ສາລະວັນ ເປີດການສອບເສັງຈົບຊັ້ນ ມ7

 ແຂວງສາລະວັນເປີດພິທີສອບເສັງຈົບຊັ້ນ ມ7 ສົກຮຽນ ປີ2018-2019 ຂຶ້ນຢ່າງເປັນທາງການໃນວັນທີ 25 ມິຖຸນາ 2019 ທີ່ສູນສອບເສັງ ມສ ອົງ ແກ້ວ ໂດຍເປັນກຽດເຂົ້າຮ່ວມຂອງ ທ່ານ ພູທົງຄຳມະນີວົງ ຮອງເຈົ້າແຂວງໆສາລະວັນ, ທັງແມ່ນ ປະທານຊີ້ນຳການສອບເສັງຂັ້ນແຂວງ, ມີຕ່າງໜ້າຈາກພາກສ່ວນ ຕ່າງໆທີ່ກ່ຽວຂ້ອງ, ຕະຫຼອດຮອດ ຄູ-ອາຈານ ແລະນັກສອບເສັງເຂົ້າ ຮ່ວມການຈັດຕັ້ງການສອບເສັງ ຈົບຊັ້ນມັດທະຍົມສືກສາຕອນປາຍ (ມ7) ສົກຮຽນປີ 2018-2019 ນີມີນັກຮຽນສອບເສັງຈົບຊັ້ນທັງ ໝົດ 2.524 ຄົນ, ຍິງ 1.190  ຄົນ,ມີ 10 ສູນການສອບເສັງ, ມີ 120 ຫ້ອງ, ສະເລ່ຍຫ້ອງໜຶ່ງ 21-22 ຄົນຕໍ່ຫ້ອງ, ເພີ່ມຂຶ້ນ 8 ຫ້ອງ, ມີຈໍານວນໂຮງຮຽນທີ່ເຂົ້າການ ສອບເສັງທັງໝົດ 30 ແຫ່ງເພີ່ມ  ຂຶ້ນ 3 ແຫ່ງ, ມີວິຊາສອບເສັງທັງ ໝົດ 4 ວິຊາຄື: ວິຊາພາສາລາວ-ວັນນະຄະດີ, ເຄມີສາດ, ຄະນິດ ສາດ ແລະປະຫວັດສາດ.

ທ່ານພູທົງຄຳມະນີວົງ ຮອງເຈົ້າແຂວງໆສາລະວັນ, ທັງແມ່ນປະທານຊີ້ນຳການສອບເສັງຂັ້ນ ແຂວງກໍ່ໄດ້ມີຄຳເຫັນໂອລົມຕໍ່ຄະນະກຳມະການ, ຄູ-ອາຈານ   ແລະນັກ ສອບເສັງວ່າ: ການຮຽນ-ການ ສອນແມ່ນໄດ້ເລີ່ມຈັດຕັ້ງປະຕິບັດ ມາແຕ່ວັນທີ່ 1 ເດືອນກັນຍາ ແລະໄດ້ປະຕິບັດຕາມຫຼັກສູດການຮຽນ-ການສອນຈົນສຳເລັດ, ມາຮອດປະຈຸນບັນນີແມ່ນໄດ້ເປີດການສອບ ເສັງຈົບຊັ້ນຢ່າງເປັນທາງການ,ການເປີດການສອບເສັງຄັ້ງນີ້ກໍ່ໄດ້ ມີການແຕ່ງຕັ້ງຄະນະອະນຸກຳມະ ການຄັກແນ່ ແລະໄດ້ກະກຽມຄົ້ນຄວ້າມາເປັນເດືອນ,ທ່ານ ປະທານ ຊີ້ນຳການສອບເສັງຂັ້ນແຂວງຍັງໄດ້ຮຽກຮ້ອງໃຫ້ຄະະນະກຳມະການ ແລະອະນຸກຳມະການ, ພ້ອມທັງນັກສອບເສັງແຕ່ລະຄົນຕ້ອງ ໄດ້ປະຕິບັດຕາມກົດລະບຽບ,ຫຼັກການວາງອອກຢ່າງເຂັ້ມງວດ, ຖືກຕ້ອງຕາມໂມງເວລາ, ນອກນັ້ນກໍ່ ແມ່ນເອົາໃຈໃສ່ໃຫ້ນັກສອບເສັງແຕ່ລະຄົນໄດ້ມີໜ້າສອບເສັງຄົບຕາມຈຳນວນ ແລະບັນລຸຕາມລະດັບຄາດໝາຍທີ່ວາງໄວ້.

ຈາກນັ້ນທ່ານ ພູທົງ ຄຳມະ ນີວົງ  ຮອງເຈົ້າແຂວງໆສາລະວັນ, ທັງແມ່ນປະທານຊີ້ນຳການສອບ ເສັງຂັ້ນແຂວງກໍ່ໄດ້ໃຫ້ກຽດຕັດ ແລະເປີດຫົວບົດການສອບເສັງ ຢ່າງເປັນທາງການ, ການສອບເສັງ ຄັ້ງນີ້ແມ່ນຈະໄດ້ດຳເນີນໄປເປັນ ເວລາ 2 ວັນຄື: ວັນທີ 25-26 ມິຖຸນາ 2019 ຈຶ່ງສໍາເລັດ.

 ພາບ ແລະຂາ່ວໂດຍ: ໜັງສືພິມເສດຖະກິດ-ສັງຄົມ

แชร์