801 ໂຄງການ ຟື້ນຟູໄພພິບັດທົ່ວປະເທດຂາດງົບປະມານປະຕິບັດ

  ເຖິງແມ່ນວ່າວຽກການແກ້ໄຂຟື້ນຟູຫຼັງໄພພິບັດຈະຖືກຈັດແບ່ງເປັນໄປຕາມແຕ່ລະໄລຍະກໍຕາມ, ແຕ່ການຈັດຕັ້ງປະຕິບັດໃນໄລຍະຜ່ານມາຂອງແຕ່ລະຂະ ແໜງການໃນຂອບເຂດທົ່ວປະເທດຈະມີຄວາມຄືບໜ້າດີ,ແຕ່ຖ້າທຽບກັບຄວາມຕ້ອງການຕົວຈິງເຫັນວ່າກໍຍັງມີຄວາມຕ້ອງການຫຼາຍສົມຄວນໂດຍສະເພາະ 801 ໂຄງການທີ່ມີແຜນແລ້ວແຕ່ຍັງຈັດຕັ້ງປະຕິບັດບໍ່ທັນໄດ້ເນື່ອງຈາກບໍ່ມີງົບປະມານພຽງພໍ, ຊຶ່ງໃນນັ້ນໜັກກວ່າໝູ່ຍັງແມ່ນເມືອງສະໜາມໄຊໃນ 17 ໂຄງການເລັ່ງດ່ວນທີ່ປະຕິບັດໄດ້ພຽງ 30%.

   ອີງຕາມບົດລາຍງານຄວາມຄືບໜ້າຂອງການແກ້ໄຂຟື້ນຟູໄພພິບັດໃນຂອບເຂດທົ່ວປະເທດ ແລະການກະກຽມຄວາມພ້ອມເພື່ອຮັບມືກັບໄພພິບັດທີ່ອາດ ຈະເກີດຂຶ້ນໃນ 6 ທ້າຍເດືອນປີ 2019 ຂອງທ່ານ ວິໄລພົງ ສີສົມຫວັງ ຫົວໜ້າກົມສັງຄົມສົງເຄາະກະຊວງແຮງງານ ແລະ ສະຫວັດດີການສັງຄົມມີຄຳເຫັນ ໃນກອງປະຊຸມຄະນະສະເພາະກິດທິດທີ່ຜ່ານມາໃຫ້ຮູ້ວ່າ: ກົມສັງຄົມສົງເຄາະ, ກະຊວງ ຮສສ ໃນນາມກອງເລຂາຄະນະກໍາມະການປ້ອງກັນ ແລະ ຄວບຄຸມໄພ ພິບັດແຫ່ງຊາດໄດ້ປະສານສົມທົບກັບກະຊວງແຜນການ ແລະການລົງທຶນ ແລະບັນດາກະຊວງທີ່ກ່ຽວຂ້ອງສາມາດສັງລວມໄດ້ບັນດາໂຄງການຟື້ນຟູຫຼັງໄພພິ ບັດຂອງແຕ່ລະຂະແໜງການທັງໝົດ 1.360 ໂຄງການ,ມູນຄ່າທັງໝົດ 1.303 ຕື້ກີບ,ໃນນີ້ປະຕິບັດສໍາເລັດແລ້ວຈໍານວນ 421 ໂຄງການມູນຄ່າ 2,11 ຮ້ອຍກີບ, ກໍາລັງຈັດຕັ້ງປະຕິບັດ ແລະຢູ່ໃນຂັ້ນຕອນສະເໜີຂໍຊໍາລະ 126 ໂຄງການ ມູນຄ່າ 1,26 ຮ້ອຍກີບ, ລໍຖ້າທຶນຈາກສາກົນຈໍານວນ 12 ໂຄງການມູນຄ່າ 28,29 ຕື້ກີບ ແລະໂຄງການທີ່ມີແຜນແລ້ວແຕ່ຍັງບໍ່ທັນໄດ້ຈັດຕັ້ງປະຕິບັດເນື່ອງຈາກບໍ່ມີງົບປະມານຈໍານວນ  801 ໂຄງການມູນຄ່າ 9,37 ຮ້ອຍກີບ.

 ສະເພາະຢູ່ເມືອງສະໜາມໄຊ ແມ່ນມີຜົນສໍາເລັດທີ່ເປັນພື້ນຖານເປັນຕົ້ນສໍາເລັດການສ້າງແຜນເຄື່ອນໄຫວຮອດທ້າຍປີ 2019 ໃຫ້ເປັນອັນດຽວກັນລະຫວ່າ ງສູນກາງ ແລະແຂວງໂດຍໄດ້ຮັບອະນຸມັດງົບປະມານບ້ວງ 65 ຕື້ກີບ ຂອງລັດຖະບານ,ການສ້າງ, ສັງລວມ ແລະຈັດບູລິມະສິດໂຄງການຟື້ນຟູໄພພິບັດຮອດປີ 2021, ການປະເມີນ 39 ໂຄງ ການແກ້ໄຂສຸກເສີນຕາມ 6 ຂະແໜງການ, ການປະເມີນຄວາມຕ້ອງການໃນການສົງເຄາະ ແລະການຄຸ້ມຄອງສູນພັກຊົ່ວຄາວ, ການປັບປຸງການຈັດຕັ້ງຂອງຄະນະກໍາ ມະການຄຸ້ມຄອງສູນພົກເຊົາຊົ່ວຄາວ, ການວາງແຜນໃນການເຮັດສໍາມະໂນຄົວ ຊົ່ວຄາວ ແລະບັດປະຈໍາຕົວໃຫ້ປະຊາຊົນ, ຫາລືກ່ຽວກັບ ຫົວໜ່ວຍລາຄາການເກັບ ກູ້ລະເບີດຢູ່ສູນກາງ ແລະແຂວງ, ພິຈາ ລະນາໂຄງການສົ່ງເສີມຜະລິດສິນຄ້າໃນ 4 ຈຸດບຸກເບີກໃໝ່ໃນຮູບແບບມີສ່ວນຮ່ວມ (2+3), ມອບ-ຮັບເຮືອນພັກຊົ່ວຄາວ, ລົງຕິດຕາມກວດກາການຈັດຕັ້ງປະຕິບັດຂົວໃນບ້ວງເງິນຊ່ວຍເຫຼືອຂອງລັດຖະບານໄທ, ຈັດຕັ້ງການປະມູນ 17 ໂຄງການເລັ່ງດ່ວນ ແລະອື່ນໆ.

