6 ເດືອນຜ່ານມາ ເຟຊບຸກ ໄດ້ລົບບັນຊີປອມ ເຖິງ 3 ຕື້ບັນຊີ

Facebook ໄດ້ເປີດເຜີຍລາຍງານການດຳເນີນການທີ່ມີການບັງຄັບໃຊ້ໃນໄລຍະເດືອນຕຸລາ 2018 ມີນາ 2019 ທີ່ຜ່ານມາປາກົດວ່າໃນໄລຍະ 6 ເດືອນມານີ້ FaceBook ໄດ້ລົບບັນຊີປອມໄປແລ້ວເຖິງ 3 ຕື້ບັນຊີນອກ ຈາກນີ້ຍັງລົບຂໍ້ຄວາມທີ່ສ້າງຄວາມຄຽດຊັງ (hate speech) ອອກໄປເຖິງ 7 ລ້ານຄັ້ງຖືເປັນສະຖິຕິ ໃໝ່ຂອງ Facebook ດ້ວຍ.

Facebook ລະບຸສາເຫດທີ່ເຮັດໃຫ້ຕົວເລກຂອງບັນຊີປອມເພີ່ມສູງຈົນເຮັດໃຫ້ຍອດການລົບບັນຊີດັ່ງກ່າວສູງຕາມໄປດ້ວຍເປັນສອງເທົ່ານັ້ນມາຈາກການທີ່ມີຜູ້ບໍ່ປະສົງດີພະຍາຍາມໃຊ້ໂປຣແກຣມບາງຢ່າງໃນການສ້າງບັນຊີເປັນຈຳນວນຫຼາຍຊຶ່ງສ່ວນໃຫຍ່ລະບົບບົນ Facebook ກໍຈະເຮັດການລົບບັນຊີປອມທັນທີທີ່ມອງເຫັນພາຍໃນບໍ່ເຖິງນາທີແຕ່ກໍຍັງມີບາງ ສ່ວນຫຼຸດອອກໄປໄດ້ເໝືອນກັນ.

ລາຍງານຍັງເປີດເຜີຍສະຖິຕິການມອງເຫັນຄອນເທນທຸກໆ 10.000 ໂພສບົນ Facebook ນັ້ນຜູ້ໃຊ້ຈະໄດ້ພົບກັບຄອນເທນ ເນື້ອຫາດັ່ງນີ້.

14 ຄົນຈະພົບໂພສປະເພດໂປ້ເປືອຍ 25 ຄົນຈະພົບໂພສທີ່ກ່ຽວກັບຄວາມຮຸນແຮງ 3 ຄົນຈະເຫັນໂພສທີ່ກ່ຽວກັບຄວາມຮຸນແຮງໃນເດັກ ຫຼື ໂພສປຸກປັ່ນໃຫ້ ເກີດຄວາມຮຸນແຮງ.ທັງນີ້ Facebook ລາຍງານວ່າປະຈຸບັນຍັງມີບັນຊີປອມຢູ່ປະມານ 5% ຈາກຕົວເລກຍອດຜູ້ໃຊ້ງານ Active User ແບບລາຍເດືອນ.

 

แชร์