ໄຊຍະສິດ ສຸລິຍະເຕັນ ຕົວແທນລາວປະກວດ ມິສເຕີອິນເຕີເນຊັນແນວ ທີ່ປະເທດໄທ

ທ້າວ ໄຊຍະສິດສຸລິຍະເຕັນໜຸ່ມລາວຕົວແທນຂອງປະເທດເຂົ້າໄປປະກວດແຂ່ງຂັນມິສເຕີອິນເຕີເນຊັນແນວຢູນິເວີສ 2019 ທີ່ແຂວງຫົວຫີນປະເທດໄທຊຶ່ງເປັນເວທີສາກົນທີ່ມີ 18 ປະເທດເຂົ້າຮ່ວມແຂ່ງຂັນໃນນັ້ນໜຸ່ມລາວທີ່ຈະໄປນຳສະເໜີຄັ້ງນີ້ເປັນການຮ້ອງເພງ ແລະຊຸດປະຈຳຊາດທີ່ມີຊື່ວ່າ:“ມະຫານາທີແດນຈຳປາ”ໂດຍ ເປັນເນື້ອຫາທີ່ມີຄວາມໝາຍກ່ຽວພັນກັບການດຳລົງຊີວິດຂອງປະ ຊາຊົນລາວ.

ໃນວັນທີ 24 ມິຖຸນາ 2019 ທີ່ສະໜາມບິນສາກົນວັດໄຕ,ນະຄອນຫຼວງວຽງຈັນ ໄດ້ຈັດພິທີນຳສົ່ງທ້າວໄຊຍະສິດສຸລິຍະເຕັນຕົວແທນປະເທດລາວເຂົ້າຮ່ວມປະ ກວດມິສເຕີ ອິນເຕີເນຊັນແນວຢູນິເວີສ 2019 ທີ່ປະເທດໄທ ຊຶ່ງມີ ທັງໝົດມີ 18 ປະເທດເຂົ້າຮ່ວມ ໂດຍຈະຈັດຂຶ້ນໃນວັນທີ 1 ກໍລະກົດ 2019 ທີ່ແຂວງຫົວຫີນປະເທດໄທ: ທ້າວ ໄຊຍະສິດສຸລິຍະເຕັນອາຍຸ 31 ປີ ຈາກບ້ານແສງສະຫວ່າງ ເມືອງໄຊເຊດຖານະຄອນຫຼວງວຽງຈັນ ໄດ້ຈົບການສຶກສາໃນລະດັບປະລິນຍາຕີ, ສາຂາວິຊາບໍລິຫານທຸລະກິດ,ຈາກວິທະຍາໄລເອີຣົບ-ອາຊີເປັນຊາຍໜຸ່ມໜ້າຕາ ດີ, ບຸກຄະລິກດີ ແລະຜ່ານການຄັດເລືອກເງື່ອນໄຂຄົບຖ້ວນທີ່ຜ່ານ ການປະກວດເວທີມິສເຕີລາວ 2018 ລຸ້ນຊາຍຄົນງາມທີ່ລາງວັນມາໄດ້ ອັບດັບ 5 ນອກນັ້ນຍັງໄດ້ເດີນແບບໃຫ້ວາລະສານວ້າວງານສະລິດຕີ້ ການກຸສົນລ່າສຸດປີ 2019 ໄດ້ເດີນແບບໃນງານວຽງຈັນວ້າວແຟຊັນວິກໃນແບນຮ້ານຄຳພູວົງ.

ສຳລັບຄວາມພິເສດທີ່ໄຊຍະສິດສຸລິຍະເຕັນຈະນຳໄປສະເໜີໃນເວທີສາກົນຄັ້ງນີ້ແມ່ນການຮ້ອງເພງແລະຊຸດປະຈຳຊາດທີ່ມີຊື່ວ່າ:“ສຽງແຄນສີພັນດອນ” ແຮງບັນດານໃຈຊຸດນີ້ສ້າງຂຶ້ນມາໄດ້ສະແດງເຖິງວັດທະນະທຳຮີດຄອງປະເພນີແລະການດຳລົງຊີວິດຂອງປະຊາຊົນບັນດາເຜົ່າຂອງລາວແຕ່ເໜືອຮອດໃຕ້ຄວາມອຸດົມຮັ່ງມີທາງຊັບໃນດິນສິນໃນນໍ້າກໍລ້ວນແຕ່ມີແມ່ນໍ້າໃຫຍ່ໄຫຼຜ່ານປະເທດລາວແລະປະຊາຊົນສ່ວນໃຫຍ່ໄດ້ອາໄສແມ່ນໍ້າເພື່ອທຳມາຫາກິນສະນັ້ນຈຶ່ງໄດ້ເລືອກຊຸດນີ້ມາສວນໃສ່ເພື່ອຢາກໃຫ້ຊາວເວທີສາກົນໄດ້ເຫັນເຖິງວິຖີການດຳລົງຊີວິດວັດທະນະທຳລາວ.

ພາບ ແລະຂາ່ວໂດຍ: ໜັງສືພິມເສດຖະກິດ-ສັງຄົມ

แชร์