 ໃນບົດລາຍງານຍັງລະບຸອີກວ່າ: ເພື່ອຮັບປະກັນດ້ານການປະຕິບັດວຽກງານໃຫ້ການຊ່ວຍເຫຼືອແກ້ໄຂທັງໄລຍະສຸກເສີນ ແລະຟື້ນຟູຫຼັງໄພພິບັດມີຄວາມວ່ອ ງໄວ,ມີປະສິດທິພາບ ແລະປະຕິບັດທິຜົນ, ຄະນະກໍາມະການປ້ອງກັນ ແລະ ຄວບຄຸມໄພພິບັດແຫ່ງຊາດ ໄດ້ມີແຜນການກຽມຄວາມພ້ອມຕອບໂຕ້ເຫດການ ໄພພິບັດໃນປີ 2019, ໃນນີ້, ລວມມີການວິເຄາະສະຖານນະການ ແລະແນວໂນ້ມທີ່ຈະເກີດໄພພິບັດ, ກໍານົດຍຸດທະສາດໃນການຕອບໂຕ້ເຫດການໄພພິບັດ, ແຕ່ເພື່ອເຮັດໃຫ້ຄາດໝາຍດັ່ງກ່າວໄດ້ຮັບການຈັດຕັ້ງປະຕິບັດກະຊວງ ຮສສ ໄດ້ສະເໜີໃຫ້ລັດເພີ່ມງົບປະມານເຂົ້າໃນວຽກງານປ້ອງກັນ, ຄວບຄຸມ ແລະຟື້ນ ຟູຫຼັງໄພພິບັດຕາມແຜນງົບປະມານໃນແຕ່ລະປີ, ພິຈາລະນານໍາໃຊ້ງົບປະມານທີ່ໄດ້ຮັບຈາກການຊ່ວຍເຫຼືອສັງຄົມປີ 2018 ເຂົ້າໃນການແກ້ໄຂຊ່ວຍເຫຼືອຟື້ ນຟູຊີວິດການເປັນຢູ່ຂອງປະຊາຊົນຢູ່ບັນດາແຂວງໃນທົ່ວປະເທດເປັນຕົ້ນໂຄງການຊ່ວຍເຫຼືອຟື້ນຟູຊີວິດການເປັນຢູ່ຂອງປະຊາຊົນໃນຮູບແບບການຊ່ວຍເຫຼື ອເປັນເງິນສົງເຄາະ,ເງິນເພື່ອງານ, ກິດຈະກໍາສົ່ງເສີມການປູຝັງລ້ຽງສັດ, ການສົ່ງເສີມດ້ານສຸຂະພາບອື່ນໆ, ອອກນິຕິກໍາສະເພາະກ່ຽວກັບການນໍາໃຊ້ງົບປະ ມານເຂົ້າໃນການແກ້ໄຂສຸກເສີນເພື່ອບໍ່ໃຫ້ຂັດກັບນິຕິກໍາທີ່ມີຢູ່ລວມທັງເປັນບ່ອນອີງ ແລະອໍານວຍຄວາມສະດວກໃຫ້ແກ່ການຈັດຕັ້ງປະຕິບັດໃນຕໍ່ໜ້າ.

 ສຳລັບເມືອງສະໜາມໄຊແມ່ນສະເໜີຂໍອະນຸມັດນໍາໃຊ້ເງິນ 10 ລ້ານໂດລາ ທີ່ບໍລິສັດ SK ຊ່ວຍເຫຼືອ (ຕາມແຈ້ງການ) ຈ່າຍເງິນສໍາລັບຈັດຕັ້ງປະຕິບັດ 15 ໂຄງການໃນ 17 ໂຄງການເລັ່ງດ່ວນທີ່ປະຕິບັດໄດ້ຫຼາຍກວ່າ 30% ເປັນມູນຄ່າ 20,85 ຕື້ກີບ, ສະເໜີໃຫ້ກະຊວງການເງິນຄົ້ນຄວ້າ ແລະ ພິຈາລະນາອະ ນຸມັດ ງົບປະມານບ້ວງເງິນ (ພາກ 65) ທີ່ລັດຖະບານອະນຸມັດແລ້ວນໍາໃຊ້ເຂົ້າໃນການເຄື່ອນໄຫວ ແລະ ຈັດຕັ້ງປະຕິບັດວຽກງານຢູ່ເມືອງສະໜາມໄຊ ປີ 2019.

ພາບ ແລະຂ່າວຈາກ: ໜັງສືພິມເສດຖະກິດສັງຄົມ

แชร์