ວັດພູສະເຫຼົ້າ ເມືອງໂພນທອງ ແຂວງຈຳປາສັກ

ເມືອງໂພນທອງ ເປັນເມືອງໜຶ່ງທີ່ຕັ້ງຢູ່ທິດຕາເວັນຕົກຂອງ ແຂວງຈຳປາສັກ,ຊຶ່ງທິດຕາເວັນອອກຕິດກັບນະຄອນປາກເຊ,ທິດໃຕ້ຕິດກັບເມືອງຈຳປາສັກແລະທິດຕາເວັນຕົກແລະທິດເໜືອຕິດກັບລາຊາອານາຈັກໄທອັນໄດ້ອຳນວຍຄວາມສະດວກໃຫ້ແກ່ການໄປມາຫາສູ່ກັນລະຫວ່າງປະຊາຊົນສອງ ຝ່າຍ ແລະການແລກປ່ຽນສິນຄ້າ,ວັດທະນະທຳອັນດີງາມນຳກັນຊ່ວຍໃຫ້ເມືອງໂພນທອງໄດ້ຮັບການພັດທະນາຫຼາຍໆດ້ານເຊັ່ນ:ແຫຼ່ງທ່ອງທ່ຽວມີຄວາມງົດງາມຫຼາຍ  ແລະໄດ້ຊື່ວ່າເປັນເມືອງທີ່ມີສະຖານທີ່ທ່ອງທ່ຽວຫຼາຍ.

ວັດພູສະເຫຼົ້າ ເປັນວັດທີ່ມີຄວາມເກົ່າແກ່ ແລະສັກສິດທີ່ຢູ່ເທີ່ງພູມີທິວທັດທຳມະຊາດອັນສວຍສົດງົດງາມສາມາດແນມເຫັນນະຄອນປາກເຊພ້ອມທັງເປັນສະຖານທີ່ທ່ອງທ່ຽວທີ່ມີຊື່ສຽງໂດ່ງດັງອີກແຫ່ງໜຶ່ງຂອງແຂວງຈໍາປາສັກຊຶ່ງຕັ້ງຢູ່ເມືອງໂພນທອງ ແຂວງຈໍາປາສັກຕິດກັບຂົວຂ້າມນໍ້າຂອງປາກເຊ-ໂພນທອງ ສ້າງຕັ້ງເມື່ອວັນທີ 14/4/2559 ນຳພາສ້າງໂດຍພຣະອາຈາຣຍ໌ພະຄູຣອານາວິໂຣບຸນທອງວິປະໄຊຍ໌ (ຊາໂງນ)ພ້ອມດ້ວຍສິດສານຸສິດອອກຕົນຍາດໂຍມ.

ເອົາເປັນວ່າບັນດານັກທ່ອງທ່ຽວທັງພາຍໃນແລະຕ່າງປະເທດທ່ານໃດທີ່ມີໂອກາດໄດ້ເດີນທາງໄປ ເຂດພາກໃຕ້ກໍຍ່າລືມໄປແວ່ສະຖານທີ່ທ່ອງທ່ຽວແຫ່ງດັ່ງກ່າວກໍແລ້ວກັນເຊື່ອແນ່ວ່າທ່ານຈະປະທັບຢ່າງແນ່ນອນ.

ພາບ ແລະຂາ່ວໂດຍ: ໜັງສືພິມເສດຖະກິດ-ສັງຄົມ

 

แชร์