕິບັດໄດ້ແລ້ວ 225,93 ຕື້ກີບ ເທົ່າກັບ 39,53% ຂອງແຜນປີໃນນີ້ການເບີກຈ່າຍເງິນເດືອນ, ບໍລິຫານ, ເງິນຊ່ວຍໜູນຕ່າງໆສຳເລັດທັງໝົດໃນເດືອນ 6 ແລະພ້ອມສືບຕໍ່ຈ່າຍເງິນໃນເດືອນ 7 ໃຫ້ບັນດາພະແນກການອ້ອມຂ້າງແຂວງ ແລະຫ້ອງການຂອງບັນດາ ເມືອງພາຍໃນແຂວງ; ສຳລັບ, ເງິນນາຍບ້ານໄດ້ສໍາເລັດການຈ່າຍໃນງວດ I ຂອງ 2019 ໃນດ້ານວຽກງານທະນາຄານສາມາດລະດົມແຫຼ່ງທຶນໄດ້ທັງໝົດ1.867,19 ຕື້ກີບ ເທົ່າກັບ 97,89% ຂອງແຜນການປ່ອຍສິນເຊື່ອເຂົ້າແຕ່ລະຂົງເຂດທັງໝົດ179,70 ຕື້ກີບ ເທົ່າກັບ27,50% ຂອງແຜນການ.

  ວຽກງານສາມສ້າງໄດ້ມີການສືບຕໍ່ຜັນຂະຫຍາຍດໍາລັດວ່າດ້ວຍມາດຖານພົ້ນທຸກ ແລະມາດຖານພັດທະນາຕາມດໍາລັດເລກທີ 348/ລບ ສະນັ້ນ, ເພື່ອຮັບປະກັນເຮັດໃຫ້ການຈັດຕັ້ງປະຕິບັດຖືກທິດ ແລະມີຜົນສໍາເລັດເຊິ່ງມາຮອດປະຈຸບັນສາມາດປະກາດຮັບຮອງບ້ານພັດທະນາໄດ້ທັງໝົດ 347 ບ້ານ ເທົ່າກັບ 76% ແລະມີຄອບຄົວພັດທະນາ 71.960 ຄອບຄົວ ເທົ່າກັບ 92% ຂອງຄອບຄົວໃນທົ່ວແຂວງ.

  ຕໍ່ກັບວຽກງານທ່ອງທ່ຽວທີ່ເປັນປາຍແຫຼມຂອງແຂວງຄໍາມ່ວນໄດ້ຮັບການຊີ້ນໍາໆພາພັດທະນາການທ່ອງທ່ຽວໃຫ້ເປັນລະບົບໂດຍດຶງດູດເອົາຜູ້ປະກອບການທີ່ມີທ່າແຮງເຂົ້າມາພັດທະນາເປັນຕົ້ນແຫຼ່ງທ່ອງທ່ຽວຂຸນກອງແລງ, ທ່າຝຣັ່ງ, ຖໍ້າແອ່ນ, ຕາດຊຽງລື, ຖໍ້າລອດເຊບັ້ງໄຟ ແລະບ່ອນອື່ນໆໄດ້ເປັນຮູບປະທໍາ ແລະມີໃບໜ້າໃໝ່ຫຼາຍຂຶ້ນເຮັດໃຫ້ບັນດາຂອດບໍລິການທ່ອງທ່ຽວກ່ຽວກັບສະຖານທີ່ກໍ່ຈະໄດ້ຮັບຜົນປະໂຫຍດ ແລະ ປະຊາຊົນທີ່ເຂົ້າມາເຄື່ອນໄຫວວຽກງານຮ່ວມໃນສະຖານທີ່ດັ່ງກ່າວກໍ່ຈະໄດ້ຮັບຜົນປະໂຫຍດລວມທັງການຜະລິດບັນດາຜະລິດຕະພັນຕ່າງໆທີ່ຕິດພັນກັບການທ່ອງທ່ຽວກໍ່ຈະສ້າງລາຍຮັບໃຫ້ແກ່ປະຊາຊົນ, ເຮືອນພັກ, ໂຮງແຮມ, ລົດນໍາທ່ຽວ, ຮ້ານອາຫານລວມທັງບໍລິສັດນໍາທ່ຽວ ແລະອື່ນໆໄດ້ຮັບປະໂຫຍດເຊັ່ນກັນສ້າງລາຍຮັບເຂົ້າງົບປະມານຂອງລັດພ້ອມທັງສ້າງຄວາມເຂັ້ມແຂງ ແລະ ສ້າງຊື່ສຽງໃຫ້ແກ່ແຂວງ ຄໍາມ່ວນ.

ຂຽນໂດຍ: ຣັດສະໝີ ດວງສັດຈະ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์